1 KARAENG-KARAENG 19:4 - KITTA' MATANGKASA'

⁴ nampa a'jappa bangkeng ri parang lompoa siallo bujuru', nampa ammantang irawanganna se'rea poko' kayu copponga leko'na. Ammempomi anjoreng, naerokangngammi nasa'ring matea. Nakanamo ri Batara, “Tenamo kutahangi, Batara Kialle lalomi nyawaku. Tena na kubajikangngang naboe-boeku!”

1 KARAENG-KARAENG 19:4 ပူးပေါင်းရင်းမြစ်များ

1 KARAENG-KARAENG 13:14

angngondangi anjo na'bi battua ri Yehuda. Nagappami anjo na'bia sitabang ammempo rawanganna se'rea poko' kayu lompo. Akkuta'nammi anjo na'bi toaya angkana, “Apa ikatte anjo na'bi battua ri Yehuda?” Appialimi anjo taua angkana, “Kammatojengi.”

1 KARAENG-KARAENG 19:3

A'jari malla'mi Elia, sa'genna lari sollanna tena nibunoi. A'lampai siagang palayanna mange ri Bersyeba ri Yehuda. Anjoreng naboli'mi anjo palayanna,

1 KARAENG-KARAENG 19:5

Nampa anra'ba naung ri rawanganna anjo poko' kayua, sa'genna attinro. Ti'ring nia'mo se're malaeka' battu anseroi na nakana, “Ambangungko nai' Elia, nungnganre!”

2 KARAENG-KARAENG 2:11

Lalang a'jappana ke'nanga, tuli sipa'bicarana. Ti'ring nia'mo se're kareta a'rinra nibeso' ri ruang kayu jarang a'rinra battu ampasisa'laki ke'nanga sipa'rua, nampa niangka' Elia nai' ri suruga ri anging barubu.

AYUB 6:8

Angngapa nakuttu Allata'ala ampilangngeri pappala' doangku? Angngapa natena Naparhatikangi pakkiokku?

AYUB 6:9

Poro ero' lalo Allata'ala allicaka'! Poro Nabuno laloma'!

YEREMIA 20:9

Mingka punna lalang atingku kukana, “Boli'mi kamma kukaluppai Batara, teama' a'bicara lalang arenNa,” rapammi pepe' pasanNa a'bara ilalang ri ati mailalangku. Le'baki kucoba amparrangngi, mingka ma'nassa tena nakukullei.

AMOS 6:2

Mae mako ciniki ri Kalne, siagang a'jappa tulusu' mako mange ri anjo kota Hamat lompoa, nampa mange ri kota Gat ri Filistin. Nukapangi angkanaya anjo kota-kotaya la'bi bajiki nakakaraengang Yehuda siagang Israel. Maka la'bi lompoangangi daerana ke'nanga nadaeranu?

YUNUS 4:3

Kamma-kamma anne, o Batara, boli'ma' kamma mate, nasaba' bajikangnganga' matea naia attallasaka.”

YUNUS 4:8

Ri wattunna ammumbamo alloa, appabattumi Allata'ala anging bambang ammirika battu iraya. Sike'de' mami natenamo nangngu'rangi Yunus lanri nitujuna ri singara'na alloa, sangkammai angkanaya natunui ulunna. Tappu' panrannuammi siagang ero'mi mate. Nakana, “Bajikangngangi matea nattallasaka!”

NAHUM 3:8

He Niniwe, maka bajikangngangko na Tebe, ibukotana Mesir? Pammantanganna Tebe anjoreng tonji ri biring binanga a'jaria salaku tembo' pannahanna. Binanga Nil, iaminjo benteng pattahanganna.

PAMMILANGNGANG 11:15

Punna tuli nipakamma' anne Batara, Kikamaseanga'; bajikangngang bunoma' linta' sollanna tenamo nakukasiaki anne kasessang kammaya.”

MATIUS 6:26

Cini' sai anjo jangang-janganga ri panri'bakkanna. Tena nangngasseng a'lamung-lamung, tena nakkatto, kammayatompa tena nammoli' wassele' lamung-lamung ri pammoli'-molikanna. Mingka manna nakamma mamo, niparakai tonji ri Manggenu niaka ri suruga. Sai lompoangangi anggarannu nasikamma anjo jangang-janganga?

YOHANES 4:6

Anjoreng nia' se're bungung, niarenga bungung Yakub. Sanna' mangnganna Isa napakamma pa'jappang. Jari assengkami ammempo ri birinna anjo bungunga. Anjo wattua kira-kira tette' sampulo anrua ri alloa.

ROMA 3:9

Jari, maka la'bi bajikangangi empoanta ikatte tu Yahudia na empoanna bansa-bansa maraenga? Tena sikalia! Le'ba'mi kupau angkanaya, baji' tu Yahudi yareka tu battua ri bansa-bansa maraenga, nikoasai ngasemmi ri dosaya.