1 KARAENG-KARAENG 20:16 - KITTA' MATANGKASA'

¹⁶ Appakkaramulai maju ri wattunna allo, ri wattu sitabanna angnginung-nginung Benhadad siagang anjo tallumpuloa karaeng naaganga sita'gala', sa'genna nasa'ring ke'nanga lalang ri kemaya.

1 KARAENG-KARAENG 20:16 ပူးပေါင်းရင်းမြစ်များ

1 KARAENG-KARAENG 16:9

Zimri, sitau perwira a'jari komandanga ri bage ruana pasukang karetaya, assikongkoloki angngewai Ela. Ri se'reang allo ri Tirza, angnginung-nginungi Ela sa'genna nasa'ring ri balla'na Arza, kapala ruma tanggana balla' kakaraenganga.

1 KARAENG-KARAENG 20:15

Jari napagio'mi karaenga sikamma tantara rungka-rungkaya pangawala'na sikamma kapala daeraya. Yangasenna nia' 232 tantara. Nampa napakammatommi anjo tantara Israel. Yangasenna nia' 7.000 jaina tau.

1 KARAENG-KARAENG 20:17

Ia majua la'bi riolo iamintu anjo tantara rungka-rungkaya. Tau nasuroa Benhadad untu' angngodoki musua, battumi a'laporo' mae ri Benhadad angkanaya nia' sipa'rappungang tantara lalang pa'jappang ero' ambattui ke'nanga, battu ri tujunna Samaria.

1 KARAENG-KARAENG 22:31

Anjo wattua anjo tallumpuloa panglima pasukang kareta pa'bundu'na Siria le'ba'mi niparentakang ri karaenna untu' ambunduki karaeng Israel bawang.

PANGNGEBARANG 20:1

Inungang terasaka napa'jari kurangajaraki siagang ricui taua. Toloi tau angnginunga sa'genna nasa'ring.

YESAYA 5:22

Cilakako kau tuporea angnginung anggoro'! Baraniko siagang hebakko punna accampurukko inungang terasa'!

YESAYA 54:15

Punna nibundukiko, teai iNakke ampassuroangi, manna inai ambundukiko latu'guru' ngasengi.

HOSEA 4:11

Nakana Batara, “He ummakKu, baji' anggoro' salloa kammayatompa anggoro' berua napa'lanynya'mi pakkullenu untu' appikkiri' baji'.

AMOS 6:7

Lanri kammana anjo, ikau ngasemmi uru-uru laniengka' mange ri butta pammelakkanga. Passua'-suarrannu siagang pangnganreang-pangnganreannu lakala'busammi.