1 KARAENG-KARAENG 2:4 - KITTA' MATANGKASA'

⁴ Punna mannurukiko ri Batara, laNarupai janjinNa angkanaya turungangku lammarenta ri Israel, assala' tuli majarreki mannuruki ri sikontu parenta-parentaNa siagang situlusu'na atinna siagang nyawana ke'nanga.

1 KARAENG-KARAENG 2:4 ပူးပေါင်းရင်းမြစ်များ

PA'JARIANG 17:1

Ri wattunna salapampulo assalapang taung umuru'na Abram, Napappicinikammi KalenNa Batara mae ri ia na Nakana, “INakkemi Allata'ala Kaminang Koasaya. Turuki laloA' siagang tuli gaukangi erokKu.

PA'JARIANG 18:19

Ia le'ba'mi Kupile sollanna naparentakang mae ri sikamma ana'-ana'na siagang turunganna untu' amminawang turu' ri Nakke kammayatompa nagaukang panggaukang bajika siagang adeleka. Punna nagaukangi ke'nanga anjo passalaka, sikontu janjingKu mae ri Abraham laKurupai ngasengi.”

2 SAMUEL 7:25

Na kamma-kamma anne, o Karaeng Allata'ala, poro mangngellaiKi' ampakajarreki janjinTa le'baka Kipau untu' satunggu-tungguna ri passala'na kalengku siagang jari-jariku. Poro mangngellaiKi' naKipa'rupa anjo apa le'baka Kipa'janjiang.

1 KARAENG-KARAENG 1:48

appala' doang angkana, ‘Nipujiki', o Batara, Allata'ala nasombaya umma' Israel. Anne alloa kalase'renna turungangku le'ba'mi Kiangka' a'jari karaeng untu' ansambeanga'. Siagang iKattemi ansarea' kasampatang attallasa' untu' ansa'bi!’ ”

1 KARAENG-KARAENG 11:36

Mingka se're suku laKulappassangi ri ia, sollanna tuli nia' sitau battu ri turunganna atangKu Daud ammarenta untu' iNakke ri Yerusalem, kota le'baka Kupile a'jari tampa' passambayangang mae ri Nakke.

1 KARAENG-KARAENG 3:14

Na punna ikau, sangkamma Daud manggenu riolo, nuturukiA' siagang nupinawangi hukkung-hukkungKu, laKusareko umuru' sallo.”

1 KARAENG-KARAENG 3:3

Salomo mangngamaseangi ri Batara siagang mannuruki ri pitunju'-pitunju' battua ri manggena. Mingka tuli anynyamballe iji siagang assare iji koro'bang olo'-olo' ri tampa' a'rupa-rupaya.

1 KARAENG-KARAENG 6:12

“Punna nuturuki sikontu hukkungKu siagang parentaKu, laKupa'rupai mae ri kau apa le'baka Kupa'janjiang mae ri Daud manggenu.

1 KARAENG-KARAENG 8:23

siagang appala' doang angkana, “O Batara, Allata'alana Israel! Ri langi' yareka ri buttaya, tena sangkammanTa! Kirupai janjinTa siagang Kipappicinikangi pangngamaseanTa mae ri ummatTa tamamminraya siagang mannurukia situlusu' atinna mae ri Katte.

1 KARAENG-KARAENG 8:25

Le'ba' tongKi' a'janji mae ri manggeku angkanaya punna mannuruki tojeng-tojeng turunganna mae ri Katte kamma kalenna, tuli lania' turunganna la'jari karaeng ri Israel. Kamma-kamma anne, o Karaeng Allata'alana Israel, kupalaki poro Kirupai ngaseng tommi anjo apa le'baka Kipa'janjiang mae ri manggeku Daud, anjo atanTa.

1 KARAENG-KARAENG 9:5

laKurupai janjingKu mae ri manggenu Daud, angkanaya ana' cucunna situlusu'na tuli lammarentai ri Israel.

2 KARAENG-KARAENG 20:3

“O Batara, Kiu'rangi laloi angkanaya le'ba'mi kupare' ata kalengku mae ri Katte, majarreka' siagang tulusuki pa'maikku mae ri Katte. Tuli kuusahai anggaukangi apa Kikaerokia.” Nampa angngarru' Hizkia sanna' si'nana nasa'ring nyawana.

2 KARAENG-KARAENG 23:25

Tena le'bakai nia' karaeng sangkamma Yosia, attojeng-tojenga ri pa'mai'na anynyomba mae ri Batara, siagang napa'nyatami anjo lalang ri carana attallasa' siagang appanggaukang, situru' sikontu hukkung niaka tattulisi' lalang ri kitta'na Musa. Manna ri tenanamo Yosia, tena tommo karaeng sangkammanna.

1 PATTOTTORANG 28:9

Nampa nakana Daud mae ri Salomo, “Anakku, parallui nuakui Allata'ala nasombaya manggenu, salaku Allata'alanu. Musti anynyombako mae ri Ia situlusu'na atinnu. Nasaba' Naasseng ngasengi sikontu pikkiranta siagang apa nakaerokia atinta. Punna nuboyai, lanubuntuluki, mingka punna nubokoi, laNasorongbokoko sa'genna satunggu-tungguna.

2 PATTOTTORANG 17:3

Nabarakkaki Batara anjo Yosafat lanri naturuki apa nagaukanga manggena; tena nanynyomba ri Baal,

2 PATTOTTORANG 6:16

Le'ba' tommaKi' a'janji mae ri manggeku angkanaya punna attojeng-tojengi jari-jarina mannuruki ri hukkung-hukkunTa sangkamma todong ia, ma'nassa nia' sitau battu ri anjo jari-jarina lammarenta salaku karaeng ri Israel sa'genna satunggu-tungguna. Kamma-kamma anne, o Karaeng Allata'alana Israel, poro Kirupai ngaseng tollalomi apa le'baka Kipa'janjiang mae ri anjo manggeku Daud, atanTa.

2 PATTOTTORANG 7:18

laKurupai anjo janjingKu mae ri manggenu Daud, angkanaya tuli lania' battu ri jari-jarina a'jari karaeng mae ri tu Israel.

PAMMUJI 119:9

Tau rungkaya akkullei najagai tallasa'na natena callanna punna attallasaki situru' parentaTa.

PAMMUJI 37:22

Tu nibarakkakia ri Batara lanawarisiki anjo buttaya, mingka laNabongkai tu Natunraya.

PAMMUJI 37:9

Saba' lanipa'lanynyaki tau a'gau' ja'dalaka, mingka tu manrannuanga ri Batara lanawarisiki anjo buttaya.

PAMMUJI 39:1

Untu' pamimping pakelong. Pammujina Daud. Untu' Yedutun.

YEREMIA 33:17

INakke, Batara, a'janji angkanaya tuli lania' sitau battu ri jari-jarina Daud a'jari karaeng ri Israel;

KAIMANGNGANG 26:3

Punna nuturuki paratorang-paratorangKu siagang parenta-parentaKu lalang tallasa'nu,

ZAKHARIA 14:2

LaNapa'rappung ngasengi Batara sikontu bansaya untu' ambunduki Yerusalem. Laniallei anjo kotaya, laniellaki sikamma balla'na, siagang lanigau' bawangi sikamma tubai'-bainena. Tawaruanna pandudu'na laniengkaki mange ri butta pammelakkanga, mingka la'binna lammantangi anjoreng ri kotaya.

MATIUS 22:37

Appialimi Isa Nakana, “Kamaseangi Karaeng Allata'alanu siagang sitepu atinnu, sitepu pa'mai'nu kammayatompa sitepu tallasa'nu.

LUKAS 1:6

Ningai ri Allata'ala katallassang pakkalabinianna ke'nanga. Nasaba' tutui ke'nanga anturuki ero'Na Allata'ala siagang sikamma atorang Napassareanga Allata'ala.

PAOLE 10:12

“Kamma-kamma anne sari'battangku ngaseng, parhatikang lalomi apa Natuntuka Karaeng Allata'alanu battu ri kau, angkanaya: Pakala'biriki Karaeng Allata'alanu siagang gaukang laloi sikontu Naparentakanga. Mangngamaseangko mae ri Ia, siagang gaukang laloi ibadanu mae ri Ia ilalang sikontu batangkalennu siagang nyawanu.

PAOLE 11:13

Jari turuki lalomi parenta-parenta kupabattua mae ri kau anne alloa; kamaseangi Karaeng Allata'alanu siagang gaukangi ibadanu mae ri Ia lalang sikontu batangkalennu siagang nyawanu.

PAOLE 6:5

Kamaseangi Karaeng Allata'alanu siagang sikontu pa'mai'nu: Pappicinikangi kammaya anjo lalang ampe-ampe tallasa'nu siagang lalang ri panggaukannu.

PAOLE 7:12

“Punna nuparhatikang anjo parenta-parentaya, siagang nugaukang tamattappu', tena todong namamminra pa'mai'Na Karaeng Allata'alanu mae ri parjanjiang Napareka siagang ikau ngaseng. LaNapappicinikangi pangngamaseang tamattappu'Na mae ri kau, sangkamma Napa'janjianga mae ri boe-boenu.

YUDAS 1:24

Allata'ala, Makoasaya anjagaiko sollanna tena nutu'guru' siagang Makoasaya angngerangko mae ri dallekang mala'biri'Na siagang rannu kammayatompa tena callannu,