1 KARAENG-KARAENG 18:42 - KITTA' MATANGKASA'

⁴² A'lampami Ahab mange angnganre, nampa Elia nai'mi ri Moncong Karmel. Anjoreng su'ju'mi sa'genna rapa' rupanna naung ri buttaya ri alla'na ruaya kulantu'na.

1 KARAENG-KARAENG 18:42 ပူးပေါင်းရင်းမြစ်များ

PA'JARIANG 24:52

Nalangngere'na surona Abraham anjo kananna ke'nanga, su'ju'mi anynyomba ri Batara.

2 SAMUEL 12:16

Nampa appala' doammo Daud mae ri Batara sollanna akkulle ammolle ri garrinna anjo anaka. Appuasai siagang tunggala' bangngi attinro sipattang bujuru' ri dapara' bili'na.

1 KARAENG-KARAENG 18:41

Le'baki anjo nakanamo Elia ri Karaeng Ahab, “Kamma-kamma anne baji'mi punna a'lampa maki' mange angnganre. Sinampe' mami nalabosi, nasaba' kalangngerammi ammarrung.”

1 KARAENG-KARAENG 18:43

Nakana ri palayanna, “Naikko ri coppo' nampa accinikko mae ri tamparanga.” Nai'mi anjo atanna, nampa ammotere' siagang nakana, “Tena apa-apa kucini'.” Sa'genna pintuju nasuro Elia anjo atanna nai' naung untu' accini'.

1 KARAENG-KARAENG 19:13

Nalangngere'na Elia anjo sa'raya, natongko'mi rupanna siagang jubana, nampa assulu' ammenteng ri bawana anjo kali'bong batua. Nia'mo kalangngerang sa'ra angkana, “Elia, apa nupare' anrinni?”

EZRA 9:6

Kukanamo, “O, Allata'alaku, siri'-sirika' angngangkaki ulungku ri dallekanTa. Dosa-dosana ikambe attambung-tambungi irate ri ulunna ikambe sa'genna narapi' langika.

AYUB 37:11

Napierangngi rammanga siagang je'ne', naccaya rammanga nisingari ri kila'.

PAMMUJI 89:7

Ri langi' tena sangkammanTa o, Batara, tena apa ri suruga ampasangkammaiKi'.

YESAYA 38:2

Assailemi Hizkia mae ri temboka nampa appala' doang nakana,

YESAYA 6:2

Ri tammuliliNa nia' malaeka' ammenteng kamma pepe' a'rinraya, massing ta'annang ka'nyi'na. Rua ka'nyi'na antongkoki rupanna, rua antongkoki kalenna, na rua ka'nyi'na maraenga untu' anri'ba'.

YEREMIA 46:18

INakke Allata'ala mattallasaka, iNakke Karaeng, Batara Kaminang Koasaya. Rapang Bulu' Tabor ammenteng kassa' ri alla'na sikamma buluka, rapang Bulu' Karmel ammenteng kassa' ri tompo'na tamparanga, kammami anjo kagassinganna ia battua ambundukiko.

DANIEL 9:3

Nampa attojeng-tojemma' appala' doang mae ri Karaeng Allata'ala, na kupala' pangngamaseanNa. Appuasama' siagang ammakema' pakeang karung nampa ammempo irate ri aua.

DANIEL 9:7

O Batara, tindakanTa tuli annabai siagang adeleki, mingka ikambe tonji tuli ampakasiriki kalenna ikambe, iamintu ikambe ngaseng ammantanga ri Yudea siagang ri Yerusalem, siagang sikontu julu bansana ikambe le'baka Kipasiara' mange ri pa'rasangang-pa'rasangang bellaya siagang ambania, lanri tenana namajarre' tappa'na mae ri Katte.

MATIUS 14:23

A'lampana ngasemmo tau jaia, a'lampa tommi Kale-kalenNa nai' ri se'reang bonto, mange appala' doang. Sa'genna ta'rapi' bangngia nia' iji Isa anjoreng Kale-kalenNa.

MARKUS 14:35

A'lampami Isa bella-bella sike'de', nampa tassu'ju' naung ri buttaya, appala' doang. Lalang appala' doanNa Napala'mi punna akkulleja teami Naoloi anjo wattu passessaya.

LUKAS 6:12

Anjo wattua naiki Isa ri se'reang bonto, untu' appala' doang. Appala' doangi anjoreng sipattang bujuru'.

LAMPA-LAMPANA 10:9

Ammukona alloa, lalang a'jappana ija anjo tunisuroa siagang a'biringamo battu mange ri Yope, nai'mi Petrus ri ballaka ero' appala' doang.

YOSUA 7:6

Sanna'mi si'nana pa'mai'na Yosua siagang sikamma pamimping umma'na Israel sa'genna nakekke'-kekke' pakeanna ke'nanga, siagang su'ju'mi ke'nanga sila'busu' allo ri dallekanna Patti ParjanjianNa Batara; nasareimi au ulunna ke'nanga salaku pammatei ri si'nana pa'mai'na ke'nanga.

1 SAMUEL 12:18

Nampa appala' doammo Samuel; na ia memang anjo alloa appaturummi Batara gunturu' siagang bosi. Sikontu anjo bansaya a'jari malla' ngasemmi ri Batara siagang mae ri Samuel.