1 KARAENG-KARAENG 19:17 - KITTA' MATANGKASA'

¹⁷ Inai-nai tena nibunoi ri Hazael, lanibunoi ri Yehu. Siagang inai ta'lappasa' ri Yehu lanibunoi ri Elisa.

1 KARAENG-KARAENG 19:17 ပူးပေါင်းရင်းမြစ်များ

2 KARAENG-KARAENG 10:32

Anjo wattua appakkaramulami Napa'jari ca'di Batara daera kakoasanna Israel. Naallei Hazael iamintu karaeng Siria sikontu daerana Israel

2 KARAENG-KARAENG 12:17

Anjo wattua Hazael iamintu karaeng Siria nabunduki siagang naempoimi kota Gat. Nampa ero' tommo nabunduki kota Yerusalem.

2 KARAENG-KARAENG 13:22

Lalang siapa sallona ammarenta Yoas, nijallakkangi tu Israel ri Hazael karaeng Siria.

2 KARAENG-KARAENG 13:3

Lanri kammana anjo larromi Batara mae ri tu Israel sa'genna nalappassang Hazael karaeng Siria siagang Benhadad ana'na, a'mole-mole ambetai tu Israel.

2 KARAENG-KARAENG 8:12

Akkuta'nammi Hazael angkana, “Angngapa kingngarru' Bapa'?” Nakanamo Elisa, “Nasaba' kuassengi kaja'dallang eroka nugaukang mae ri tu Israel. Lanutunui kota-kotana niaka bentenna, lanubunoi tau rungkana kaminang bajika, siagang nuaccekang kallonna ana'-ana' loloa kammayatompa nupue battanna baine tiananga.”

2 KARAENG-KARAENG 8:8

nakanamo ri Hazael, iamintu kalase'renna pagawena, “Angngerangko hadia mae ri anjo na'bia, nampa nupala' sollanna akkuta'nang ri Batara, apaka anne inakke akkullea' a'jari baji' ri garringku yareka tena.”

2 KARAENG-KARAENG 9:14

Kammami anjo naassikongkolo'mo Yehu angngewai Karaeng Yoram niaka ri Yizreel anjo wattua. Niaki Yoram mange anjoreng untu' amballei loko'na nagappaya lalang a'bundu'na ri Ramot angngewai Hazael karaeng Siria. Nakana Yehu ri agang-aganna ngaseng paranna panglima, “Punna situjuko inakke a'jari karaeng, jagai sollanna tena manna sitau akkulle assulu' battu ri Ramot untu' ampauangi taua ri Yizreel.”

2 KARAENG-KARAENG 9:2

Punna battuko mange anjoreng boyai Yehu ana'na Yosafat cucunna Nimsi. Kioki kale-kalenna antama' ri se'reang bili',

2 KARAENG-KARAENG 9:20

Nalaporo'mi pole pangawala'na menaraya angkanaya anjo tantara nisuroa battumi mange anjoreng ri rombonganga mingka tenai ammotere'. Nampa nakana pole, “Nakulle kapang Yehu pamimpinna anjo rombonganga, nasaba' a'dongko' kareta bunduki sangkamma tau pongoro'.”

2 KARAENG-KARAENG 9:24

Napabantammi otere' panana Yehu sipagassing-gassinna nampa nalio-lio napana anjo Yoram, na nataba dongko'na sitarrusu' mae ri atenna. Anra'bami Yoram, nampa mate lalang ri karetana.

2 KARAENG-KARAENG 9:25

Nakanamo Yehu ri Bidkar iamintu pambantuna, “Apaka nuu'rangi iji ri wattunta a'dongko' jarang ampinawangi Ahab, manggena Yoram? Anjo wattua Nakana Batara ri Ahab, ‘Kuassengi angkanaya inai ambunoi Ahab siagang sikontu ana'na subangngi, naKua'janji angkanaya laKuhukkungko anrinni todong ri kokoa anne.’ ” Nampa nakanamo pole Yehu mae ri anjo pambantuna, “Pasambilai anjo maya'na Yoram antama' ri kokonna Nabot, sollanna a'rupa hukkunganNa Allata'ala mae ri kalenna.”

YESAYA 11:4

Tu kasi-asia naadeli siagang adele', tau tamakkullea nabantui siagang lambusu'; nahukkungi tau salaya lanri parentana, tau ja'dalaka natumpassangi.

YEREMIA 1:10

Anne alloa Kusareko koasa mange ri bansa-bansaya siagang sikamma kakaraenganga – iamintu koasa untu' appara'ba siagang anrumbang, untu' apagulung siagang ammanraki, kammayatompa untu' appabangung siagang a'lamung.”

YEREMIA 48:44

Tau laria battu ri tau lammunoa, latu'guruki antama' ri kali'bonga, siagang tau akkullea assulu' battu ri kali'bonga laniallei ri sikko'. Yangasenna anjo kammaya lakajariangi ri wattu le'baka Kupattantu untu' angngancuruki Moab.

YEHEZKIEL 15:7

LaKuhukkungi ke'nanga. Manna pole ta'lappasa'mi ke'nanga battu ri pepeka, mingka ia tonji anjo pepeka lampanraki ke'nanga. Na Naassemmo ke'nanga angkanaya iNakke Batara.

HOSEA 6:5

Lanri kammana anjo Kusuromi battu na'bi-na'biKu untu' ampabattui mae ri kau kaputusangKu angkanaya musti nihukkung ngasengko siagang nipanrakiko. Apa Kukaerokia battu ri kau ngaseng a'nassami siagang singara'mi:

AMOS 2:14

Manna tau gassinga lari tena todong nakkulle lata'lappasa'; tau gassinga latappelaki kagassinganna, siagang tau porea takkulleai napasalama' kalenna.

AMOS 5:19

Kaadaanna rapangi tau laria battu ampilari singaya, nampa assibuntulu' siagang beruang. Yareka kontui tau ammotereka mae ri balla' nappatungkulu' siagang limanna mae ri temboka nampa nipitto' ri ulara'!

PAPPICINI' 19:21

Nampa nibuno ngaseng tantarana ke'nanga siagang pa'dang assuluka battu ri bawana anjo padongko' jarang keboka. Nabattu ngasemmo jangang-janganga angkanrea tojengi assinna anjo ke'nanga nibunoa.