1 KARAENG-KARAENG 18:5 - KITTA' MATANGKASA'

⁵ Nakana Ahab ri Obaja, “Umba naki'lampa angnginroi sikontu anne pa'rasanganga siagang a'boya timbuseng je'ne' yareka binanga. Gassingka akkulleki' anggappa ruku' untu' ampasalamaki jaranta siagang keledaita, sollanna tenaja naparallu nibuno olo'-olo' katuota manna pole sikayu.”

1 KARAENG-KARAENG 18:5 ပူးပေါင်းရင်းမြစ်များ

1 KARAENG-KARAENG 18:4

Ri wattunna nabuno Izebel na'bi-na'biNa Batara, nia' 100 tau na'bi natulung Obaja na nacokko ke'nanga lalang ri kali'bong batua – 50 tau lalang se're kali'bong – kammayatompa nasare kanre siagang je'ne' inung ke'nanga.)

1 KARAENG-KARAENG 18:6

Le'baki nabage ke'nanga daera eroka nainroi, a'lampami ke'nanga. Ahab ri se'reang oloang, na Obaja oloang maraengannaya.

PAMMUJI 104:14

Kipattimboi ruku'-rukuka untu' kanre olo'-olo', na sangka' rupa lamung-lamung untu' rupataua. Akkullei a'lamung-lamung,

YEREMIA 14:3

Sikamma palayanna tau kalumanynyanga nisuroi a'boya je'ne' ri kere-keremae; a'lampai ke'nanga mange ri sikamma bungunga mingka la'busu' ngasemmi je'neka. Tena bonena bongkia naeranga ke'nanga ammotere'. Lussa'mi natappu' minasa ke'nanga siri'-siriki ke'nanga na natongko' rupanna.

YO"EL 1:18

Angngoe'mi olo'-oloka na lussa'; tenamo parang pangnganreanna. Sikamma gimbalaka ta'ronang tommi.

YO"EL 1:20

Ba'lalo manna olo'-olo' liaraka ri romanga ammarrang todong mae ri Katte appala' bantuang. Takkulleai ke'nanga naballei turerena, nasaba' sikamma binangaya kalotoro' kabusu'mi.

YO"EL 2:22

He sikamma bintoenga, teako lussakki. Parang-parang rukuka kamma-kamma anne moncong bulomi. Roasa'mi rapponna poko'-poko' a'rappoa, alla'bi-la'bimi rappo anggoroka siagang rappo araya.

AMOS 4:8

Ri siapa area kota pandudu'na lammami napakamma turere, a'boya je'ne' ri kota maraenga, mingka tanggannakkai je'neka anjoreng. Mingka manna nakamma, tena tongijapa nuero' ammotere' mae ri Nakke.

HABAKUK 3:17

Manna pole tena rapponna poko' araya na poko' anggoroka tena anggoro'na, manna pole tena wassele'na poko' zaitunga, nappakala'ba' pa'mai' wassele' gandunga ri kokoa, manna pole namate kabusu' gimbalaka natena bonena bara olo'-oloka,