1 KARAENG-KARAENG 20:15 - KITTA' MATANGKASA'

¹⁵ Jari napagio'mi karaenga sikamma tantara rungka-rungkaya pangawala'na sikamma kapala daeraya. Yangasenna nia' 232 tantara. Nampa napakammatommi anjo tantara Israel. Yangasenna nia' 7.000 jaina tau.

1 KARAENG-KARAENG 20:15 ပူးပေါင်းရင်းမြစ်များ

1 KARAENG-KARAENG 19:18

Mingka nia' 7.000 tu Israel laKupasalama', iamintu sikamma tau tuli majarreka mae ri Nakke siagang tenaya nale'ba' su'ju' anynyomba ri patung Baal yareka nabaui.”

1 KARAENG-KARAENG 20:14

Akkuta'nammi Ahab angkana, “Inai rolong musti maju?” Appialimi anjo na'bia angkana, “Tantara rungka-rungkaya, pangawala'na sikamma kapala daeraya. Kammaminjo kananNa Batara.” Akkuta'nammi pole karaenga angkana, “Na inai ampimpingi anjo lamajua?” Appialimi anjo na'bia angkana, “Ikatte kalenta”.

1 KARAENG-KARAENG 20:16

Appakkaramulai maju ri wattunna allo, ri wattu sitabanna angnginung-nginung Benhadad siagang anjo tallumpuloa karaeng naaganga sita'gala', sa'genna nasa'ring ke'nanga lalang ri kemaya.

2 KARAENG-KARAENG 13:7

Le'ba'mi niancuru' tantarana tu Israel ri karaeng Siria sa'genna ia niaka nakammai Yoahas iamintu 50 tantara a'jarang, 10 kareta bundu', siagang 10.000 tantara.

2 PATTOTTORANG 14:11

Nampa appala' doang Asa ri Karaeng Allata'alana, nakana, “O Batara, iKatteji bawang akkulle ambantui tau lammaya andallekangi tau kassaka. Kitulung laloi ikambe kamma-kamma anne, o Karaeng Allata'alana ikambe! Ri Katteji bawang tanjeng ikambe, siagang lanri arenTa bawang nassulu' anne ikambe untu' angngewai anne pasukang sannaka lompona. O Batara, iKatteji bawang Allata'alana ikambe. TeaKi' pa'biangngi KalenTa nibeta ri se'reang rupatau.”

PAMMUJI 33:16

Teai lanri jaina tantarana nammeta karaenga, tena nasalama' surudadua lanri kagassinganna.

HAKING-HAKING 7:16

Nampa nabage tallu Gideon anjo tallum bilangnganga taunna, a'jari tallu regu. Tase're-se're tau massing nisarei tarompe', siagang se're pammantangang sulo.

HAKING-HAKING 7:7

Nakanamo Batara ri Gideon, “Iaminjo tallum bilangnganga tau allepaka je'ne' laKupake untu' allappassangko siagang naKusareko pammetang mae ri tu Midian. Suromi anjo maraengannaya ammotere' ngaseng.”

1 SAMUEL 14:2

Anjo wattua sitabangi Saul nia' irawanganna poko' kayu delima ri Migron, tena nabella battu ri Gibea. Ra'ya' niaka amminawang ri ia kira-kira 600 tau jaina.

1 SAMUEL 14:6

Nakanamo Yonatan ri anjo turungkaya, “Umba kimange ri balla' jagana anjo tu Filistin kapereka. Gassingka ero'ji Batara antulungki'. Nasaba' akkullei Nasare Batara pammetang taua, baji' napunna jai tau kammayatompa lalang sike'de'na tau.”