1 KARAENG-KARAENG 20:12 - KITTA' MATANGKASA'

¹² Nipabattumi anjo pappialinna Ahab mae ri Benhadad ri wattunna sitabang angnginung-nginung siagang karaeng-karaeng maraeng naaganga sita'gala' lalang ri kemana ke'nanga. Nalangngere'na Benhadad anjo, naparentakammi sikontu perwira tantarana untu' sadia mange ambunduki Samaria. Jari sadia-sadia ngasemmi ke'nanga.

1 KARAENG-KARAENG 20:12 ပူးပေါင်းရင်းမြစ်များ

2 SAMUEL 13:28

Naparentakammi mae ri sikamma ata-atanna angkana, “Parhatikangi baji'-baji', punna nasa'rimmo Amnon angnginung anggoro', lakusareko pammatei nampa nubuno. Teako mallakki. Inakke antanggongi anne passalaka. Pa'baraniangi kalennu anggaukangi siagang teako bata-batai.”

1 KARAENG-KARAENG 16:9

Zimri, sitau perwira a'jari komandanga ri bage ruana pasukang karetaya, assikongkoloki angngewai Ela. Ri se'reang allo ri Tirza, angnginung-nginungi Ela sa'genna nasa'ring ri balla'na Arza, kapala ruma tanggana balla' kakaraenganga.

1 KARAENG-KARAENG 20:16

Appakkaramulai maju ri wattunna allo, ri wattu sitabanna angnginung-nginung Benhadad siagang anjo tallumpuloa karaeng naaganga sita'gala', sa'genna nasa'ring ke'nanga lalang ri kemaya.

YEREMIA 43:10

Nampa nupau mae ri ke'nanga angkana iNakke, Batara Kaminang Koasaya, iamintu Allata'alana Israel, laKupabattui atangKu Nebukadnezar karaeng Babel, mae anrinni ri tampaka. Siagang anjoreng ri rateanna batu-batu Kulamunga lalang ri anjo buttaya, lanapaentengi empoang kakaraenganna siagang napaka'rang kema kakaraenganna.

DANIEL 5:2

Lalang angnginung-nginunna ke'nanga, naparentakammi Belsyazar untu' angngallei mangko'-mangko' bulaenga siagang peraka, iamintu le'baka narampasa' Nebukadnezar, manggena, battu ri Balla'Na Batara ri Yerusalem. Pattujunna Karaeng Belsyazar iamintu sollanna sikamma tumalompoa, sikamma bainenna, baine piarana, kammayatompa pole kalenna, angnginungi battu ri anjo mangko'-mangkoka.

DANIEL 5:30

Anjo memang bangngia nibuno memammi anjo Belsyazar karaeng Babel.

LUKAS 21:34

“Jagai kalennu, gassingka sangnging assua'-suaraka, angnginung inungang terasa', yareka sangnging passala' katallassannu bawang nunawa-nawa, sa'genna tena nusadia natanusanna-sannaya nabattumo anjo wattua.

EFESUS 5:18

Teako nabengoi anggoro', nasaba' anjo anggoroka akkulleko napanraki. Passangalinna paralluko nikoasai ri RohNa Allata'ala.

1 SAMUEL 25:36

Ri wattunna ammotere' Abigail mae ri Nabal, nia'mo narapikang passua'-suarrang lompo nigaukang ri balla'na, sangkamma passua'-suarrang karaeng. Nalanri nasa'ringi Nabal siagang a'rannu-rannuna, tena sikalimo nanipauangi ri bainenna sa'genna ammukona.