1 KARAENG-KARAENG 2:24 - KITTA' MATANGKASA'

²⁴ Le'ba'mi Napakajarre' Batara empoangku ri empoanna manggeku Daud. Le'ba'mi Narupai janjinNa siagang le'ba'mi Napassareang anne kakaraenganga mae ri nakke siagang turungangku. Assumpa' lanri Batara attallasaka angkanaya lamatei Adonia ia memang anne alloa!”

1 KARAENG-KARAENG 2:24 ပူးပေါင်းရင်းမြစ်များ

2 SAMUEL 12:10

Lanri tena numappilangngeri ri Nakke siagang lanri nuallena bainenna Uria, jari lalang tunggala' jari-jarinu tuli lania' lamate nibuno.

2 SAMUEL 7:27

O, Batara Kaminang Koasaya! Kupa'baraniangi kalengku ampanaiki anne pappala' doangku mae ri Katte, lanri iKatte KalenTa le'ba' ampauanga' angkanaya ana' cucungku situlusu'na laKipa'jari karaeng mae ri anne bansaya.

1 KARAENG-KARAENG 1:29

Nampa nakanamo karaenga ri ia, “Memang le'ba'ma' a'janji ri kau, lanri arenNa Batara, Allata'alana Israel, angkanaya Salomo ana'nu lansambeanga' a'jari karaeng. Jari kamma-kamma anne a'janjia' ri kau, lanri Batara mattallasaka, Ia le'baka allappassanga' battu ri sikontu kasukkarrangku, angkanaya anne memang alloa nalakurupai janjingku mae ri kau.”

1 KARAENG-KARAENG 1:46

Salomo kamma-kamma anne a'jari karaemmi.

1 KARAENG-KARAENG 1:52

Appialimi Salomo angkana, “Punna bajiki panggaukanna, tena nalanihukkung manna sike'de'. Mingka punna appanggaukang ja'dalaki, musti nibunoi.”

1 KARAENG-KARAENG 10:9

Nipujimi Batara, Allata'alata! Lalang Naangkatta a'jari karaeng Israel, Napappicinikammi Batara antekamma mangngaiNa mae ri katte. Tena le'ba'-le'ba'na Nakamaseang bansa Israel; Iaminjo saba'na na Naangkakki' a'jari karaenna ke'nanga, sollanna akkulle kipaenteng hukkunga siagang kaadelanga.”

1 PATTOTTORANG 17:17

Ba'lalo nala'biangampa pole anjo apa Kigaukanga; le'ba'maKi' a'janji ri passala'na turungangku sallang labattua. Ba'lalo Kipa'jarima' se're tau malompo.

1 PATTOTTORANG 17:23

Kamma-kamma anne o Karaeng Allata'ala, Kipakajarre' lalomi janji le'baka Kipau ri kalengku siagang turungangku. Poro Kigaukang laloi anjo apa le'baka Kipa'janjiang.

1 PATTOTTORANG 22:10

Iaminjo ana' bura'nenu lambangung balla' untu' iNakke. Ia la'jari anakKu siagang iNakke la'jari manggena. Empoang kakaraenganna Israel latuli niaki ri turunganna sa'genna satunggu-tungguna.’ ”

1 PATTOTTORANG 29:23

Jari salaku sambenna Daud manggena, nai'mi Salomo ri empoang kakaraengang, ia le'baka Napattantu Batara. Iami karaeng nikangalikang ri sikontu bansa Israel, siagang appakamajui ri jama-jamanna.

PAMMUJI 127:1

Kelong battu ri Salomo. Punna teai Batara ambangung balla', sia-siaji tukang-tukanga anjama. Punna teai Batara anjagaiki', sia-siaji sikamma pangawalaka a'jaga.

PANGNGEBARANG 20:2

Larrona karaenga sanrapangi sa'ra arrunna singaya; tau ampakanassuai sangkammai nacilakai kalenna.

1 SAMUEL 25:28

Kipammopporangi kacapakkanna atanta. Mattantu Batara laNaangkakki' siagang turunganta a'jari karaeng mae ri Israel, nasaba' a'bundukki' untu' Batara; siagang tena nalakigaukang kaja'dallanga lalang sikontu tallasatta.