1 KARAENG-KARAENG 18:27 - KITTA' MATANGKASA'

²⁷ Ri attangnganamo alloa, appakkaramulami Elia ancau-caui ke'nanga angkana, “Pila' lompo-lompoi sa'rannu appala' doang! Sai iami allata'ala? Gassingka sitabangi nia' nanawa-nawa, yareka mangei atta'mea. Yareka sitabangi a'lampa. Yareka attinroi kapang, na parallu nuronrong!”

1 KARAENG-KARAENG 18:27 ပူးပေါင်းရင်းမြစ်များ

1 KARAENG-KARAENG 18:26

Jari ammilemi ke'nanga sikayu sapi nampa napasadia. Le'baki anjo appala' doammi ke'nanga ri Baal, battu ri bari'basa' sa'genna tangngallo siagang akkiok-kio', “Baal, pilangngeri ikambe!” Nagaukammi ke'nanga nampa turus a'joge'-joge' ri tammulilina anjo tampa' koro'banna ke'nanga. Mingka tena sikali pappiali mae ri ke'nanga.

1 KARAENG-KARAENG 18:28

Pila' lompomi sa'ranna appala' doang anjo na'bi-na'bia. Siagang kamma biasaya nagaukang ke'nanga, nae'ba'-e'ba'mi kalenna ke'nanga siagang pa'dang yareka poke sa'genna ammatti'-matti'mo cera'na ke'nanga.

1 KARAENG-KARAENG 22:15

Battuna Mikha mange ri dallekanna Karaeng Ahab, akkuta'nammi karaenga angkana, “Maka akkulleja' siagang Karaeng Yosafat mange ambunduki Ramot, yareka tena?” Appialimi Mikha angkana, “Bundukimi! Mattantu lammetaki'. LaNasareki' pammetang Batara.”

2 PATTOTTORANG 25:8

Mingka punna kammaji erotta ampakei ke'nanga, lanicini'-cinikiki' ri Allata'ala nibeta ri musunta manna pole nakassa' siagang barani tantarata. Nasaba' Allata'alaji bawang makoasa assare pammetang yareka kanibetang.”

PAMMUJI 121:4

Sikontutojenna, anjo pajagana Israel tale'bakai ta'do'do' yareka attinro.

PAMMUJI 39:3

A'mereki tojenga' naung, sa'genna kupa'rugi kalengku napila' katambang pa'risikku kusa'ring;

PAMMUJI 44:23

Lanri iKatte natuli tattuju kamateanga mae ri kambe na nigau' sanrapang gimbala' lanisamballea.

KATO'BA 11:9

Kasia' baji'mi wattu karungkannu, he ikau tau rungkaya! Rannu mako ilalang lolonu ija. Rupaimi sikamma nakaerokia nyawanu, gaukamma sikontu naniakkanga pa'mai'nu. Mingka u'rangi, Allata'ala niaka ri suruga, langngadeli ngasengi sikontu apa nugaukanga.

YESAYA 41:23

Paumi apa lakajarianga, sollanna naasseng ikambe angkana ma'nassa batara tojengko. Gaukammi a'matu-matua yareka appakarugia, sollanna lannasa' ikambe anciniki.

YESAYA 51:9

Ammenteng maKi' o Batara, Kitulung laloi ikambe, pasalamaki ikambe lanri koasaTa. Ammenteng maKi' sangkamma ri jammang riolo ri wattunna Kilissarrang Rahab siagang Kicoka naga tamparanga sa'genna mate.

YEHEZKIEL 20:39

Nakana Batara Kaminang Tinggia, “He tu Israel, kamma-kamma anne battu ri kau tommami. Patulusu'mi a'gau' dosa anynyomba ri barhala-barhalanu! Mingka u'rangi angkanaya punna le'baki anjo musti mannurukiko ri Nakke siagang tenamo nanura'massi areng matangkasakKu lanri angngerannu passare mae ri anjo barhala-barhalanu.

MATIUS 26:45

Nampa ammotere' pole ri ana'-ana' gurunNa, na Nakana, “Attinro ngasengijako siagang ammari-mari ngasengijako? Ciniki, narapi'mi wattunna lanialle Ana' Ma'rupataua, nampa nipassareang mae ri sikamma tau ja'dalaka.

MARKUS 14:41

Ri wattunna ammotere' pole Isa ri ke'nanga ri makapintallunna, Nakanamo, “Attinro ngasenginjako siagang ammari-mari ngasenginjako? Angganna'mi! Narapi'mi wattunna nipassareang Ana' Ma'rupataua mae ri limanna tau dorakaya.

MARKUS 7:9

Nampa Nakana pole Isa, “Cara'de' sikaliko ansorongbokoi apa Napassuroanga Allata'ala, sollanna akkulle nupakajarre' atorang kalennu.