1 KARAENG-KARAENG 2:29 - KITTA' MATANGKASA'

²⁹ Nipabattumi anne kabaraka mange ri Karaeng Salomo. Jari nasuromi karaenga a'lampa Benaya mange ambunoi Yoab.

1 KARAENG-KARAENG 2:29 ပူးပေါင်းရင်းမြစ်များ

2 SAMUEL 8:18

Kapala pangawala' kalenna karaenga: Benaya ana'na Yoyada; Imang-imang balla' kakaraenganga: ana'-ana' bura'nena Daud.

1 KARAENG-KARAENG 2:25

Jari naparentakammi Karaeng Salomo mae ri Benaya, nampa a'lampamo Benaya mange ambunoi Adonia.

1 KARAENG-KARAENG 2:30

A'lampai Benaya mange ri KemaNa Karaeng Allata'ala siagang nakana ri Yoab, “Nasuroko karaenga assulu' battu antureng!” Appialimi Yoab angkana, “Tena, erokka' mate anrinni.” Ammotere'mi Benaya allaporoki anjo mae ri karaenga.

1 KARAENG-KARAENG 2:31

Nalangngere'na karaenga anjo, nakanamo, “A'lampamako siagang gaukammi anjo apa napaua. Bunoi siagang tarawangi, sollanna inakke siagang turunganna manggeku tenamo nakutanggong jawa' mae ri pammunoang nagaukanga Yoab mae ri tau tenaya salana pirangalloang.

1 KARAENG-KARAENG 2:46

Le'baki akkana kamma, naparentakammi karaenga mae ri Benaya nampa a'lampa Benaya mange ambunoi Simei. Kamma-kamma anne koasami ri sikabusu'na lalang kakaraenganna.

KALAPPASSANG 21:14

Mingka punna nia' tau nabattui bambang nyawana siagang nakunjungi memang tongi ambunoi paranna tau, nampa lari mange ri tampa' pakkoro'bangngangKu untu' a'boya pa'la'langngang, anjo tau kammaya musti niallei battu ri tampa' pakkoro'bangngangKu nampa nihukkung matei.

PANGNGEBARANG 28:17

Tau ammunoa tulusu' kammai tuniondang na kasia' sa'genna narapi' a'jala'na; manna sitau takkulle antahangi.

YEHEZKIEL 9:6

Bunoi sikontu tu bura'nea siagang tubainea, tau toa tau rungka, tau toa siagang ana'-ana'. Mingka tea sikaliko apa-apai sikamma tau niaka pammateinna ri abanna. Appakkaramula mako anrinni, ri anne BallakKu.” Jari napakaramulaimi tugasa'na ke'nanga na nabuno sikamma pamimpinna Israel niaka sitabang ammenteng ri Balla'Na Batara.

1 PETRUS 4:17

Narapi'mi wattunna laNaadeli Allata'ala linoa. Na Umma' KalenNa Allata'ala laniadeli la'bi riolo. Jari punna lappakkaramula angngadeli Allata'ala ri katte, antekammami kajarianna sikamma tau tenaya natappa' ri anjo Kabara' Baji' battua ri Allata'ala?