1 KARAENG-KARAENG 19:19 - KITTA' MATANGKASA'

¹⁹ Jari a'lampami Elia na nagappa Elisa sitabang anjama appa'jeko. Nia' sampulo anrua ayoka sapi ri dallekanna, na Elisa kale-kalenna appa'jeko ri ayoka ri boko dudua. Ammalona Elia ri ampi'na Elisa, nasungkemi jubana Elia nampa napataba ri salangganna Elisa.

1 KARAENG-KARAENG 19:19 ပူးပေါင်းရင်းမြစ်များ

1 KARAENG-KARAENG 19:13

Nalangngere'na Elia anjo sa'raya, natongko'mi rupanna siagang jubana, nampa assulu' ammenteng ri bawana anjo kali'bong batua. Nia'mo kalangngerang sa'ra angkana, “Elia, apa nupare' anrinni?”

1 KARAENG-KARAENG 19:16

Gaukang tommi anjo kammaya mae ri Yehu ana'na Nimsi, sollanna a'jari karaeng Israel. Kammayatompa Elisa ana'na Safat battu ri Abel-Mehola, sollanna a'jari na'bi ansambeangko.

2 KARAENG-KARAENG 2:8

Nala'gasimi jubana Elia, nampa nagulung siagang napatunrung ri tompo'na je'neka ri anjo binangaya. Nata'bage ruamo anjo je'neka, sa'genna akkullemo Elia siagang Elisa a'jappa ri dapara'na kalotoroka anjo binangaya.

KALAPPASSANG 3:1

Anjo wattua nakalawaki Musa sikamma gimbala'na siagang bembena Yitro, iamintu matoanna, imanga ri butta Midian. Ri wattunna naemba anjo olo'-olo' piaraya anta'leang ri parang lompoa, battumi mange ri Moncong Sinai, iamintu moncong matangkasaka.

AMOS 7:14

Appialimi Amos angkana, “Inakke teaiya' na'bi lanri pangka'. Sikontutojenna inakke pakalawakia' siagang pakattili' rappo ara.

AMOS 7:15

Mingka Naallea' Batara battu ri jama-jamangku, siagang Nasuroa' ampabattui pasanNa mae ri tu Israel.

ZAKHARIA 13:5

Kabalekanna, lanakana ke'nanga, ‘Inakke teaiya' na'bi. Inakke poro pamarrija' bawang, anjamaya ri kokoa lalang sikontu tallasakku.’

IBRANI 11:37

Nia' nisambilai batu sa'genna mate, nia' nisamballe siagang garagaji, kammayatompa nibuno siagang pa'dang. Mange-mangei a'lampa ke'nanga ammakeang kukkulu' gimbala' yareka kukkulu' bembe; kasi-asi tallasa'na ke'nanga, nigau' takamma-kammai siagang nisessai.

HAKING-HAKING 6:11

Ri se'reang allo battumi malaeka'Na Batara ri kota Ofra. Nampa ammempo ri rawanganna poko' kayu terpentin, iamintu poko' kayuna Yoas, tu battu ri golonganna Abiezer. Nia' ana'na niareng Gideon, sitabang anjama ase gandung ri pammaccokang je'ne' anggoroka. Nagaukang cokko-cokkoi anjo jama-jamanna sollanna tena naniciniki ri anjo tu Midian.

1 SAMUEL 11:5

Anjo wattua silalonna Saul battu ri kokonna na naerang sapinna. Akkuta'nammi angkana, “Apa le'ba' kajariang? Angngapa nangngarru' ngaseng taua?” Jari nipauammi anjo kabara' naeranga anjo tunisuroa battu ri Yabesh.

1 SAMUEL 28:14

Akkuta'nammi Saul angkana, “Antekamma tanja'na?” Appialimi angkana, “Sitau bura'ne toa. Ammumbai ammake juba.” Jari naassemmi Saul angkana Samuel anjo, sa'genna su'ju'mi naung ampakala'biriki.