1 KARAENG-KARAENG 18:43 - KITTA' MATANGKASA'

⁴³ Nakana ri palayanna, “Naikko ri coppo' nampa accinikko mae ri tamparanga.” Nai'mi anjo atanna, nampa ammotere' siagang nakana, “Tena apa-apa kucini'.” Sa'genna pintuju nasuro Elia anjo atanna nai' naung untu' accini'.

1 KARAENG-KARAENG 18:43 ပူးပေါင်းရင်းမြစ်များ

PA'JARIANG 32:26

Nampa nakana anjo taua, “Lappassanga', kala'birimmi ammumba alloa.” Appialimi Yakub angkana, “Tena nakulappassangki' karaeng, punna tena kibarakkakia'.”

1 KARAENG-KARAENG 18:42

A'lampami Ahab mange angnganre, nampa Elia nai'mi ri Moncong Karmel. Anjoreng su'ju'mi sa'genna rapa' rupanna naung ri buttaya ri alla'na ruaya kulantu'na.

1 KARAENG-KARAENG 18:44

Ri makapintujuna, ammotere'mi anjo atanna siagang nakana, “Nia' kucini' rammang ca'di sangkamma pala' lima lompona battu ri tujunna tamparanga.” Nakanamo Elia ri atanna, “A'lampamako mange ri Karaeng Ahab, suroi nai' ri karetana nampa ammotere' sollanna tena nitahangi ri bosia.”

2 KARAENG-KARAENG 4:35

Ambangummi Elisa nampa a'jappa anrai' kalau' lalang ri anjo kamaraka, nampa ammopang pole naung ri kalenna anjo anaka. Kale'bakkanna burassingammi anjo anaka pintuju, nampa nasungke matanna.

PAMMUJI 5:3

Kijampangi pakkiokku na Kitulunga', o Karaengku siagang Allata'alaku.

HABAKUK 2:3

Cataki anjo, nasaba' kamma-kamma anne teaipi wattunna. Mingka tasalloai nabattu anjo wattua, siagang apa le'baka Kupa'nyata mae ri kau tena ta'rupana. Manna pole nasallo ijapa cinikanna, mingka tayang mami! Anjo wattua ma'nassa labattui siagang tena nalanipaunduru'.

LUKAS 18:1

Le'baki anjo Nacaritami Isa se'rea pangngebarang, ero' Naajara' ana'-ana' gurunNa sollanna tuli appala' doang siagang tena natappu' panrannuang.

LUKAS 18:7

Jari, maka tena naNasarei Allata'ala ammeta lalang ri kara-karana umma'Na, punna allo bangngi appala' tulung umma'Na?

EFESUS 6:18

Gaukang ngasemmi anjo kammaya, nanuappala' doang siagang appala' tulung mae ri Allata'ala. Ri sikamma kasampatang niaka, appala' doangko situru' panrurunganNa RohNa Allata'ala mae ri kau. Paralluko tuli jaga-jaga, siagang teako eroki ampappibetangi kalennu. Tuli pappala' doangangi sikontu Umma'Na Allata'ala.

YOSUA 6:4

Tuju imang, massing angngerang tarompe' musti a'jappa ri dallekanna Patti Parjanjianga. Ri makatujuna alloa, ikau siagang tantaranu musti nuinroi anjo kotaya pintuju nampa sikamma imanga natui' ngasengi tarompe'na.