1 KARAENG-KARAENG 19:13 - KITTA' MATANGKASA'

¹³ Nalangngere'na Elia anjo sa'raya, natongko'mi rupanna siagang jubana, nampa assulu' ammenteng ri bawana anjo kali'bong batua. Nia'mo kalangngerang sa'ra angkana, “Elia, apa nupare' anrinni?”

1 KARAENG-KARAENG 19:13 ပူးပေါင်းရင်းမြစ်များ

PA'JARIANG 16:8

Nakanamo anjo malaekaka, “O Hagar, atanna Sarai, battu kemaeko siagang la'lampa kemaeko?” Appialimi Hagar angkana, “Laria' ambokoi Sarai, ibuku.”

1 KARAENG-KARAENG 18:42

A'lampami Ahab mange angnganre, nampa Elia nai'mi ri Moncong Karmel. Anjoreng su'ju'mi sa'genna rapa' rupanna naung ri buttaya ri alla'na ruaya kulantu'na.

1 KARAENG-KARAENG 19:9

A'bangngimi Elia anjoreng lalang ri se'reang kali'bong batu. Nampa Nakanamo Batara ri ia, “Elia, apa nupare' anrinni?”

2 KARAENG-KARAENG 2:8

Nala'gasimi jubana Elia, nampa nagulung siagang napatunrung ri tompo'na je'neka ri anjo binangaya. Nata'bage ruamo anjo je'neka, sa'genna akkullemo Elia siagang Elisa a'jappa ri dapara'na kalotoroka anjo binangaya.

KALAPPASSANG 33:23

Nampa laKubeso' limangKu sollanna akkulleA' nucini' battu ri boko, mingka rupangKu takkulleai lanucini'.”

YESAYA 6:2

Ri tammuliliNa nia' malaeka' ammenteng kamma pepe' a'rinraya, massing ta'annang ka'nyi'na. Rua ka'nyi'na antongkoki rupanna, rua antongkoki kalenna, na rua ka'nyi'na maraenga untu' anri'ba'.

YESAYA 6:5

Nampa kukanamo, “Bala! Tenamo panrannuangku inakke, lanri ra'masa'na bawaku napakamma dosa, na kuammantang ri tangngana bansa kammaya todong cilakana. Mingka manna nakamma, mata kalengku anciniki Karaenga, iamintu Batara Kaminang Makoasaya!”

YUNUS 4:5

Nampa a'lampa Yunus mange ri ri rayanganna kotaya, nampa ammempo anjoreng. Appareki se're pa'balla'-ballakang nampa a'la'lang lalang, nampa attayang apa lakajarianga mae ri kota Niniwe.

IBRANI 11:37

Nia' nisambilai batu sa'genna mate, nia' nisamballe siagang garagaji, kammayatompa nibuno siagang pa'dang. Mange-mangei a'lampa ke'nanga ammakeang kukkulu' gimbala' yareka kukkulu' bembe; kasi-asi tallasa'na ke'nanga, nigau' takamma-kammai siagang nisessai.