1 KARAENG-KARAENG 20:29 - KITTA' MATANGKASA'

²⁹ Tuju allo sallona tulusu' lalanna massing ri kemana tu Siria siagang tu Israel, assidale'-dallekang ke'nanga. Ri makatujuna alloa appakkaramulami ke'nanga simajui a'bundu'. Lalang ri anjo pa'bundukanga nia' 100.000 tu Siria nibuno ri tu Israel.

1 KARAENG-KARAENG 20:29 ပူးပေါင်းရင်းမြစ်များ

PA'JARIANG 25:20

Ishak, patampulo taung umuru'na ri wattunna a'nikka siagang Ribka, andi'na Laban, ana'na Betuel, tubattu ri Aram ri Mesopotamia.

2 SAMUEL 10:18

Mingka nitunrungi ri tu Israel tantarana tu Siria. Daud siagang pasukanna nabunoi 700 tau paerang kareta pa'bundukang, siagang 40.000 tau tantara a'jarang; pantaranganna anjo Sobakh, panglima tantarana musua sarring tongi loko'na sa'genna mate ri tampa' pa'bundukanga.

1 KARAENG-KARAENG 20:28

Nampa nia'mo sitau na'bi battu mae ri Karaeng Ahab siagang angkana, “Iaminne Nakananga Batara: ‘Lanri anjo tu Siria nakanangi ri daera pa'moncongangi bawang jari kakoasangKu na tena ri lappara' rawaya, laKusareko pammetang mae ri anjo tantarana ke'nanga, sannaka ta'liwa'na jaina. Ikau siagang ra'ya'nu lanuassengi angkanaya iNakkemi Batara.’ ”

1 KARAENG-KARAENG 20:30

Sikamma tau lappasaka, lari mange ri kota Afek, mingka rumbangi tembo'na anjo kotaya, na nia' 27.000 tau ri ke'nanga nituju. Lari tommi Benhadad mange anjoreng ri kotaya nampa accokko ri se'reang balla' ri kamara' bageang lalang.

2 KARAENG-KARAENG 13:17

Nampa situru' anjo parentana na'bia, nasungkemi karaenga tontonganga a'dalle' mangea ri Siria. Naparentakammi Elisa angkana, “Lappassammi ana' pananu!” Silalonna nalappassanna karaenga anjo ana' panaya, a'gorami anjo na'bia angkana, “Ikaumi panaNa Batara. Iaminjo panaNa Batara lanupake ambetai Siria. La'bundukko a'bali tu Siria ri Afek sa'genna nubeta ke'nanga.”

2 KARAENG-KARAENG 13:25

Nampa Yoas karaeng Israel nabetai Benhadad pintallung siagang naallemi ammotere' kota-kota le'baka nialle ri Benhadad ri wattu pamarentahanna Yoahas manggena Yoas.

2 PATTOTTORANG 13:17

Ammeta lompoi Abia siagang pasukanna mae ri tu Israel; nia' 500.000 pasukanna Israel kaminang bajika mate.

PAMMUJI 10:16

Batara ammarenta sa'genna satunggu-tungguna; bansa-bansa tenaya namangngasseng ri Ia la'lanynyaki battu ri buttana.

YESAYA 37:36

Anjo bangngia battumi malaeka'Na Batara ri kemana tu Asyur na nabuno 185.000 jaina tantarana. Ammukona bari'basa' tassia'-siara'mi anjo maya'na ke'nanga.

YOSUA 6:15

Ri makatujuna alloa ambangummi ke'nanga ri wattu beru ammumbana alloa, nampa a'barrisi' angnginroi anjo kota Yerikho sangkamma biasa, mingka anjo alloa sa'genna pintuju nainroi. Iajinjo bawang alloa napintuju nainroi ke'nanga anjo kotaya.

1 SAMUEL 17:16

Nia' patampulo allo, bari'basa' karuengi Goliat a'reppese' mange ri barisi'na Israel untu' ampa'ngarai ke'nanga.