1 KARAENG-KARAENG 2:37 - KITTA' MATANGKASA'

³⁷ Punna baraniko assulu' siagang a'lampa allaloi pangkana Binanga Kidron, musti nibunoko. Nampa kalennu tonji antanggongi anjo kasalannu.”

1 KARAENG-KARAENG 2:37 ပူးပေါင်းရင်းမြစ်များ

2 SAMUEL 1:16

Nakana Daud ri anjo tu rungka battua ri Amalek, “Ikau kalennu ampattantui anne hukkungang matea mae ri kalennu lanri nuakuina angkanaya ikau le'ba' ambunoi karaeng Napilea Batara!”

2 SAMUEL 15:23

Angngarru' lompo kabusu'mi ra'yaka ri wattunna nabokoimo pasukang-pasukanna Daud anjo kotaya. Nampa a'limbang karaenga ri pangka Binangana Kidron nipinawang ri sikontu pasukanna, nampa a'jappa ke'nanga a'lampa mange ri parang lompoa.

1 KARAENG-KARAENG 15:13

Toana, Maakha, napammari battu ri kadudukanna salaku amma' karaeng, lanri le'ba'na appare' patung barhala salaya untu' Asyera, iamintu rewata baine untu' kacoppongang lamung-lamung. Narumbangi Asa anjo barhalaya nampa natunu ri Lappara' Kidron.

1 KARAENG-KARAENG 2:31

Nalangngere'na karaenga anjo, nakanamo, “A'lampamako siagang gaukammi anjo apa napaua. Bunoi siagang tarawangi, sollanna inakke siagang turunganna manggeku tenamo nakutanggong jawa' mae ri pammunoang nagaukanga Yoab mae ri tau tenaya salana pirangalloang.

1 KARAENG-KARAENG 2:33

Hukkungang lanri kamateanna anjo ruaya perwira lanatanggongi Yoab siagang turunganna sa'genna satunggu-tungguna. Mingka sikontu turunganna manggeku a'jari karaenga, tuli lanibarakkaki ri Batara – laupaki ke'nanga.”

1 KARAENG-KARAENG 2:38

Appialimi Simei angkana, “Baji'mi, karaeng mala'biri'. Lakuturuki antu parentata.” Jari ammantammi Simei ri Yerusalem.

2 KARAENG-KARAENG 23:6

Patunna Dewi Asyera napasuluki battu ri Balla'Na Batara, nampa naerang assulu' ri pantaranna kotaya, mange ri Ka'bung Lappara' Kidron. Anjoreng nitunumi anjo patunga, nampa nidengka sa'genna alusu' cumi'na, siagang nipakioro' auna irate ri pa'jerakkang tujaia.

YEREMIA 31:40

Sikontu anjo ka'bung lapparaka, nipakea a'jari pa'jerakkang siagang tampa' pammelakkang loro, kammayatompa sikontu kokoa ri birinna Binanga Kidron sa'genna mange ri Pakke'bu' Lompo Jarang a'lampa anrai', lanisa'laki untu' iNakke. Kota Yerusalem tenamo nalaniruntungi yareka tenamo nalaniancuruki.”

YEHEZKIEL 18:13

Punna assarei angnginrang appalaki bunga. Apaka anjo tau kammaya lattallasaki? Tena! Nagaukammi sikontu panggaukang appakaringi'-ringika anjo, siagang lamatei. Anjo namate lanri panggaukanna tonji.

KAIMANGNGANG 20:9

Napassareangi Batara anne paratorang-paratorang angkanaya, “Inai-nai antunrai manggena yareka anronna, musti nihukkung matei. Matei lanri salana tonji.

YOHANES 18:1

Le'baki appala' doang kamma anjo, a'lampami Isa siagang ana'-ana' gurunNa anta'leang ri ba'leanna Binanga Kidron. Anjoreng nia' se're koko. Antama'mi Isa siagang ana'-ana' gurunNa ri anjo kokoa.

YOSUA 2:19

Punna nia' kalase'renna ke'nanga assulu' battu ri anne ballaka nampa mate nibuno, lanri kasalanna tonji antu namate; ta'lappasaki ikambe battu ri kasalanga. Mingka punna nia' tau anggappa bala lalang ri anne ballaka, ikambe pata sala.