1 KARAENG-KARAENG 19:8 - KITTA' MATANGKASA'

⁸ Ambangummi Elia, nampa angnganre siagang angnginung. A'jari gassimmi nasa'ring, siagang akkullemi a'jappa patampulo allo sallona mange ri Moncong Sinai, tampa'na le'ba' ampa'nyatai KalenNa Allata'ala.

1 KARAENG-KARAENG 19:8 ပူးပေါင်းရင်းမြစ်များ

1 KARAENG-KARAENG 17:6

Angnginummi battu ri anjo pangka binangaya, siagang angnganre roti siagang dageng naerang jangang-jangang kalaa' bari'basa'-bari'basa' siagang karueng-karueng.

1 KARAENG-KARAENG 19:7

Makapinruanna battumi pole anjo malaekaka anseroi siagang angkana, “Elia, ambangungko nai', angnganre mako, sollannu akkulle attahang a'jappa bella.”

KALAPPASSANG 19:18

Sikontu anjo Moncong Sinai katongkokangi ri umbu, lanri naunna Batara ri tompo'na lalang pepe'. A'rumbumi nai' anjo umbua rapang umbu battua ri pattunuang, siagang ta'goccang sanna'mi sikontu monconga.

KALAPPASSANG 24:18

Napatulusu'mi Musa angngambi' sa'genna antama' ri anjo rammanga. Patampulo allo patampulo bangngi ammantang Musa anjoreng.

KALAPPASSANG 3:1

Anjo wattua nakalawaki Musa sikamma gimbala'na siagang bembena Yitro, iamintu matoanna, imanga ri butta Midian. Ri wattunna naemba anjo olo'-olo' piaraya anta'leang ri parang lompoa, battumi mange ri Moncong Sinai, iamintu moncong matangkasaka.

KALAPPASSANG 34:28

Patampulo allo patampulo bangngi ammantang Musa anjoreng siagang Batara; na lalanna anjo wattua tena nangnganre siagang tena nangnginung. Anjo kana-kana parjanjianga, iamintu Sampulo ParentaNa Allata'ala, nitulisiki ri anjo batua.

KALAPPASSANG 4:27

Lalanna anjo wattua Nakanamo Batara ri Harun, “A'lampako mange ri parang lompoa untu' ambuntuli Musa.” A'lampami Harun, nampa sibuntulu'mo siagang andi'na ri moncong matangkasaka, siagang nabaumi anjo andi'na.

DANIEL 1:15

Le'baki anjo wattu sampulo alloa, kabateammi nicini' angkanaya anjo ke'nanga la'bi bajikangngangi siagang la'bi gassingangngangi nasikontu anjo turungka anggappaya kanre battu ri mejanna karaenga.

MATIUS 4:2

Patampulo allo patampulo bangngi tamangnganrea Isa, sa'genna cipuru'mi.

MARKUS 1:13

Patampulo alloi ammantang anjoreng, niso'ri ri Billisika. Jai olo'-olo' liaraka Naagang sipammantangang; na battumo malaekaka allayani.

LUKAS 4:2

Ammantammi anjoreng patampulo allo sallona, niso'ri ri Billisika. Patampulo alloi tamangnganrea apa-apa. Sa'genna cipuru'mi Nakasia'.

2 KORINTUS 12:9

Mingka appialimi Batara angkana, “MangngarimangngiA' mae ri kau, naganna'mo anjo mae ri kau; nasaba' punna lammai nukasia' kalennu, iaminjo wattua napila' magassing koasaKu.” Lanri kammanami anjo nakula'bi sannang angkalompoang pa'maiki apa-apa kukalammanga; nasaba' punna lammai kusa'ring kalengku, iaminjo wattua nakukasia' pannulunNa siagang kakoasanNa Almasi mae ri nakke.

PAOLE 9:18

Nampa su'ju'ma' pole sikalipi ri dallekanNa Batara irate ri coppo'na monconga patampulo allo siagang patampulo bangngi, tamangnganre tangnginung. Nakugaukang anjo kammaya lanri doraka mako mae ri Batara nasaba' nugaukannamo apa ja'dalaka ri dallekanNa, sa'genna a'jari larro.