1 KARAENG-KARAENG 2:27 - KITTA' MATANGKASA'

²⁷ Nampa nasuromo Salomo ammari a'jari imang anjo Abyatar. Lanri nagaukanna Salomo anjo kammaya, a'buttimi apa le'baka Napau Batara ri Silo ri passala'na turunganna Imang Eli.

1 KARAENG-KARAENG 2:27 ပူးပေါင်းရင်းမြစ်များ

1 KARAENG-KARAENG 2:35

Nampa niangka'mo Benaya ri karaenga a'jari panglimana tantaraya ansambeangi Yoab, na Zadok niangka' a'jari imang ansambeangi Abyatar.

PAMMUJI 78:60

Nabokoimi KemaNa ri Silo, tampa' pammantanganNa ri alla'na rupataua.

MATIUS 26:56

Mingka lakajariang ngaseng memanji anne kammaya, sollanna a'rupamo apa le'baka natulisi' na'bi-na'bia lalang ri Kittaka.” Le'baki anjo, apaji nalari ngasemmo ana'-ana' gurunNa Isa, a'lampa ambokoi.

YOHANES 12:38

Jari a'rupami apa le'baka napau Na'bi Yesaya angkanaya, “O Batara, inaika tappa' ri kabara' napabattua ikambe? Inaimi lanipicinikiang kakoasanTa Batara?”

YOHANES 19:24

Nakanamo anjo surudadua para ia, “Tea' mako polong-polongi anne jubaya. Umbamo naniloterei nanipattantu angkana inai anggappai.” Kajariammi anjo passalaka sollanna a'rupamo apa tattulisika lalang ri Kittaka angkanaya: “Nabage-bagei ke'nanga care-careKu nanaloterei jubaKu.” Na kamma tojemmi anjo nagaukanga surudadua.

YOHANES 19:28

Naassemmi Isa angkanaya kamma-kamma anne le'ba' ngasemmi, na sollanna a'rupamo apa tattulisika lalang ri Kittaka, Nakanamo, “TurereA'.”

YOSUA 18:1

Le'baki nabeta tu Israel anjo pa'rasangang Napa'janjianga Batara, asse'remi ke'nanga ri Silo, nampa nabangung ke'nanga Kema KahaderanNa Batara.

1 SAMUEL 22:20

Nia' sitau bawang ta'lappasa', iamintu Abyatar, kalase'renna ana'-ana'na Ahimelekh. Larimi mange ri Daud,