1 KARAENG-KARAENG 18:36 - KITTA' MATANGKASA'

³⁶ Ri wattunna narapi'mo wattunna assare koro'bang karueng, a'reppese'mi Na'bi Elia mae ri anjo tampa' pakkorobangnganga nampa appala' doang angkana, “O Batara, Allata'ala nasombaya Abraham, Ishak siagang Yakub, Kipa'nyatai kamma-kamma anne angkanaya iKattemi Allata'alana Israel, siagang inakke anne atanTa. Kipa'nyata tongi angkanaya sikontu anne apa kugaukanga lanri parentaTa.

1 KARAENG-KARAENG 18:36 ပူးပေါင်းရင်းမြစ်များ

PA'JARIANG 26:24

Anjo bangngia Napappicinikammi KalenNa Batara ri ia, na nakana, “INakkemi Allata'alana manggenu Abraham. Teako mallakki; laKujagaiko. LaKubarakkakiko siagang laKusareko turungang sannaka jaina lanri janjingKu mae ri atangKu Abraham.”

PA'JARIANG 28:13

Na ri sa'rinna ammentemmi Batara siagang Nakana, “INakkemi Batara, Allata'ala napakalompoa Abraham siagang Ishak. LaKupassareangi mae ri kau siagang mae ri turungannu anne butta nupanra'baia.

PA'JARIANG 31:53

Allata'ala napakalompoa Abraham siagang manggeku Nahor la'jari haking mae ri katte.” Nampa assumpamo Yakub lanri Allata'ala nasombaya Ishak, manggena, untu' anrupai anjo janjinna.

PA'JARIANG 32:9

Nampa appala' doammo Yakub nakana, “O, Allata'ala, Ia napakalompoa toaku Abraham, siagang manggeku Ishak, poro Kipilangngeri laloa'! IKattemi Batara assuroa' ammotere' mange ri pa'rasangangku siagang bija pammanakangku. Nampa Kijanjima' angkanaya iKatte langngatoroki sikontu-kontuna a'jari baji', untu' inakke.

PA'JARIANG 46:3

Nakanamo Allata'ala, “INakkemi Allata'ala, Allata'alana manggenu. Teako mallakki untu' a'lampa mange ri Mesir. LaKupa'jari turungannu se're bansa lompo anjoreng.

2 SAMUEL 7:26

Ri kere-keremae tuli lanapakalompoi taua arenTa siagang angkana, ‘Batara Kaminang Koasaya, Iami Allata'ala mae ri tu Israel.’ Na nia' sitau battu ri jari-jarina lammarenta salaku karaeng mae ri anne bansaya sa'genna satunggu-tungguna.

1 KARAENG-KARAENG 18:21

Nampa nareppesi Elia anjo ra'yaka na nakana, “Sa'ge kemaepi ero'nu a'rua nyawa? Punna Batara, Batara musti nusomba. Punna anjo Baal Allata'ala, iami nusomba.” Anjo ra'ya' niaka a'rappungang, tena nia' akkana.

1 KARAENG-KARAENG 18:29

Kammaminjo situlusu'na nagaukang ke'nanga sa'genna karueng, sangkamma nicini' tunisoso' ri setang. Mingka tena appiali ri ke'nanga, tena amparhatikangi.

1 KARAENG-KARAENG 18:35

Jari assolommi je'neka ri tammulilina anjo tampa' pakkoro'bangnganga sa'genna rassimo je'ne' kaloro'na.

1 KARAENG-KARAENG 18:37

Appiali maKi', o Batara! Kipialima', sollanna naasseng anne ra'yaka angkanaya iKatte, o Batara, iKattemi Allata'ala, siagang iKattemi lampata'gilingi ke'nanga mae ri Katte.”

1 KARAENG-KARAENG 20:13

Lalang anjo wattua, nia'mo sitau na'bi mange ri Karaeng Ahab na nakana, “Nakana Batara, ‘Nuciniki anjo tantara jaia? LaKusareko pammetang mae ri ke'nanga anne alloa. Lanuassengi angkanaya iNakkemi Batara.’ ”

1 KARAENG-KARAENG 20:28

Nampa nia'mo sitau na'bi battu mae ri Karaeng Ahab siagang angkana, “Iaminne Nakananga Batara: ‘Lanri anjo tu Siria nakanangi ri daera pa'moncongangi bawang jari kakoasangKu na tena ri lappara' rawaya, laKusareko pammetang mae ri anjo tantarana ke'nanga, sannaka ta'liwa'na jaina. Ikau siagang ra'ya'nu lanuassengi angkanaya iNakkemi Batara.’ ”

1 KARAENG-KARAENG 22:28

Nakanamo Mikha, “Punna ammoterekki' siagang salama', battuanna tena Na'bicara Batara tete ri nakke! Sikamma hadereka anrinni a'jari sa'bi ngasengi.”

1 KARAENG-KARAENG 8:43

poro battu ri pammantanganTa ri suruga Kipilangngeri pappala' doanna siagang Kiturukiangi pappala'na. Lanri kammana anjo nasikontu bansaya ri lino angngassengKi' siagang mannuruki ri Katte sangkamma ummatTa Israel. Lanaassengi ke'nanga angkanaya anne balla' kubangunga iami tampa' untu' assambayang mae ri Katte.

2 KARAENG-KARAENG 1:10

Appialimi Elia angkana, “Punna padeng atanNa' Allata'ala, poro naung laloi pepeka battu ri langika na nakanre ngasengko siagang sikontu ana' buanu!” Anjo memang wattua nia'mo pepe' naung angkanrei anjo perwiraya siagang limampuloa ana' buana.

2 KARAENG-KARAENG 1:3

Mingka nasuroi malaeka'Na Batara Na'bi Elia, iamintu na'bi battua ri Tisbe, a'lampa angngagangi sibuntulu' anjo sikamma tau nasuroa Karaeng Ahazia untu' angkana, “Apaka tena Allata'ala ri Israel sa'gennu ero' a'lampa appala' pitunju' mae ri Baal-Zebub, anjo rewatana kota Ekron?

2 KARAENG-KARAENG 1:6

Appialimi ke'nanga angkana, “Nia' sitau bura'ne battu mae ri kambe nampa nasuro ikambe ammotere' untu' ampabattui mae ri karaenga angkanaya akkana kammai anne Batara mae ri karaenga, ‘Apaka tena Allata'ala ri Israel, sa'gennu assuro appala' pitunju' mae ri Baal-Zebub, rewatana kota Ekron? Tena nukkulle la'jari baji', mingka lamateko!’ ”

2 KARAENG-KARAENG 19:19

O Batara, Allata'alana ikambe, Kilappassang laloi ikambe battu ri anjo tu Asyur, sollanna akkulle naasseng sikontu bansaya ri lino angkanaya iKatteji bawang Allata'ala.”

2 KARAENG-KARAENG 20:11

Appala' doammi Yesaya mae ri Batara, nampa Napaunduru' Batara 10 garisi' anjo pa'jo'jo' orolojia.

2 KARAENG-KARAENG 5:15

Nampa ammotere'mo siagang sikontu paeranna mange ri Elisa. Nakanamo Naaman ri Elisa, “Kamma-kamma anne kuassemmi angkanaya ri sikontu anne linoa se'reji bawang Allata'ala, iamintu Allata'ala nisombaya ri tu Israel. Lanri kammana anjo kuminasai nakiero' antarimai anne passareku.”

2 KARAENG-KARAENG 5:8

Nalangngereki Na'bi Elisa anjo passalaka, nampa akkirimmo pasang mae ri karaeng Israel angkana, “Angngapa nulussa'? Suroi anjo taua battu mae ri nakke sollanna naasseng angkanaya ri anne Israel nia' sitau na'bi!”

1 PATTOTTORANG 29:18

O Karaeng Allata'ala, Ia nasombaya Abraham, Ishak, siagang Yakub, boe-boena ikambe, poro Kijagai sollanna tuli mangngai ummatTa mae ri Katte sangkamma ri kamma-kammaya anne, siagang Kikutulungi sollanna tena le'bakai mamminra mae ri Katte.

2 PATTOTTORANG 30:6

Lanri parentana karaenga siagang pagawe-pagawena nikirimmi a'lampa sikamma tunisuroa mange ri sikontu daera Yehuda siagang Israel untu' angngerangi anjo suraka. Kammami anne bonena anjo suraka, “Kupabattui mae ri sikontu ra'ya' Israel! Le'ba' kabusu' mako ta'lappasa' battu ri kakoasanna tu Asyur. Kamma-kamma anne siratang mako ammotere' anynyomba mae ri Batara, Allata'ala nisombaya ri Abraham, Ishak, siagang Yakub, sollanna ammotere' todong untu' antulungko.

PAMMUJI 141:2

Kitarimai pappala' doangku lalang koro'bang dupa, siagang kupatara limangku a'jari koro'bang bangngi.

PAMMUJI 83:18

Boli'mi kamma tuli nipakasiri' siagang malla' ke'nanga, boli'mi kamma mate lalang hina ke'nanga.

KALAPPASSANG 3:6

INakke minne Allata'alana boe-boenu, Allata'alana Abraham, Ishak, siagang Yakub.” Jari natongko'mi rupanna Musa, lanri malla'na anciniki Allata'ala.

KALAPPASSANG 4:5

Nakana Batara, “Gaukammi anjo kammaya sollanna tappa' tu Israel angkanaya iNakke, Batara, Allata'alana boe-boena ke'nanga, Allata'alana Abraham, Ishak siagang Yakub, le'ba' ampappicinikangi KalenNa mae ri kau.”

YESAYA 37:20

O, Karaeng Allata'alana ikambe, Kilappassang laloi ikambe battu ri anjo tu Asyur, sollanna naasseng sikontu bansaya ri lino angkana iKatteji bawang, tena ruanTa Batara ri lino.”

YEHEZKIEL 36:23

LaKupicinikiangko anjo katangkassanna areng malompoKu, iamintu areng le'baka nura'massi ri tangnga-tangngana bansa-bansaya, sa'genna nuassemmo angkanaya iNakkemi Batara. INakke, Batara Kaminang Tinggia anne akkana. LaKupakeko untu' ampappicinikangi mae ri bansa-bansaya angkanaya iNakke anne matangkasakKa', Batara tenaya ruanna.

YEHEZKIEL 39:7

Mingka ri tangnga-tangngana tu Israel, laKupa'nyatai arengKu matangkasaka, siagang tenamo nalanira'massi arengKu. Jari naassemmi bansa-bansaya angkanaya iNakkemi Batara, iamintu Allata'ala matangkasaka ri Israel.”

DANIEL 12:11

Appakkaramula battu ri allo nipammarina anjo koro'bang allo-alloa siagang sikamma appakamalla' niarenga Kaja'dallang Angngancuru' nipaenteng, nia' 1.290 allo.

DANIEL 8:13

Nampa kulangngere' sa'ra malaekaka akkana mae ri malaeka' maraengannaya, “Sa'ge kemae sallona anjo sikontu apa nicinika lalang paccinika lakajariang? Sa'ge siapa sallona anjo dosa lompoa ansambeangi koro'bang allo-alloa? Sa'ge siapa sallona tantara suruga siagang balla' ibadaya lanionjo'-onjokang?”

DANIEL 9:21

Lalang appala' doangku, anjo Gabriel, le'baka kucini' lalang paccinikku riolo, nia'mi anri'ba' a'lampa mae ri nakke. Anjo wattua narapi'mi wattunna taua assare koro'bang karueng.

MATIUS 22:32

‘INakkemi Allata'alana Abraham, Allata'alana Ishak, siagang Allata'alana Yakub.’ Anjo Allata'ala, teai Allata'alana tau matea; mingka Allata'alana tau attallasaka!”

YOHANES 11:42

Kuassengi angkanaya tuli Kipilangngeri pappalakKu; mingka naKupau anne, untu' ia ngaseng anne tau niaka anrinni, sollanna nakkulle tappa' ke'nanga angkanaya ma'nassa iKatte assuroA' battu.”

LAMPA-LAMPANA 10:30

Appialimi Kornelius nakana, “Ri tallungallona allaloa, kira-kira ri wattu kamma-kammaya anne, sitabanga' appala' doang ri ballakku, ri wattu tette' tallu ri karuenga. Ti'ring nia'mo sitau bura'ne ammenteng ri dallekangku. Accilla'-cillaki pakeanna anjo taua.

LAMPA-LAMPANA 3:1

Ri se'reang allo a'lampai Petrus siagang Yohanes mange ri Balla'Na Batara. Anjo wattua tette' tallu ri karuenga, iamintu wattu passambayanganga.

EFESUS 1:17

Kupalaki mae ri Allata'ala, Batarata Isa Almasi, Mangge mala'birika, sollannu Nasare RohNa. Iaminjo RohNa lampa'jari cara'dekko, siagang lampappiassengangi sa'genna nuasseng Allata'ala.

EFESUS 3:14

Iaminjo saba'na nakuakkulantu' ri dallekanNa Manggea.