1 KARAENG-KARAENG 19:21 - KITTA' MATANGKASA'

²¹ Ammotere'mi Elisa mange ri kokonna, nampa nasamballe sapi-sapina. Naia pa'jekona napareki a'jari kayu tunuang untu' ampallui dagenna anjo sapi-sapia. Nampa napa'bage-bageang anjo dagenga mae ri ana' buana, na nakanremo ke'nanga. Le'baki anjo a'lampami Elisa ampinawangi Elia, siagang a'jarimi pambantuna.

1 KARAENG-KARAENG 19:21 ပူးပေါင်းရင်းမြစ်များ

2 SAMUEL 24:22

Nakanamo Arauna, “Kiallemi karaeng, siagang kipassareammi mae ri Karaeng Allata'ala apa kikanaya baji'. Anne sapi-sapi untu' koro'bang nitunu nampa untu' kayu tunuang akkullei kialle tarungang-tarungang pa'jekoa siagang sikamma papang-papang pa'gilinganga.”

1 KARAENG-KARAENG 18:43

Nakana ri palayanna, “Naikko ri coppo' nampa accinikko mae ri tamparanga.” Nai'mi anjo atanna, nampa ammotere' siagang nakana, “Tena apa-apa kucini'.” Sa'genna pintuju nasuro Elia anjo atanna nai' naung untu' accini'.

2 KARAENG-KARAENG 2:3

Nia' siapa are na'bi ammantang anjoreng a'lampa mange ambuntuli Elisa siagang akkuta'nang angkana, “Nuassenji angkanaya anne alloa la'lampai bapa'nu ambokoiko lanri laniangkaki ri Batara?” Appialimi Elisa angkana, “Iyo, kuassenji. Mingka teami nibicarai anjo passalaka.”

2 KARAENG-KARAENG 3:11

Akkuta'nammi Karaeng Yosafat angkana, “Apaka tena anrinni na'bi akkulle akkuta'nang ri Batara untu' ikatte ngaseng?” Nia'mo kalase'renna perwira appiali angkana, “Nia', iamintu Elisa ana'na Safat! Ia riolo pambantuna Na'bi Elia.”

KALAPPASSANG 24:13

Nampa sadiamo Musa siagang pambantuna iamintu Yosua untu' nai' ri anjo moncong pammantanganNa Batara.

LAMPA-LAMPANA 13:5

Ri wattunna battu ke'nanga mange ri Salamis, napabattumi ke'nanga kana-kananNa Allata'ala lalang ri sikamma balla' sambayanna tu Yahudia. Nibantumi ke'nanga ri Yohanes Markus lalang ri pa'jappanna ke'nanga.

2 TIMOTIUS 4:11

Lukas mami kuagang ammantang. Alle tongi Markus nanuerang mae anrinni, nasaba' akkullea' nabantu lalang ri jama-jamangku.

FILEMON 1:13

Sikontutojenna eroki kutahang anrinni a'jari sambennu; sollangku akkulle nabantu ilalang niakku lalang anrinni ri tarungkua passabakkang Kabara' Baji' battua ri Allata'ala.

1 SAMUEL 6:14

Ammantangi anjo karobaya ri ampi'na se'reang batu lompo ri kokonna Yosua, sitau pandudu' ri Bet-Semes. Nabisa'-bisa'mi pandudu'na kotaya anjo kayuna karobaya, nampa napolong anjo ruang kayua sapi untu' assare koro'bang mae ri Batara.