1 KARAENG-KARAENG 2:26 - KITTA' MATANGKASA'

²⁶ Nampa nakanamo Karaeng Salomo ri Imang Abyatar, “A'lampamako mange ri kamponnu ri Anatot. Siratangko nihukkung mate, mingka anne alloa tena kulammuno, lanri siagannu ija manggeku, amminawang tongko angkasiaki sikontu kapa'risanna. Siagang nuurusu' tongi Patti ParjanjianNa Batara.”

1 KARAENG-KARAENG 2:26 ပူးပေါင်းရင်းမြစ်များ

2 SAMUEL 12:5

Nalangngere'na Daud anjo carita kammaya, a'jari teaimi sipato' larrona mae ri panggaukanna anjo lapung tau kalumanynyanga siagang nakanamo, “Palla' sikali anjo tau kalumanynyanga! Lanri Batara, anjo taua musti nasambei anjo ana' gimbalaka a'lappi appa' siagang musti nihukkung matei!”

1 KARAENG-KARAENG 1:25

Annemi alloa nale'ba' assare jai koro'bang gimbala', sapi laki, siagang ana' sapi co'mo'-co'moka. Yangaseng ana'-ana' bura'neta naundangi. Kammayatompa sikamma panglima tantarata siagang Imang Abyatar. Kamma-kamma anne sitabangi ke'nanga assua'-suara' siagang akkiok-kio' rannu angkana, ‘Attalasaki Karaeng Adonia!’

1 KARAENG-KARAENG 1:7

A'lampami sipa'bicara siagang Yoab siagang Imang Abyatar. Amma'na Yoab niarengi Zeruya. Yoab siagang Imang Abyatar situjui untu' ambantui usahana Adonia.

1 KARAENG-KARAENG 2:35

Nampa niangka'mo Benaya ri karaenga a'jari panglimana tantaraya ansambeangi Yoab, na Zadok niangka' a'jari imang ansambeangi Abyatar.

YESAYA 10:30

Ammarrang mako he, pandudu'na Galim! Pilangngeri, he pandudu'na Laisya! Appiali mako pandudu'na Anatot!

YEREMIA 1:1

Anne kittaka nacaritai kana-kana napabattua Yeremia ana'na Hilkia, kalase'renna imang battua ri kota Anatot ri daerana Benyamin.

MATIUS 10:42

Inai-nai assarei je'ne' inung kalase'renna tau tuna dudua, manna naje'ne' dinginja, passabakkang amminawanna ri Nakke, patappa'mi angkanaya tena tanggappana pahala sallang!”

LUKAS 22:28

Nuagang ngasemMa' ilalang sikontu kasusaangKu.

GALATIA 3:4

Maka tena matu-matunna anjo apa le'baka nutarima? Tena na sia-sia!

1 SAMUEL 2:32

Lasi'nako siagang langngiri matako anciniki sikontu barakka' laKupassareanga mae tu maraenga ri Israel, na lalang ri kaluarganu lamate rungka ngasengi.

1 SAMUEL 26:16

Tena nusanggu' anggaukangi tugasa'nu Abner! Lanri Batara mattallasaka, ikau ngaseng siratangko nibuno, lanri tena nanujagai karaennu, karaeng Napilea Batara. Ciniki sai, kemaei pokena karaenga? Kemaei pammoneang je'ne'na niaka ri ba'leang ulunna sumpaeng?”