1 KARAENG-KARAENG 2:33 - KITTA' MATANGKASA'

³³ Hukkungang lanri kamateanna anjo ruaya perwira lanatanggongi Yoab siagang turunganna sa'genna satunggu-tungguna. Mingka sikontu turunganna manggeku a'jari karaenga, tuli lanibarakkaki ri Batara – laupaki ke'nanga.”

1 KARAENG-KARAENG 2:33 ပူးပေါင်းရင်းမြစ်များ

PA'JARIANG 42:22

Nakanamo Ruben, “Sai kukana memang riolo ri kau ngaseng angkana teako apa-apai anjo anaka. Mingka tea ngasengko appilangngeri. Nakamma-kamma anne nibalasa'mi mae ri katte kamateanna.”

2 SAMUEL 14:9

Nakanamo anjo bainea, “O karaeng mala'birikku, manna pole apa lanagaukang karaengku, atanta siagang kaluargana atanta tuli lantanggongi kodina anjo passalaka; ikatte karaeng siagang kaluargata tena kisala.”

1 KARAENG-KARAENG 2:32

Lanihukkungi ri Batara lanri pammunoang le'baka nagaukang nampa tanaassenga manggeku. Abner, perwira tantarana Israel, siagang Amasa perwira tantarana Yehuda, rua-rua tena salana. Bajikangngangi ke'nanga na kalenna Yoab, mingka nabunoi ke'nanga.

1 KARAENG-KARAENG 2:44

Baji' nuassenna sikontu kaja'dallannu mae ri manggeku. Lanri kammana minjo na laNahukkungko Batara,

1 KARAENG-KARAENG 8:32

o Batara, poro Kipilangngeri ri suruga siagang Kitappuki parkarana anne ata-atanTa ngaseng. Hukkungi tau salaya situru' panggaukanna, siagang Kilappassangi tau tenaya nasala.

2 KARAENG-KARAENG 5:27

Lanri nutarimana anjo passarea, lanutarima tongi anjo garrinna Naaman. Ba'lalo sa'genna satunggu-tungguna sikamma jari-jarinu lanagappai anjo garringa!” Ri wattunna assulu' Gehazi battu anjoreng, anggappami garring sala, iamintu a'jari kebo' sikalimi bukkulenna.

1 PATTOTTORANG 17:27

Lanri kammana minjo nakuappala' tulummo ri Katte, poro Kibarakkaki turungangku sollanna tuli nakasia' pangngamaseanTa satunggu-tungguna. Nasaba' le'ba'mi Kibarakkaki umatTa, O, Batara, jari tuli lanibarakkakimi ke'nanga sa'genna satunggu-tungguna.”

PAMMUJI 101:8

Allo-alloi lakupaccappu' sikamma tau ja'dalaka ri anne pa'rasanganga. Sikontu tau manggaukanga kaja'dallang lakupa'lanynyaki battu ri kotaNa Batara.

PAMMUJI 132:12

Punna tamamminraya ana'-ana'nu mae ri parjanjiangKu, siagang mannuruki ri sikamma parentaKu, jari untu' satunggu-tungguna turunganna ke'nanga lansambeangko a'jari karaeng.”

PAMMUJI 21:4

BattuKi' mange ri ia siagang barakka' alla'bi-la'bi, naKipipakei songko' karaeng bulaeng tompo' ulunna.

PAMMUJI 89:29

Latuli Kukamaseangi satunggu-tungguna, parjanjiangKu siagang ia tuli majarre'na.

PANGNGEBARANG 25:5

Pakabellai sikamma pappakainga' ja'dalaka battu ri balla' lompoa, nampami jarre' pamarentahanga lanri kaadelang.

YEHEZKIEL 17:19

Lanri iNakke, Allata'ala mattallasaka, Batara Kaminang Tinggia, laKuhukkungi karaeng Yehuda le'baka andakkai parjanjianna siagang karaeng Babel padahala' assumpai lalang arengKu untu' lanarupai.

PAMMILANGNGANG 32:23

Mingka u'rangi, punna tena nurupai janjinnu, dorakako mae ri Batara siagang lanihukkungko lanri anjo dosanu.

MATIUS 27:25

Appiali ngasemmi anjo tau jaia angkana, “Boli'mi kamma, ikambepa siagang ana'-ana'na ikambe antanggongi hukkunganga lanri kamateanNa!”

LUKAS 2:14

“Nipujimi Allata'ala ri langi' kaminang tinggia! Nasalewangang rupataua ri tompo'na linoa mappakate'nea ri atinNa Bataraya!”

LAMPA-LAMPANA 18:6

Mingka lanri tuli nigeakkinna siagang tuli nicallana Paulus ri taua, napatu'du'mi bangkenna siagang napaba'basa'mi pakeanna sollanna a'lesang limbu'bu'na; iaminjo a'jari pammatei siagang pappakainga' ri kasalanna ngaseng ke'nanga. Nakanamo Paulus, “Punna cilakako, passala' kasalannu ngaseng tonji! Pantarang limangkuko! Pakkaramula ri kamma-kammaya anne la'lampa mangema' ri bansa-bansa maraenga.”

HAKING-HAKING 9:24

Kammaminjo kajarianga, sollanna nibalasa'mo kaja'dallanna Abimelekh siagang nikompa salami ri tau niaka ri Sikhem na nabuno anjo tujupuloa ana'na Gideon.