1 KARAENG-KARAENG 2:15 - KITTA' MATANGKASA'

¹⁵ Appialimi Adonia angkana, “Kiassengi ibu' angkanaya mustina inakkeji a'jari karaeng. Iaminjo naminasai sikontu Israel. Mingka ia kajarianga ta'bale'mi. Andikku a'jari karaeng, lanri kammai anjo Nakaerokia Batara.

1 KARAENG-KARAENG 2:15 ပူးပေါင်းရင်းမြစ်များ

2 SAMUEL 12:24

Nampa nasaleorimo Daud pa'mai'na Batsyeba bainenna, nampa assikatinroang. Allassukammi Batsyeba sitau ana' bura'ne nisarea areng Salomo ri Daud. Nikamaseangi ri Batara anjo anaka

2 SAMUEL 15:13

Nampa nia'mo sitau angngerang kabara' siagang a'laporo' mae ri Daud angkana, “Sikamma tu Israel agang maemi ri Absalom.”

2 SAMUEL 15:6

Kammaminjo batena Absalom mae ri sikamma tu Israel eroka ampabattui parkarana mae ri karaenga, na lanri kammana anjo nanaallemo pa'mai'na tu Israel.

2 SAMUEL 16:18

Appialimi Husai angkana, “Antekamma olona! Inakke kualleangangi tau Napilea Batara, nipilea ri sikamma anne taua, siagang nipilea ri sikontu tu Israel. Iaminjo taua lakupinawang.

2 SAMUEL 3:3

Kileab. Amma'na iamintu Abigail, jandana Nabal battua ri Karmel. Absalom. Amma'na iamintu Maakha, ana' bainena Karaeng Talmai battua ri Gesur.

2 SAMUEL 3:4

Adonia. Amma'na iamintu Hagit. Sefaca. Amma'na iamintu Abital.

2 SAMUEL 7:12

Sallang, punna narapi' a'jala'nu, na nunitarawang ri jera'na boe-boenu, nia' sitau battu ri ana' bura'nenu laKuangka' a'jari karaeng. Iami lambangungA' balla'. LaKupakajarreki kakaraenganna siagang nia' sitau jari-jarina lammarenta satunggu-tungguna salaku karaeng.

1 KARAENG-KARAENG 1:25

Annemi alloa nale'ba' assare jai koro'bang gimbala', sapi laki, siagang ana' sapi co'mo'-co'moka. Yangaseng ana'-ana' bura'neta naundangi. Kammayatompa sikamma panglima tantarata siagang Imang Abyatar. Kamma-kamma anne sitabangi ke'nanga assua'-suara' siagang akkiok-kio' rannu angkana, ‘Attalasaki Karaeng Adonia!’

1 KARAENG-KARAENG 1:38

Jari Zadok, Natan, Benaya, siagang pangawala' ri kalenna karaenga nasuromi Salomo nai' ri keledaina karaenga, nampa narurungang mange ri timbuseng je'neka ri Gihon.

1 KARAENG-KARAENG 1:39

Nampa angngalle Zadok minynya' zaitun le'baka naerang battu ri KemaNa Batara, nampa naminynyaki na naangka' Salomo a'jari karaeng. Nipasa'rami tarompeka nampa sikontu tau hadereka anjoreng akkio'mi angkana, “Mattallasaki Karaeng Salomo!”

1 KARAENG-KARAENG 1:5

Nasaba' matemi Absalom, jari Adonia, ana' bura'nena Daud makaruaya a'jari kaminang toa. Amma'na niarengi Hagit. Adonia iamintu ana' gammara'. Tale'bakai manggena angkalarroi punna ampanggaukang sala. Adonia ero' dudui a'jari karaeng. Jari napasadiakammi untu' kalenna siapa are jaina kareta pa'bundukang siagang tantara a'jarang kammayatompa limampulo tau untu' pangawala' ri kalenna.

1 KARAENG-KARAENG 2:14

Appialimi Adonia angkana, “Iye'. Nia' ero' kupala' battu ri katte ibu'.” Akkuta'nammi Batsyeba angkana, “Apa?”

1 KARAENG-KARAENG 2:16

Kamma-kamma anne nia' pappalakku, poro tena laloja kitea.”

1 KARAENG-KARAENG 2:22

Akkuta'nammi Salomo angkana, “Angngapa nakipala' anjo ri nakke amma'? Anjo sangkamma le'ba'ji angkanaya kipalaki sollanna kupassareang anne empoang kakaraenganga ri ia. Sai ia daengku? Nampa pole Imang Abyatar siagang Yoab ammenteng maei ke'nanga ri ia!”

PANGNGEBARANG 21:30

Tena kaporeang, tarang pikkirang, siagang kacara'dekang akkulle attahang ri dallekanNa Batara.

DANIEL 2:22

Ia assungkei rahasia kaminang lantanga. Naassengi sikontu apa kajarianga lalang ri sassanga. Nikalimbuki ri caya singaraka.