1 KARAENG-KARAENG 19:5 - KITTA' MATANGKASA'

⁵ Nampa anra'ba naung ri rawanganna anjo poko' kayua, sa'genna attinro. Ti'ring nia'mo se're malaeka' battu anseroi na nakana, “Ambangungko nai' Elia, nungnganre!”

1 KARAENG-KARAENG 19:5 ပူးပေါင်းရင်းမြစ်များ

1 KARAENG-KARAENG 19:4

nampa a'jappa bangkeng ri parang lompoa siallo bujuru', nampa ammantang irawanganna se'rea poko' kayu copponga leko'na. Ammempomi anjoreng, naerokangngammi nasa'ring matea. Nakanamo ri Batara, “Tenamo kutahangi, Batara Kialle lalomi nyawaku. Tena na kubajikangngang naboe-boeku!”

1 KARAENG-KARAENG 19:6

Nacinikimi Elia tammulilina, nampa nia'mo nacini' ri ampi' ulunna sibatu roti nitunu siagang je'ne' lalang ri botolo'. Angnganremi siagang angnginummi, nampa attinro poleang.

PAMMUJI 34:10

Pakala'biriki Batara, he ikau ngaseng umma'Na, nasaba' tena nalakakurangang tu mappilangngeria.

PAMMUJI 34:7

Tu cilakaya akkioki siagang appialimi Batara, nilappassammi battu ri sikontu kasukkarranna.

DANIEL 8:19

“Lakupauangko apa lakajarianga sallang lanri pangngalarroiNa Allata'ala. Nasaba' anjo paccini'nu napa'nyatami antekamma sallang kala'busang jammanga.

DANIEL 9:21

Lalang appala' doangku, anjo Gabriel, le'baka kucini' lalang paccinikku riolo, nia'mi anri'ba' a'lampa mae ri nakke. Anjo wattua narapi'mi wattunna taua assare koro'bang karueng.

ZAKHARIA 4:1

Battui pole anjo malaeka' le'baka a'bicara mae ri nakke nampa naronronga' sangkamma tau anroronga tau tinro.

LAMPA-LAMPANA 12:7

Ti'ring nia'mo malaeka'Na Batara ammenteng anjoreng, siagang accayami singaraka lalang ri kamara'na anjo tarungkua. Nironrommi Petrus ri anjo malaekaka, sa'genna ambangung Petrus. Nampa nakana anjo malaekaka, “He, ambangungko linta'!” Anjo wattua ta'lappasa'mi anjo rante bassi nipasikkoka ri limanna Petrus.

IBRANI 1:14

Jari punna kamma, apai sikontutojenna anjo malaeka'-malaekaka? Anjo ke'nanga, iamintu roh-roh allayaniai Allata'ala, siagang nisuroa ri Allata'ala antulungi sikontu tau lannarimaya kasalamakkang.

IBRANI 13:5

Teako eroki nikoasai ri sipa' angngondang dudua doe' lalang katallassannu, mingka parallui nukasukkurang apa-apa niaka ri kau. Nasaba' le'baki Nakana Allata'ala, “Tena nalaKubalang parekangko yareka tena nalaKubokoiko.”