1 KARAENG-KARAENG 19:18 - KITTA' MATANGKASA'

¹⁸ Mingka nia' 7.000 tu Israel laKupasalama', iamintu sikamma tau tuli majarreka mae ri Nakke siagang tenaya nale'ba' su'ju' anynyomba ri patung Baal yareka nabaui.”

1 KARAENG-KARAENG 19:18 ပူးပေါင်းရင်းမြစ်များ

AYUB 31:27

Tale'bakai nialle pa'maikku ri ia, yareka kubau limangku untu' ampakalompoi.

PAMMUJI 2:12

su'jukko mannekkere' ri dallekanNa, gassingka ma'jari larroi Batara na Naposso' silalonnako, saba' ti'ring a'rinra larroNa. Mate'nei taua ma'la'langa ri Batara!

KALAPPASSANG 20:5

Teako anynyombai ri patung kammaya anjo, nasaba' iNakkeji Karaeng Allata'alanu, siagang taerokA' nipasangkamma manna apa-apa mamo. Sikamma tau mangngabirissia mae ri Nakke Kuhukkungi sa'genna jari-jari lapisi' makatalluna siagang makaappa'na.

YESAYA 1:9

Ebara' angkana tena Napata'lappasaki Batara Kaminang Koasaya siapa are tau battu ri katte, ma'nassa cappu' ngaseng maki', rapang kota Sodom siagang Gomora.

YESAYA 49:23

Sikamma karaenga larapangi mangge mae ri kau, na sikamma karaeng bainea a'jari amma' mae ri kau. La'su'juki ke'nanga ampakalompoko siagang napakatuna kalenna mae ri kau. Na lanuassemmo angkanaya iNakke anne Batara; tau manrannuanga ri Nakke tena nala'ba pa'mai'na.”

DANIEL 3:18

Mingka manna pole ebara' angkana tena Nagaukangi, parallui kiasseng angkanaya ikambe tena nalanynyomba mae ri rewatana karaengku, siagang tena todong nalanynyomba mae ri anjo patung bulaeng kipaentenga karaeng.”

HOSEA 13:2

Sa'genna ri kamma-kammaya anne anjo tu Efraim tulusu' a'gau' dosana ija; appareki ke'nanga patung-patung pera' untu' nasomba – iamintu patung nirancanakanga ri akkala' rupataua siagang nipareka ri limanna rupataua. Nakana ke'nanga, “Assareko koro'bang mae ri anne patung-patunga!” Appakalannasa'na, rupataua ambaui patunna ana' sapia!

FILIPI 2:10

Jari, sollanna nipakala'biri' Isa, sikontu apa-apa attallasaka ri suruga, siagang ri linoa, siagang rawanganna linoa, lanynyomba ngasemmi mae ri Ia.