1 KARAENG-KARAENG 17:14 - KITTA' MATANGKASA'

¹⁴ Nasaba' Batara, Allata'ala Nasombaya Israel, angkanai anjo mangkoka tuli lania'na labu' lalang, siagang anjo botoloka tuli lania'na minynya' bonena sa'genna Napabattu Batara bosia ri linoa.”

1 KARAENG-KARAENG 17:14 ပူးပေါင်းရင်းမြစ်များ

1 KARAENG-KARAENG 17:13

Nakanamo Elia ri ia, “Teaki' bata-batai bu'! Kipare'mi anjo kanre untu' kanreta siagang anatta. Mingka la'bi riolo appare' maki' rolong sibatu roti ca'di battu ri anjo labuka siagang minynyaka, nampa kierang mae anrinni.

1 KARAENG-KARAENG 17:15

A'lampami anjo jandaya nampa nagaukang anjo apa napaua Elia. Jari nia'mi parsadiaanna ke'nanga sipattallu ia gannaka untu' siapa are allo sallona.

1 KARAENG-KARAENG 17:4

Langgappako je'ne' inung battu ri anjo pangka binangaya, siagang nia' jangang-jangang kalaa' laKusuro ampangngerangngangko kanre.”

2 KARAENG-KARAENG 3:16

sa'genna nakanamo, “Iaminne kananNa Batara: ‘Apparekko kalok-kaloro' anrinni ri balanga.

2 KARAENG-KARAENG 7:1

Appialimi Elisa angkana, “Pilangngeri anne apa Napaua Batara! Ammuko kira-kira ri wattu kamma-kammaya anne, lanri se'reji bawang doe' pera' akkullei taua ammali tallu kilo gandung kaminang bajika yareka annang kilo gandung maraengannaya.”

2 KARAENG-KARAENG 9:6

Nampa antama'mo ke'nanga sipa'rua ri ballaka, nampa napatiri'mo na'bi rungkaya anjo minynya' zaitunga nai' ri ulunna Yehu siagang nakana, “Nakana Karaeng Allata'alana Israel, ‘Kulantikko a'jari karaeng mae ri ummakKu Israel.

MATIUS 26:7

nia'mo sitau baine battu mae ri Ia angngerang sibotolo' minynya'-minynya' bau', sannaka ka'jala'na ballinna. Natumpami anjo minynya'-minynya' bauka ri ulunNa Isa, ri sitabanna angnganre Isa.