1 KARAENG-KARAENG 2:32 - KITTA' MATANGKASA'

³² Lanihukkungi ri Batara lanri pammunoang le'baka nagaukang nampa tanaassenga manggeku. Abner, perwira tantarana Israel, siagang Amasa perwira tantarana Yehuda, rua-rua tena salana. Bajikangngangi ke'nanga na kalenna Yoab, mingka nabunoi ke'nanga.

1 KARAENG-KARAENG 2:32 ပူးပေါင်းရင်းမြစ်များ

PA'JARIANG 4:11

Nataba mako pattunra sa'genna takkulleamo nuusahai buttaya. Allammasa'mi cera'na ri anjo buttaya, sanrapang angkanaya nasungkemi bawana untu' antarimai cera'na andi'nu ri wattunna nubuno.

PA'JARIANG 42:22

Nakanamo Ruben, “Sai kukana memang riolo ri kau ngaseng angkana teako apa-apai anjo anaka. Mingka tea ngasengko appilangngeri. Nakamma-kamma anne nibalasa'mi mae ri katte kamateanna.”

PA'JARIANG 9:6

Anjo rupataua nipa'jari sangkamma iNakke; lanri kammana anjo, inai-nai ammuno rupatau, kalenna lanibuno tongi ri rupataua.

2 SAMUEL 1:16

Nakana Daud ri anjo tu rungka battua ri Amalek, “Ikau kalennu ampattantui anne hukkungang matea mae ri kalennu lanri nuakuina angkanaya ikau le'ba' ambunoi karaeng Napilea Batara!”

2 SAMUEL 17:25

Le'ba'mi naangka' Absalom tu niarenga Amasa a'jari kapala pasukang untu' ansambeangi Yoab. Anjo Amasa ana'na Yitra tu Ismael; amma'na niarengi Abigail ana'na Nahas, iamintu sari'battang bainena Zeruya amma'na Yoab.)

2 SAMUEL 3:29

Lappassammi Yoab siagang sikontu kaluargana nihukkung lanri anjo panggaukanna. Dasi-dasi na lalang ri kaluargana Yoab siagang jari-jarina tuli nia'na tau garring sala, yareka bura'ne tenaya kagassinganna, yareka kakurangangi ri kanre-kanreang!”

2 SAMUEL 3:37

Anjo alloa sikontu ra'ya'na Daud siagang sikontu bansa Israel napahangi angkanaya tena nakellai karaenga nibuno Abner.

2 SAMUEL 3:39

Manna inakke anne nipilea' ri Allata'ala a'jari karaeng, mingka kamma-kamma anne tena kusa'ring kagassingangku. Anjo ana'-ana'na Zeruya teai sipato' palla'na. Takukulleai kukoasai ke'nanga. Dasi-dasi nanihukkung ri Karaeng Allata'ala anjo ke'nanga tau ja'dalaka, situru' panggaukanna ke'nanga.”

2 SAMUEL 4:11

Teai sipato' la'bi battala'na hukkungang lakupabattua mae ri tau ja'dala' ambunoai tau tenaya salana siagang sitabanga attinro ri balla' kalenna! Kamma-kamma anne kutuntuki pambalasanga mae ri kau lanri anjo pammunoanga, siagang kupa'lanynyakko battu ri tompo'na anne buttaya!”

1 KARAENG-KARAENG 2:44

Baji' nuassenna sikontu kaja'dallannu mae ri manggeku. Lanri kammana minjo na laNahukkungko Batara,

1 KARAENG-KARAENG 2:5

Nia' pole se're passala'! Tantu nuu'rangi apa le'baka nagaukang Yoab mae ri nakke nabunona rua perwira tantarana Israel, iamintu Abner ana'na Ner siagang Amasa ana'na Yeter. Nabunoi ke'nanga ri wattu amanna taua untu' ambalasaki pammunoang le'baka nagaukang ke'nanga ri wattu a'bundu'na taua. Nabunoi tau tenaya salanna, mingka kamma-kamma anne inakkemi antanggongi panggaukanna siagang inakkemi sessa.

1 KARAENG-KARAENG 8:32

o Batara, poro Kipilangngeri ri suruga siagang Kitappuki parkarana anne ata-atanTa ngaseng. Hukkungi tau salaya situru' panggaukanna, siagang Kilappassangi tau tenaya nasala.

2 PATTOTTORANG 21:13

Kabalekanna, sangkammai karaeng-karaeng Israel maraenga bateta appanggaukang ri tallasatta, siagang kierangi ra'ya' Yehuda siagang Yerusalem mae ri gau' tenaya namajarre' tappa'na mae ri Allata'ala. Appanggaukang kammaki' Karaeng Ahab siagang sikamma tau ansambeangai. Ba'lalo kibunoi sikamma sari'battanta, nampa bajikangnganja anjo ke'nanga na ikatte.

2 PATTOTTORANG 21:14

Lanitujui ra'yaka ri hukkungang lompo battua ri Batara; sikamma anatta siagang sikamma bainenta lanihukkung tongi, kammayatompa laniancuruki sikontu barang-baranta.

ESTER 1:19

Lanri kammana, napalaki ikambe mae ri katte karaeng, sollanta angngalle kaputusang angkanaya tanipa'biangngami pole Ratu Wasti battu andallekang ri karaenga. Anjo kaputusanga musti nipa'jari undang-undang ri Persia siagang Media, sollanna takkullea nipinra ammotere'. Le'baki anjo kipassareammi anjo empoang ratua ri Wasti mae ri baine maraenga, ia bajikangnganga na ia.

PAMMUJI 7:16

Angngekei kali'bong untu' tau maraeng, mingka kalenna tu'guru' antama'.

PAMMUJI 7:17

Jari nihukkungi lanri kaja'dallang kalenna tonji, siagang nisessai lanri kapala batuna tonji.

YEHEZKIEL 17:19

Lanri iNakke, Allata'ala mattallasaka, Batara Kaminang Tinggia, laKuhukkungi karaeng Yehuda le'baka andakkai parjanjianna siagang karaeng Babel padahala' assumpai lalang arengKu untu' lanarupai.

PAMMILANGNGANG 32:23

Mingka u'rangi, punna tena nurupai janjinnu, dorakako mae ri Batara siagang lanihukkungko lanri anjo dosanu.

HAKING-HAKING 9:24

Kammaminjo kajarianga, sollanna nibalasa'mo kaja'dallanna Abimelekh siagang nikompa salami ri tau niaka ri Sikhem na nabuno anjo tujupuloa ana'na Gideon.

HAKING-HAKING 9:57

Na Nahukkung tommo taua ri Sikhem lanri kaja'dallanna ke'nanga. Yangasenna anjo kajarianga sicoco' le'baki apa le'baka napau Yotam, ana'na Gideon, ri wattunna nasumpai ke'nanga.

1 SAMUEL 15:28

Nakanamo Samuel ri ia, “Anne alloa Nakekke'mi Batara kakaraenganna Israel battu ri katte, nampa Napassareang mae ri tau maraenga, ia bajikangnganga naikatte.