1 KARAENG-KARAENG 20:42 - KITTA' MATANGKASA'

⁴² Jari nakanamo anjo na'bia ri karaenga, “Iaminne Nakananga Batara: ‘Tau Kuparentakanga Kusuro buno nulappassammi attallasa'. Lanri kammana anjo musti mateko a'jari sambenna. Tantaranu laancuruki lanri nalappassanna lari tantara musua.’ ”

1 KARAENG-KARAENG 20:42 ပူးပေါင်းရင်းမြစ်များ

2 SAMUEL 12:7

Nakanamo Natan ri Daud, “Ikattemi anjo taua karaeng! Siagang iaminne kananNa Batara, iamintu Allata'alaNa Israel, ‘Ikau le'ba' mako Kuangka' a'jari karaeng mae ri Israel siagang Kupasalamakko battu ri Saul.

1 KARAENG-KARAENG 20:34

Nampa nakanamo Benhadad ri ia, “Lakupoterangi mae ri katte kota-kota le'baka narampasa' manggeku battu ri manggeta. Akkulle tongki' ambangung tampa' pa'danggangang ri kota Damsyik sangkamma nagaukanga manggeku ri Samaria.” Appialimi Ahab angkana, “Battu ri anjo janjinta nakulappassangki'.” Le'baki anjo appare'mi Ahab parjanjiang siagang Benhadad, nampa nalappassang Benhadad.

1 KARAENG-KARAENG 20:39

Numalona karaenga, akkio'mi anjo na'bia angkana, “O Karaeng Mala'biri', ri wattungku a'bundu' ri tampa' pa'bundukanga nia' tau angngerang mae ri nakke sitau musu nijakkalaka. Nakana anjo taua, ‘Jagai anne taua baji'-baji'. Punna lari, kau musti ansambeangi nibuno yareka a'bayara' 3.000 doe' pera'.’

1 KARAENG-KARAENG 20:41

Nasungkemi pa'roko' rupanna anjo na'bia, nampa niassemmo ri karaenga angkanaya na'bi anjo taua.

2 KARAENG-KARAENG 6:24

Siapa are wattu ribokoanganna, battumi Benhadad, karaeng Siria, angngerangi sikontu tantarana untu' ambunduki tu Israel. Nakurummi ke'nanga kota Samaria,

2 KARAENG-KARAENG 8:12

Akkuta'nammi Hazael angkana, “Angngapa kingngarru' Bapa'?” Nakanamo Elisa, “Nasaba' kuassengi kaja'dallang eroka nugaukang mae ri tu Israel. Lanutunui kota-kotana niaka bentenna, lanubunoi tau rungkana kaminang bajika, siagang nuaccekang kallonna ana'-ana' loloa kammayatompa nupue battanna baine tiananga.”

KAIMANGNGANG 27:29

Ba'lalo tau le'bakamo nisa'la' mae ri Batara sollanna nipanraki takkulleai nipasulu'; musti nibunoi anjo taua.

1 SAMUEL 28:18

Ikau nubaliammi parentaNa Batara siagang tena nanuero' angngancuruki tu Amalek kammayatompa sikontu barang-baranna ke'nanga. Iaminjo saba'na nanipakammako anne ri Batara ri kamma-kammaya anne.