1 KARAENG-KARAENG 19:12 - KITTA' MATANGKASA'

¹² Le'baki anjo sannang sikalimi siagang sinomi. Nampa nia'mo kalangngerang sa'ra ca'di siagang halusu'.

1 KARAENG-KARAENG 19:12 ပူးပေါင်းရင်းမြစ်များ

PA'JARIANG 15:17

Ri wattunna bangngimo, ti'ring nia'mo ammumba pappalluang a'rumbu siagang sulo a'rinra, nampa numalo ri alla'na anjo dageng-dageng le'baka nipue.

1 KARAENG-KARAENG 18:38

Nampa appabattumo Batara pepe' battu ri langika siagang nakanre anjo kayua siagang anjo koro'banga sa'genna ammutung, batu-batunna, buttana, kammayatompa nalepa' ngaseng tommi je'ne' niaka ri kaloroka.

2 KARAENG-KARAENG 1:10

Appialimi Elia angkana, “Punna padeng atanNa' Allata'ala, poro naung laloi pepeka battu ri langika na nakanre ngasengko siagang sikontu ana' buanu!” Anjo memang wattua nia'mo pepe' naung angkanrei anjo perwiraya siagang limampuloa ana' buana.

2 KARAENG-KARAENG 2:11

Lalang a'jappana ke'nanga, tuli sipa'bicarana. Ti'ring nia'mo se're kareta a'rinra nibeso' ri ruang kayu jarang a'rinra battu ampasisa'laki ke'nanga sipa'rua, nampa niangka' Elia nai' ri suruga ri anging barubu.

AYUB 33:7

Jari, tea' mako mallaki ri nakke; tena ri atingku ero' ambetako.

AYUB 4:16

Nia' ammenteng ri dallekangku; kujanjangi, mingka takuassengai. Nampa nia' sa'ra kulangngere' anreppeki sino dudua, angkana,

KALAPPASSANG 3:2

Anjoreng nia'mi malaeka'Na Batara ampappicinikangi KalenNa mae ri Musa, lalang pepe' a'rinraya assulu' battu ri tangnga-tangngana rompoka. Naciniki Musa a'rinra anjo rompoka, mingka tena nakkanre.

KALAPPASSANG 34:6

Nampa allalomo Batara ri dallekanna Musa na Nakana, “INakke Batara, iamintu Allata'ala malammoro' pa'maika siagang mangngamaseanga. Anjo pangngamaseangKu alla'bi-la'bi; majarreKa' siagang tena naKulinta' larro.

ZAKHARIA 4:6

Nasuroa' anjo malaekaka ampabattui mae ri Zerubabel anne pasanNa Batara angkanaya, “Teai lanri kagassingang tantara siagang teai todong lanri kagassingang kalennu nulappa'jari pattujuang, pasangalinna lanri RohKu.

LAMPA-LAMPANA 2:2

Ti'ring nia'mo sa'ra kalangngerang battu ri langika, sangkammaya anging lompo sa'ranna. Sangnging ia mami anjo sa'raya kalangngerang anjoreng ri balla' napammantangia ke'nanga ammempo a'rappungang.

PAOLE 4:15

“U'rangi baji'-baji'! Ri wattunna a'bicara Batara mae ri kau lalang pepe' ri Moncong Sinai, tena apa-apa nucini'.

PAOLE 4:33

Le'bakika nia' bansa akkulle iji attallasa' baku' le'ba'na nalangngere' angkanaya nia' allata'ala a'bicara mae ri ke'nanga battu lalang ri pepeka, sangkamma le'baka nukasia'?

IBRANI 12:29

Nasaba' anjo Allata'alata sanrapangi pepe' appakamutunga.