1 KARAENG-KARAENG 2:7 - KITTA' MATANGKASA'

⁷ Mingka mae ri ana'-ana' bura'nena Barzilai battu ri Gilead paralluko appanggaukang baji'. Musti nutanggongi kaparalluang allo-allona ke'nanga, nasaba' le'ba'mi ampanggaukang baji' ke'nanga mae ri nakke ri wattungku lari battu ri daennu iami antu Abasalom.

1 KARAENG-KARAENG 2:7 ပူးပေါင်းရင်းမြစ်များ

PA'JARIANG 40:14

Mingka u'rangia' punna baji'-baji' mako. Tulunga' nanupabattu kara-karaku mae ri karaenga sollanna nalappassanga' battu ri anne tarungkua.

2 SAMUEL 19:28

Sikontu kaluargana manggena atanta siratangi kihukkung mate, mingka anne inakke atanta ba'lalo kisarea' pangngellai sipangnganreang ri balla' kakaraenganga. Kamma-kamma anne tabaraniami atanta appala' ija apa-apa battu ri katte karaeng.”

2 SAMUEL 9:10

Ikau siagang sikamma ana'nu kammayatompa pambantunu musti najamai anjo buttaya untu' kaluargana karaennu Saul, siagang sareangi anjo wassele'na ke'nanga untu' ampa'gannaki kaparalluanna ke'nanga. Mingka Mefiboset akkullei angnganre satunggu-tungguna ri balla' kakaraenganga.” (Ziba nia' ana'na 15 tau bura'ne siagang 20 jaina atanna.)

2 SAMUEL 9:7

Angkanami Daud, “Teako mallakki. Lalammoro' pa'maika' mae ri kau lanri Yonatan manggenu. Sikontu buttana toanu iamintu Saul, lakupoterangi mae ri kau siagang akkulleko angnganre ri balla' kakaraenganga satunggu-tungguna.”

2 KARAENG-KARAENG 25:29

Tenamo nammakeang tunitarungku Yoyakhin, siagang biasai angnganre ri balla' karaenga, kammayatompa nisarei doe' untu' kaparalluang katallassanna.

EZRA 2:61

Nia' todong siapa are golongang kaluarga imang tanagappayai catatanna boe-boena ke'nanga, iamintu golongang kaluarga Habaya, Hakos, siagang Barzilai. (Boena golongang Barzilai a'buntingi siagang sitau baine turungang golongang Barzilai ri Gilead, nampa ammake areng kaluargana matoanna.) Lanri takkulleai napa'butti angkana inai boe-boena ke'nanga, jari tanitarimayami ke'nanga a'jari imang.

PANGNGEBARANG 27:10

Teako kaluppai agannu yareka aganna manggenu. Teako appalakki bantuang ri sari'battannu lalang kasukkarang; a'matu-matuangngangi siampi' balla'nu kala sari'battannu bellaya.

YEREMIA 52:33

Nikellai ansambei pakeang tarungkuna na situlusu'na akkullei angnganre ri balla' karaenga, na allo-allona nisare doe' untu' kaparalluang tallasa'na.

LUKAS 12:37

Teai sipato' upa'na ngaseng palayang-palayang nirapikanga sadia attayang ri wattunna battu karaenna. Patappa'mi angkanaya: lasadiai anjo karaenga assuroi anjo palayang-palayanga ammempo, nampa nasuro layani kalenna anjo karaenga.