1 KARAENG-KARAENG 19:14 - KITTA' MATANGKASA'

¹⁴ Appialimi Elia angkana, “O Batara, Allata'ala Kaminang Koasaya, tulusu' anjamaku untu' iKatte. Mingka umma' Israel nadakkai parjanjianna ke'nanga siagang iKatte. Narumbangi tampa'-tampa' pakkoro'bangnganTa siagang nabunoi na'bi-na'biTa. Inakke mami bawang tassesa, siagang kamma-kamma anne eroki ke'nanga ambunoa'!”

1 KARAENG-KARAENG 19:14 ပူးပေါင်းရင်းမြစ်များ

1 KARAENG-KARAENG 18:22

Nampa nakanamo pole Elia, “Battu ri sikamma na'bi-na'biNa Batara, inakke mami tassesa, padahala' anrinni nia' 450 na'bi Baal.

1 KARAENG-KARAENG 18:30

Nampa nakanamo Elia mae ri sikontu anjo ra'yaka, “Maeko a'reppese'!” A'rappungammi ke'nanga ri tammulilina. Nampa appakkaramulamo napakabaji' tampa' pakkoro'bangnganga ri Batara, ia rumbangamo.

PAMMUJI 78:37

Tena namajarre' ke'nanga mae ri Ia siagang tena nata'gala' jarreki parjanjianNa.

YESAYA 1:4

Cilakako kau bansa dorakaya, tau panraka siagang ja'dalaka! Ta'loposo' ngaseng mako lanri dosa-dosanu. Nutollaki Batara siagang nubokoi Allata'ala Kaminang Matangkasaka, siratanga musti nusomba.

YESAYA 62:1

Lanri Yerusalem kula'bicara, lanri Sion kutala'mereki, sa'genna nipasalama' naccaya pammetanna rapang sulo ri wattu bangngi.

YEREMIA 22:9

Nampa lappialimo taua angkanaya nakajariang ngaseng anjo sikammaya lanri nudakkaina parjanjiannu siagang iNakke, Allata'alanu, kammayatompa lanri anynyomba mako siagang assambayang mako mae ri rewata-rewata maraenga.”

DANIEL 11:30

Nasaba' tu Roma siagang kappala'-kappala'na laniaki battu ri Siprus; lanibunduki ri ke'nanga sa'genna a'jari sanna'mi malla'na. Nampa lammotere'mo larro sikali siagang ero'mi naancuru' agamana umma'Na Allata'ala. Lanapilangngeri pappitangara'na tau a'bokoamo battu ri anjo agamaya.

DANIEL 3:18

Mingka manna pole ebara' angkana tena Nagaukangi, parallui kiasseng angkanaya ikambe tena nalanynyomba mae ri rewatana karaengku, siagang tena todong nalanynyomba mae ri anjo patung bulaeng kipaentenga karaeng.”

HOSEA 6:7

Mingka sangkamma Adam, nudakkai janjinnu mae ri Nakke.

ROMA 11:3

“O, Batara, nabunomi taua na'bi-na'biTa, siagang napanra'-panraki ngasemmi tampa'-tampa' eroka nipake assare koro'bang mae ri Katte. Inakke mami kale-kalengku ammantang, naero' tommo ke'nanga ambunoa'.”

PAOLE 29:25

Na pialinna iamintu, ‘Lanri takkaluppana ke'nanga ri parjanjianNa Batara, Allata'alana boe-boena ke'nanga; parjanjiang Napareka siagang ke'nanga ri wattunna nierang ke'nanga assulu' battu ri Mesir.

PAOLE 31:20

LaKuerangi ke'nanga mange ri anjo pa'rasangang kalumanynyanga siagang copponga buttana, sangkamma Kupa'janjianga mae ri boe-boena ke'nanga. Anjorengi ke'nanga lattallasa' siagang sannang siagang anggappai sikamma kanre-kanreang naparalluanga ke'nanga. Mingka kale'bakkanna lata'gilingi ke'nanga nampa anynyomba mae ri rewata-rewata maraenga. LanasorongbokoA' ke'nanga siagang takkaluppai ri parjanjiangKu,

IBRANI 8:9

Tasangkammayai passijanjiang Kupareka siagang boe-boena ke'nanga ri wattunna Kururungang ke'nanga assulu' battu ri butta Mesir. Allessoki ke'nanga ri passijanjiang Kupareka siagang ke'nanga, lanri kammanami anjo nataKujampangia ke'nanga.