1 KARAENG-KARAENG 18:28 - KITTA' MATANGKASA'

²⁸ Pila' lompomi sa'ranna appala' doang anjo na'bi-na'bia. Siagang kamma biasaya nagaukang ke'nanga, nae'ba'-e'ba'mi kalenna ke'nanga siagang pa'dang yareka poke sa'genna ammatti'-matti'mo cera'na ke'nanga.

1 KARAENG-KARAENG 18:28 ပူးပေါင်းရင်းမြစ်များ

1 KARAENG-KARAENG 18:27

Ri attangnganamo alloa, appakkaramulami Elia ancau-caui ke'nanga angkana, “Pila' lompo-lompoi sa'rannu appala' doang! Sai iami allata'ala? Gassingka sitabangi nia' nanawa-nawa, yareka mangei atta'mea. Yareka sitabangi a'lampa. Yareka attinroi kapang, na parallu nuronrong!”

YEREMIA 47:5

Tu Gaza nitujui ri susa lompo; pandudu' Askelon a'jari rapangi tau pepe. Siapapi sallona tu Filistin tassesaya tulusu' lasi'na?

KAIMANGNGANG 19:28

Teako cacaki bukkulennu untu' appare' pammatei yareka bokkaki kalennu a'jari pammatei ri kasusannu lanri kamateangko. INakke Batara.

MIKHA 6:7

Apaka lasannangi Batara punna angngerangki' mae ri Ia assa'bu-sa'bu gimbala' yareka alla'bi-la'bi minynya' zaitun? Mustika nipassareangi mae ri Ia ana' bungasatta salaku pannangkasi mae ri dosa-dosata?

ZAKHARIA 13:6

Na punna akkuta'nang taua ri ia angkana, ‘Bokka' apa anjo ri barambannu?’, lappiali angkana, ‘Anjorenga' ri balla'na agangku anggappa loko'.’ ”

MARKUS 5:5

Allo bangngi tuli a'jappa siagang akkiok-kio' ri pa'jerakkanga siagang ri bulu'-buluka, na naloko'-lokoki kalenna ri batua.

MARKUS 9:22

A'mole-molemi anjo roh ja'dalaka ero' ambunoi, naalle natu'gurang antama' ri pepeka siagang antama' ri je'neka. Mingka punna akkulleKi' antulungi, Kikamaseang sai siagang Kitulung sai!”

PAOLE 14:1

“Ikaumi umma'Na Karaeng Allata'alanu. Jari punna susako lanri kamateangko, teako loko'-lokoki batangkalennu yareka teako cukkuruki bageang dallekanna ulunnu sangkamma nagaukanga bansa-bansa maraenga.