1 KARAENG-KARAENG 18:18 - KITTA' MATANGKASA'

¹⁸ Appialimi Elia angkana, “Teai inakke tau apparicua, mingka kalenna karaenga. Ikattemi siagang kaluargata apparicu. Lanri anynyombata ri barhala-barhala Baal, kidakkaimi parenta-parentaNa Batara.

1 KARAENG-KARAENG 18:18 ပူးပေါင်းရင်းမြစ်များ

1 KARAENG-KARAENG 16:31

Tenapa nasukku' nasa'ring doraka sangkammaya nagaukanga Yerobeam, ia ba'lalo nabuntingi Izebel ana'na Karaeng Etbaal battu ri Sidon, siagang assambayangi mae ri Baal.

1 KARAENG-KARAENG 16:32

Ambangungi balla' passambayangang ri Samaria untu' Baal, nampa lalang ri anjo balla' passambayanganga appareki tampa' pakkoro'bangngang untu' anjo rewataya.

1 KARAENG-KARAENG 21:25

Tena niakka tau lompo pattujunna anggaukangi kaja'dallanga ri dallekanNa Batara sangkamma nagaukanga Ahab. Yangaseng anjo kaja'dallanga nagaukangi lanri nipangarui ri Izebel, bainenna.

1 KARAENG-KARAENG 21:26

Ahab nagaukangi dosa-dosa sannaka hinana: anynyombai barhala sangkamma nagaukanga tu Amori, iamintu tau le'baka nibongka ri Batara assulu' battu ri pa'rasangang Kanaan ri wattunna napantamakki Israel anjo pa'rasanganga.

1 KARAENG-KARAENG 9:9

Nampa lappialimi taua angkana, ‘Lanri nibokoi ke'nanga ri Batara, Allata'alana ke'nanga, Ia le'baka anrurungangi boe-boena ke'nanga battu ri Mesir. Anynyombai ke'nanga ri rewata-rewata maraenga. Iaminjo saba'na na Napabattumo Batara anne balaya mae ri ke'nanga.’ ”

2 PATTOTTORANG 15:2

sa'genna a'lampa mange assicini' siagang Karaeng Asa, nampa nakana, “He Karaeng Asa, siagang ikau ngaseng sikontu pandudu' Yehuda siagang Benyamin! Pilangngeri anne! A'reppeseki Batara punna a'reppesekko mae ri Ia. Punna appalakko pangngunju' ri Batara, laNasareko. Mingka punna tena numanjampangi ri Ia, tena todong nalaNajampangiko.

2 PATTOTTORANG 28:19

Lanri nabokoina Ahas karaeng Yehuda Batara, siagang tena naparentai ra'yaka situru' ero'Na Batara, appabattumi kasusaang Batara mae ri tu Yehuda.

PANGNGEBARANG 11:19

Inai talanrea a'gau' baji', lamate'nei tallasa'na; inai ero' dudu a'gau' ja'dala' lamangei ri kamateang.

PANGNGEBARANG 13:21

Tau dorakaya tuli niondangi ri kacilakang, tau bajika tuli annarimai kate'neang.

PANGNGEBARANG 28:4

Inai tanjampangiai hukkunga, agangi tau ja'dalaka; inai mannuruki ri hukkung, nabaliangi tau bambalaka.

PANGNGEBARANG 5:22

Anjo dosana tau ja'dalaka sanrapangi sikko' tattannanga untu' kalenna tonji ke'nanga.

YESAYA 3:11

Mingka cilakai tau ja'dalaka! Lanihukkungi ke'nanga kamma nigaukanga mae ri tau maraenga.

YEREMIA 2:13

Ruang rupa dosa nagaukang ummakKu: nabokoiA' assarea je'ne' pannallassi ri rupataua; napapparekangi kalenna ke'nanga kalo'bang assabang tenaya nakkulle annahang je'ne' tingkasa'na.”

YEREMIA 2:19

Kaja'dallannu tonji anghukkungi kalennu, nisessako lanri nusorongbokoA', iNakke, Allata'alanu. Kamma-kamma anne kasia'mi pai'na siagang paccena punna nubokoiA' siagang tena nupakalompoA'. INakke, Karaeng Allata'alanu anne le'ba' a'bicara; iNakkemi Karaeng Allata'ala Kaminang Tinggia siagang Makoasaya.”

YEREMIA 23:13

Kucini'mi dosana sikamma na'bi-na'bina Samaria. A'bicarai ke'nanga lalang arenna Rewata Baal, siagang napasala oloangi Israel, ummakKu.

YEREMIA 38:4

Jari a'lampami anjo sikamma pagawea mae ri karaenga nampa angkana, “Anne taua musti nihukkung matei. Nasaba', lanri akkana kammana napanaungi sumanga'na sikontu tantaraya siagang tau maraenga ammantanga ri anne kotaya. Tena natulungi ra'yaka, passangalinna nacilakai ke'nanga.”

YEHEZKIEL 3:8

Kamma-kamma anne laKupa'jari kapala batuko siagang pore akkala'nu sangkamma todong ke'nanga.

MATIUS 14:4

Nale'baki nipakainga' ri Yohanes sollanna tena nabuntingi anjo bainenna sari'battanna. Nakana Yohanes, “Takkulleako a'bunting siagang Herodias!”

LAMPA-LAMPANA 24:13

Siagang tena todong nakkulle napa'butti sikamma anjo apa natuduanga' ke'nanga ri dallekanta.

LAMPA-LAMPANA 24:20

Yareka boli'mi kamma nakalenta ngaseng anne taua ampa'butti angkanaya kaja'dallang apa nagappa ri kalengku, ri wattungku niadeli ri dallekanna Pangadelang Agamaya.

PAOLE 31:16

Nakana Batara mae ri Musa, “A'reppese'mi a'jala'nu. Punna a'boko mako, lamamminrami nyawana bansa Israel mae ri Nakke siagang takkaluppami ri parjanjiang Kupareka siagang ke'nanga. LanabokoiA' ke'nanga untu' a'lampa mange anynyomba ri rewata-rewata nisombaya ri pa'rasangang tenayamo nasallo nanupantamakki.

1 SAMUEL 14:29

Appialimi Yonatan angkana, “Teai sipato' ta'liwa'-liwa'na anjo panggaukanna manggeku mae ri bansata! Ciniki, kamma-kamma anne bella baji'na pakkasiakku ri le'bakkumo angnganre sike'de' bani.