1 KARAENG-KARAENG 18:4 - KITTA' MATANGKASA'

⁴ Ri wattunna nabuno Izebel na'bi-na'biNa Batara, nia' 100 tau na'bi natulung Obaja na nacokko ke'nanga lalang ri kali'bong batua – 50 tau lalang se're kali'bong – kammayatompa nasare kanre siagang je'ne' inung ke'nanga.)

1 KARAENG-KARAENG 18:4 ပူးပေါင်းရင်းမြစ်များ

1 KARAENG-KARAENG 13:16

Mingka appialimi anjo na'bi battua ri Yehuda angkana, “Pammopporanga'! Tena nakukkulle antarimai undanganta untu' amminawang mange ri ballatta Bapa'. Tena todong kulangnganre yareka angnginung anrinni siagang ikatte.

1 KARAENG-KARAENG 17:11

Ri wattu a'jappana anjo jandaya untu' angngalle je'ne' inung, akkio'mi Elia angkana, “Bu', kipangngerangngang tonga' sike'de' roti.”

1 KARAENG-KARAENG 18:13

Apaka tenapa kilangngereki angkanaya ri wattunna nabuno Izebel na'bi-na'biNa Karaeng Allata'ala, nia' le'ba' kucokko 100 tau battu ri ke'nanga – 50 tau lalang se're kali'bong ri batua – siagang kusarei ke'nanga kanre siagang je'ne' inung?

1 KARAENG-KARAENG 18:5

Nakana Ahab ri Obaja, “Umba naki'lampa angnginroi sikontu anne pa'rasanganga siagang a'boya timbuseng je'ne' yareka binanga. Gassingka akkulleki' anggappa ruku' untu' ampasalamaki jaranta siagang keledaita, sollanna tenaja naparallu nibuno olo'-olo' katuota manna pole sikayu.”

2 KARAENG-KARAENG 6:32

Nampa nasuromo karaenga se're tau a'jappa riolo mange ri balla'na Elisa. Anjo wattua niaki Elisa ri balla', siagang siapa are tau toa-toana pa'rasanganga sitabang a'manaikang anjoreng. Lalang tenanapa nabattu anjo surona karaenga, nakanamo Elisa mae ri anjo sikamma tau toa-toana pa'rasanganga, “Parhatikangi! Anjo pabuno-bunoa assuroi tau battu mae untu' ambunoa'. Punna battu sinampe' anjo taua, tongkoki pakke'buka siagang teako pa'biangi antama'. Ri bokona laniaki kalenna karaenga.”

2 KARAENG-KARAENG 9:7

Lanupaccappuki kaluargana karaennu Ahab. Lalang kammana anjo naKuhukkummo Izebel le'baka ambunoi na'bi-na'biKu siagang sikamma atangKu maraengannaya.

NEHEMIA 9:26

Mingka apparicui ummatTa na tamannurukia, nabawang-bawangngangi hukkunTa siagang paratoranTa, nabunoi na'bi-na'bi ampakaingakai ke'nanga, assuroai ke'nanga ammotere' ri Katte, Allata'alana. O, Batara, a'mole-mole tongKi' nihina ri ke'nanga.

YESAYA 16:3

Nakana ke'nanga mae ri Yehuda, “Paumi apa musti nagaukang ikambe. A'jari mako pa'la'langang mae ri kambe ri wattu bambanna alloa, siagang lappassammi ammantang ikambe lalang ri la'langannu. Ikambe anne tau lariki; cokkoi ikambe siagang teako alle bokoi ikambe.

YEREMIA 26:24

Mingka kamma-kamma anne lanri pannulunna Ahikam ana'na Safan, inakke Yeremia, tena nipassareanga' mae ri ra'yaka untu' nibuno.

YEREMIA 36:19

Nakanamo ke'nanga, “Ikau siagang Yeremia musti acokkoko. Tea' laloko naniakki tau angngassengi tampa' paccokkoannu anjo.”

MATIUS 21:35

Mingka battuna mange anjo palayanna patanna koko, nijakkala'mi ke'nanga ri anjo pajama kokoa. Nia'mo naba'ji, nia'mo nasambila batu, siagang nia' tommo nibuno ri ke'nanga.

MATIUS 25:35

Nasaba' ri wattungKu cipuru' nusareA' kanre, ri wattungKu turere nusareA' je'ne inung. Ri wattungKu a'jari tau battu-battu nualleA' nupariballa'.

MATIUS 25:40

Lappiali Karaenga Nakana, ‘Asseng laloi anne: ri wattu nugaukanna sikammaya anjo mae ri kalase'renna sari'battangKu kaminang tunaya, ilalang kammana minjo nanugaukammo ri Nakke!’

IBRANI 11:38

Anne linoa teai tampa' siratang mae ri ke'nanga. Mangei ri parang lompoa ke'nanga siagang bulu'-buluka, nammantang lalang ri kali'bong batua yareka kali'bong buttaya.