1 KARAENG-KARAENG 20:33 - KITTA' MATANGKASA'

³³ Memang anjo sikamma perwira tantarana Benhadad natayangi anjo tanra bajika kammaya battu ri Ahab. Jari, nakanana Ahab, “sari'battang”, appialimi linta' ke'nanga angkana, “Iye' kammatojengi anjo Benhadad sari'battanta.” Nakanamo Ahab, “Antaraki mae!” Battuna Benhadad, nikio'mi ri Ahab nai' ri karetaya.

1 KARAENG-KARAENG 20:33 ပူးပေါင်းရင်းမြစ်များ

1 KARAENG-KARAENG 15:18

Lanri kammana Karaeng Asa naalle ngasengi sikontu bulaenga siagang peraka ia niaka ija ri Balla'Na Batara siagang ri balla' kakaraenganga, nampa nakiring mange ri Damsyik, ri Karaeng Benhadad ri Siria, ana'na Tabrimon cucunna Hezion. Anjo barang-baranga nakiringi siagang nasuro erangi ri siapa are pagawena balla' kakaraenganga, nampa akkiring pasang angkana,

1 KARAENG-KARAENG 20:32

Jari ammakemi ke'nanga kaeng karung siagang otere' ri kallong, nampa a'lampa ke'nanga mange andallekang ri Ahab siagang angkana, “Benhadad iami atanna karaenga. Napalaki ri katte sollanna tena nakibunoi.” Appialimi Ahab angkana, “Attallasa' ijika anjo sari'battangku?”

1 KARAENG-KARAENG 20:34

Nampa nakanamo Benhadad ri ia, “Lakupoterangi mae ri katte kota-kota le'baka narampasa' manggeku battu ri manggeta. Akkulle tongki' ambangung tampa' pa'danggangang ri kota Damsyik sangkamma nagaukanga manggeku ri Samaria.” Appialimi Ahab angkana, “Battu ri anjo janjinta nakulappassangki'.” Le'baki anjo appare'mi Ahab parjanjiang siagang Benhadad, nampa nalappassang Benhadad.

2 KARAENG-KARAENG 10:15

Napannarrusu'mi lampana Yehu. Ri tangngana aganga niruppaimi ri Yonadab ana'na Rekhab. A'barisallammi Yehu ri ia siagang nakana, “Sai ikatte a'julu atiki'? Maka ero'jako agang mae ri nakke?” Appiali Yonadab angkana, “Iyo'.” Angkanami Yehu, “Punna kamma, umba kisita'gala' lima.” Jari assita'gala' limami ke'nanga, nampa nabantu Yonadab nai' antama' ri karetana,

PANGNGEBARANG 25:13

Tunisuro tamamminraya, napakasannangi nyawana tumassurona, sanrapang je'ne' dinging nakasiaka pakattoa ri kokoa.

LUKAS 16:8

Jari nipujimi ri karaenna anjo pagawe ammolika doe' tenaya nalambusu' ri jama-jamanna, lanri cara'de'na a'boya akkala'. Nasaba' cara'dekangangi tau ammantanga lalang lino angngurusuki urusanna kala tau ammantanga lalang ri singaraka.”

LAMPA-LAMPANA 8:31

Appialimi anjo taua nakana, “Antekamma lakkulle kupahang punna tena ampakasingarianga'?” Nampa nakio'mi Filipus nai' ri karetaya nammempo siagang.