1 KARAENG-KARAENG 18:38 - KITTA' MATANGKASA'

³⁸ Nampa appabattumo Batara pepe' battu ri langika siagang nakanre anjo kayua siagang anjo koro'banga sa'genna ammutung, batu-batunna, buttana, kammayatompa nalepa' ngaseng tommi je'ne' niaka ri kaloroka.

1 KARAENG-KARAENG 18:38 ပူးပေါင်းရင်းမြစ်များ

PA'JARIANG 15:17

Ri wattunna bangngimo, ti'ring nia'mo ammumba pappalluang a'rumbu siagang sulo a'rinra, nampa numalo ri alla'na anjo dageng-dageng le'baka nipue.

1 KARAENG-KARAENG 18:24

Lappassammi anjo na'bi-na'bi Baal appala' doang mae ri rewatana ke'nanga, nampa inakke lappala' doang tonga' mae ri Batara. Ia appialia siagang pepe', Iami Allata'ala.” Sikontu ra'yaka appiali ngasemmi angkana, “Situju!”

1 KARAENG-KARAENG 18:35

Jari assolommi je'neka ri tammulilina anjo tampa' pakkoro'bangnganga sa'genna rassimo je'ne' kaloro'na.

1 KARAENG-KARAENG 18:37

Appiali maKi', o Batara! Kipialima', sollanna naasseng anne ra'yaka angkanaya iKatte, o Batara, iKattemi Allata'ala, siagang iKattemi lampata'gilingi ke'nanga mae ri Katte.”

2 KARAENG-KARAENG 1:12

Appialimi Elia angkana, “Punna padeng atanNa' Allata'ala, poro naung laloi pepeka battu ri langika na nakanre ngasengko siagang sikontu ana' buanu!” Anjo memang wattua nia'mo pepe' naung angkanrei anjo perwiraya siagang limampuloa ana' buana.

1 PATTOTTORANG 21:26

Nampa ambangung Daud se're tampa' pakkoro'bangngang ri anjo tampaka untu' Batara, siagang assaremi koro'bang nitunu, kammayatompa koro'bang untu' pappasiamakkang. Nampa appala' doang na nitarimamo pappala'na iamintu appaturummi pepe' Batara battu rate ri langika na nakanre anjo sikamma koro'bang niaka irate ri tampa' pakkoro'bangnganga.

2 PATTOTTORANG 7:1

Le'baki Salomo appala' doang, nia'mo pepe' turung battu rate ri langika angkanrei anjo koro'bang-koro'bang nipassareanga mae ri Batara. Nampa rassimo anjo Balla'Na Batara ri singara' kahaderanNa Batara,

AYUB 1:16

Lalang a'bicarana ija anjo taua, battumi atanna makaruaya angkana, “Sikamma gimbalatta siagang sikamma pakalawakinna nitabai ri kila' sa'genna mate ngaseng. Inakke mami anne atanta ta'lappasa' sa'gengku akkulle battu a'laporo' mae ri katte.”

YESAYA 31:9

Lalari karaenna ke'nanga napakamma malla', nampa sikamma perwirana sanna' ta'bangkana, sa'genna nabokoi ke'nanga sikamma bandera pa'bundukanna.” Batara le'ba' akkana, Batara nisombaya siagang nipakalompoa, nisarea koro'bang nitunu ri Yerusalem.

KAIMANGNGANG 10:1

Ri se'reang allo, Nadab siagang Abihu, iamintu ana'na Harun, angngallei massing tampa' pepe'na nampa nabonei bara. Nampa nabonei ke'nanga dupa anjo pepeka siagang napassareang mae ri Batara. Mingka tena nahallala' anjo pepeka lanri tena nisuroi ke'nanga ri Batara ampassareangi anjo kammaya.

KAIMANGNGANG 10:2

Jari Napabattumi Batara pepeka antunui ke'nanga sa'genna mate ri KemaNa Batara.

KAIMANGNGANG 9:24

Ti'ring Napanaummi Batara pepeka nanakanre sa'genna la'busu' koro'bang nitunua siagang bageang-bageang niaka jannana irate ri tampa' pakkoro'bangnganga. Nacini'na umma' Israel anjo kammaya, a'gora-gora rannumi ke'nanga nampa su'ju' anynyomba.

PAPPICINI' 13:13

Anjo olo'-olo' makaruaya appa'nia'mi siapa are panggaukang sanna' lompona siagang sannaka appakalannasa'na. Appaturummi pepe' battu rate ri langika naung ri buttaya, ri dallekanna sikontu rupataua.

HAKING-HAKING 6:21

Nampa napajonjo anjo limanna malaeka'Na Batara, nanasaremo anjo dagenga siagang rotia siagang cappa' kayu nata'galaka. A'rinrami anjo batua, sa'genna la'busu'mo akkanre anjo dagenga siagang rotia. Nampa allanynya'mo anjo malaekaka.