1 KARAENG-KARAENG 18:12 - KITTA' MATANGKASA'

¹² Punna a'lampama' battu anrinni, gassingka labattui RohNa Batara angngerangki' ri se'reang tampa' tenaya nakuassengi! Nampa punna kupauang Ahab angkanaya niakki' anrinni, nampa tena nakkulle ambuntulukki', ma'nassa lanabunoa'. Parallui kiasseng bapa', angkanaya inakke anne attojeng-tojenga' assambayang mae ri Batara baku' battu ri ca'diku!

1 KARAENG-KARAENG 18:12 ပူးပေါင်းရင်းမြစ်များ

1 KARAENG-KARAENG 18:11

Nampa kamma-kamma anne erokki' sollangku a'lampa mae ri ia nampa kupau angkana niakki' anrinni?

2 KARAENG-KARAENG 2:11

Lalang a'jappana ke'nanga, tuli sipa'bicarana. Ti'ring nia'mo se're kareta a'rinra nibeso' ri ruang kayu jarang a'rinra battu ampasisa'laki ke'nanga sipa'rua, nampa niangka' Elia nai' ri suruga ri anging barubu.

2 KARAENG-KARAENG 2:16

nampa nakana ke'nanga, “Ikambe niakki' limampulo tau, sangnging tau kassa' ngaseng. Lanri kammana anjo umba ki'lampa mange amboyai Elia bapa'nu. Gassingka nierangi ri RohNa Batara mange ri monconga yareka mange ri ka'bunga nampa niboli' anjoreng.” Appialimi Elisa angkana, “Tea' mako!”

2 PATTOTTORANG 34:3

Narapi'namo 8 taung sallona ammarenta, ri umuru' rungka dudua iji, appakkaramulami Yosia anynyomba mae ri Allata'ala nasombaya Karaeng Daud boe-boena. Narapiki patang taung ribokoanganna, appakkaramulami naancuru' tampa'-tampa' panynyombang barhalaya, patung-patung Dewi Asyera, siagang barhala-barhala maraengannaya.

PAMMUJI 71:5

Saba' iKattemi panrannuangku, o, Batara, o, Batara tappaka' mae ri Katte battu ri wattu rungkaku iji.

PANGNGEBARANG 8:13

Punna nipakala'biri' Batara, battuanna nikabirisi kaja'dallanga; takungaiyai kaborroanga siagang katampoanga. Kukabirisi gau'-gau' ja'dalaka siagang kana-kana annipua.

KATO'BA 7:18

Liliangi anjo ruaya sumpadeng. Punna mallakki' ri Allata'ala, mattantu labajiki wasseletta.

YESAYA 50:10

He ikau ngaseng ampakalompoai Batara, siagang ampilangngeriai kananna atanNa, nakulle sassangi agang nuoloa, siagang tena caya ansingariko; mingka tappa' laloko mae ri Batara; tanjengko mae ri Allata'alanu.

YEHEZKIEL 11:24

Kuciniki kalengku niangka' ri RohNa Allata'ala nampa nipoteranga' mange ri sikamma tau nipelaka ri Babel. Nampa allanynya'mo anjo paccinikku.

YEHEZKIEL 37:1

Kupisa'ringi kakoasanNa Batara, siagang naeranga' RohNa naung ri ka'bung rassia siagang buku-buku.

YEHEZKIEL 8:3

Appajonjomi sangkamma kucini' lima tau, nampa nata'gala' poto' uukku; nampa niangka' kucini' kalengku tinggi nai' ri allaka ri RohNa Allata'ala siagang nierang mange ri Balla'na Batara ri Yerusalem, ri pakke'bu' antamakkanga ri paranglakkeng lalangngang bageang waraka. Anjoreng nia' patung barhala ampabattuai larroNa Allata'ala.

MATIUS 2:16

Naassenna Herodes angkanaya nitipui ri anjo tucara'deka accini' bintoeng niaka battu raya, tamakami larrona. Appasulu'mi parenta, assuro buno ngasengi sikontu ana'-ana' bura'ne niaka lalang ri Betlehem siagang ri ampi'-ampi'na, ia umuru' ruan taunga siagang irawangannaya. Anjo umuruka appakkaramulai nirekeng ri wattu pammumbana anjo bintoenga, situru' le'baka napau anjo tucara'deka accini' bintoeng.

MATIUS 4:1

Le'baki anjo, nierammi Isa ri RohNa Allata'ala mange ri parang lompoa, sollanna niso'ri ri billisika.

LUKAS 1:15

La'jari tu nipakalompoi ri dallekanNa Allata'ala. Talangnginungai anggoro' siagang inungang terasa'. Pakkaramula battu ri nilassukanna lanirurungangi ri RohNa Allata'ala.

LAMPA-LAMPANA 12:19

Nasuromi Herodes taua mange amboyai Petrus. Mingka takkulleami ke'nanga ambuntuluki Petrus. Jari naparentakammi Herodes sollanna nikuta'nang ngaseng anjo tantara pangawalaka nampa nibuno. Le'baki anjo a'lampami Herodes battu ri Yudea, namange ammantang siapa are sallonna ri Kaisarea.

LAMPA-LAMPANA 8:39

Ri wattunna assulu' ammotere' ke'nanga battu lalang ri je'neka, battumi RohNa Allata'ala angngallei Filipus. Tanicinikami Filipus ri anjo pagawe tinggi battua ri Etiopia. Sanna'mi rannuna nyawana anjo pagawe tinggia, nanapatulusu' pa'lampanna.

2 TIMOTIUS 3:15

Musti nuu'rangi angkanaya battu ri ca'dinu iji nanuassennamo Kittaka. Anjo Kittaka akkulleko nasare pangngassengang untu' anggappai kasalamakkanga tete ri katappakkang mae ri Isa Almasi.

1 SAMUEL 16:2

Mingka akkuta'nammi Samuel angkana, “Antekamma musti kugaukanga? Punna nalangngere' anne passalaka Saul, ma'nassa nabunoa'!” Appialimi Batara angkana, “Angngerangko sikayu sapi rungka, siagang paui mae ri ra'yaka angkanaya niakko battu mange anjoreng untu' assare koro'bang mae ri Batara.

1 SAMUEL 2:18

Lalanna anjo wattua, anjo Samuel ana'-anaka ija nalayani turusmi Batara. Ammakemi baju attantu, iamintu battu ri kaeng lenang nipare', sangkamma baju passambayanna sikamma imanga.

1 SAMUEL 2:26

Na Samuel, anjo anaka, pila' lompomi siagang pila' ningaimi, baji ri Batara, kammayatompa ri sikontu taua.