1 KARAENG-KARAENG 20:34 - KITTA' MATANGKASA'

³⁴ Nampa nakanamo Benhadad ri ia, “Lakupoterangi mae ri katte kota-kota le'baka narampasa' manggeku battu ri manggeta. Akkulle tongki' ambangung tampa' pa'danggangang ri kota Damsyik sangkamma nagaukanga manggeku ri Samaria.” Appialimi Ahab angkana, “Battu ri anjo janjinta nakulappassangki'.” Le'baki anjo appare'mi Ahab parjanjiang siagang Benhadad, nampa nalappassang Benhadad.

1 KARAENG-KARAENG 20:34 ပူးပေါင်းရင်းမြစ်များ

1 KARAENG-KARAENG 15:20

Nasitujuimi Benhadad anjo pappala'na Asa. Nasuromi komandang-komandang tantarana siagang pasukanna ke'nanga mange ambunduki kota-kota Israel. Nabetami ke'nanga Iyon, Dan, Abel-Bet-Maakha, siagang Kinerot ri ampi'na Tamparang Galilea, kammayatompa sikontu daera Naftali.

1 KARAENG-KARAENG 20:33

Memang anjo sikamma perwira tantarana Benhadad natayangi anjo tanra bajika kammaya battu ri Ahab. Jari, nakanana Ahab, “sari'battang”, appialimi linta' ke'nanga angkana, “Iye' kammatojengi anjo Benhadad sari'battanta.” Nakanamo Ahab, “Antaraki mae!” Battuna Benhadad, nikio'mi ri Ahab nai' ri karetaya.

1 KARAENG-KARAENG 20:42

Jari nakanamo anjo na'bia ri karaenga, “Iaminne Nakananga Batara: ‘Tau Kuparentakanga Kusuro buno nulappassammi attallasa'. Lanri kammana anjo musti mateko a'jari sambenna. Tantaranu laancuruki lanri nalappassanna lari tantara musua.’ ”

1 KARAENG-KARAENG 22:31

Anjo wattua anjo tallumpuloa panglima pasukang kareta pa'bundu'na Siria le'ba'mi niparentakang ri karaenna untu' ambunduki karaeng Israel bawang.

2 PATTOTTORANG 16:4

Nasitujui Karaeng Benhadad anjo pappala'na Karaeng Asa. Nasuromi perwira-perwira tantarana siagang pasukanna a'lampa mange ambunduki kota-kotana Israel. Nabetami ke'nanga kota-kota Iyon, Dan, Abel-Bet-Maakha siagang sikontu kota-kota pammolikanga ri Naftali.

2 PATTOTTORANG 18:30

Anjo wattua le'ba'mi niparentakang sikamma panglimana pasukang kareta bundu'na Siria ri karaenna sollanna karaeng Israelmo bawang nabunduki ke'nanga.

YESAYA 26:10

Manna nabaji' nigaukang ri tau ja'dalaka, tena todong napappilajari apa annabaya. Manna ri pa'rasangang niaka hukkunna jekkong tonji gau'na, na taeroka angngakui koasaNa Batara.

YESAYA 8:12

“Teako arengi passikongkolang apa nakanaya ke'nanga passikongkolang, siagang teako mallakki ri apa-apa nakamallakkanga ke'nanga.

PAOLE 7:2

Punna Napassareang Karaeng Allata'alanu anjo bansa-bansaya antama ri kakoasannu siagang nubeta ke'nanga, buno ngasengi anjo ke'nanga. Teako kamaseangi ke'nanga siagang teako appareki parjanjiang siagang ke'nanga.

1 SAMUEL 11:1

Nampa Nahas, iamintu karaeng tu Amon, napagio'mi tantarana nampa nakurung anjo kota Yabesh ri daera Gilead. Angngussulu'mi panduduka mae ri Nahas kamma anne, “Appare' maki' parjanjiang siagang ikambe, nampa latundu' ikambe mae ri katte.”

1 SAMUEL 15:8

Sikontu ra'ya'na siagang tantarana tu Amalek nibuno ngasemmi ri Saul. Mingka Agag karaenna tu Amalek najakkala' attallasaki nanaboli' Saul siagang tantarana attallasa'. Kammayatompa sikamma gimbala'na siagang sapina kaminang bajika, ana' sapina siagang ana' gimbala'na kaminang co'moka, kammayatompa sikontu apa-apa lompoa anggaranna; iaji bawang olo'-olo' tenaya matu-matunna siagang tenaya anggaranna naancuru'.