1 KARAENG-KARAENG 17:12 - KITTA' MATANGKASA'

¹² Appialimi anjo jandaya angkana, “Lanri Batara, Allata'ala mattallasaka, Ia kisombaya, assumpa' angkanaya tena rotiku. Ia niaka poro sikangkang mami tarigu lalang mangko', siagang sike'de' minynya' zaitun lalang ri botolo'. Appasse'rea' anne kayu tunuang untu' ampallui anjo bahang sike'deka, sollangku akkulle siagang anakku angnganre. Iaminjo kanre kala'busanna ikambe; le'baki anjo attayang mami ikambe untu' mate.”

1 KARAENG-KARAENG 17:12 ပူးပေါင်းရင်းမြစ်များ

PA'JARIANG 21:15

Ri wattunna la'busu'mo je'ne' nabokonga, napadongko'mi Hagar ana'na ri rawanganna rompo'-rompoka,

PA'JARIANG 21:16

nampa mange ammempo kira-kira nia' sibilangngang metere' bellana battu ri anjo tampaka. Nakanamo lalang ri pa'mai'na, “Tena nakuparrang anciniki anakku mate.” Nampa angngarru'mo Hagar.

2 SAMUEL 15:21

Mingka appialimi Itai angkana, “O karaeng mala'birikku, lanri arenNa Batara siagang lanri nyawana karaengku, manna pole kemae lampata, tuli lamminawanna todong atanta, manna pole nalandallekang kamateang.”

1 KARAENG-KARAENG 17:1

Nia' sitau na'bi niareng Elia. Assala'na tubattu ri Tisbe, iamintu se'reang kota ri daera Gilead. Ri se'reang allo battui mae ri Karaeng Ahab na nakana, “Lanri Batara, Allata'ala mattallasaka, Ia nasombaya tu Israel siagang Ia kulayania, kupabattuangki' angkanaya lalang ruampulo yareka tallumpulo taung labattua anne latena saliu' yareka bosi manna sike'de', pantaranganna punna kukanangi.”

1 KARAENG-KARAENG 17:11

Ri wattu a'jappana anjo jandaya untu' angngalle je'ne' inung, akkio'mi Elia angkana, “Bu', kipangngerangngang tonga' sike'de' roti.”

1 KARAENG-KARAENG 17:13

Nakanamo Elia ri ia, “Teaki' bata-batai bu'! Kipare'mi anjo kanre untu' kanreta siagang anatta. Mingka la'bi riolo appare' maki' rolong sibatu roti ca'di battu ri anjo labuka siagang minynyaka, nampa kierang mae anrinni.

YEREMIA 14:18

Punna mangea' ri paranga, kuciniki maya'-maya'na tumatea lanri pa'bundukang. Kuciniki lalang ri kotaya kasessanga, tau a'biringa mate naalle cipuru'. Na'bia siagang imanga nagaukangi jama-jamanna natanassenga apa battuanna apa nagaukanga ke'nanga.”

YEREMIA 4:2

Punna assumpako lanri arengKu siagang lambusukko nuadele' siagang tojeng lalang tallasa'nu, lanapalaki sikontu bansaya sollanna Kubarakkaki ke'nanga, kammayatompa lamammuji ke'nanga mae ri Nakke.”

YEREMIA 5:2

Nukana kalennu anynyombako mae ri Batara, nampa takammayaja anjo pattujunnu.

PIRAUNG 4:9

Sessai ke'nanga na mate palang-palang, lanri tena sikalimo lanakanre; ia matea lalang pa'bundukang, la'bi upakkangngangi kala mate cipuruka.

MATIUS 26:7

nia'mo sitau baine battu mae ri Ia angngerang sibotolo' minynya'-minynya' bau', sannaka ka'jala'na ballinna. Natumpami anjo minynya'-minynya' bauka ri ulunNa Isa, ri sitabanna angnganre Isa.

1 SAMUEL 14:39

A'janjia', lanri Batara attallasaka, ia le'baka assarei Israel pammetang, angkanaya tau salaya lanihukkung matei, manna pole ebara' angkana Yonatan ana' bura'neku.” Mingka tena manna sitau barani appiali.

1 SAMUEL 14:45

Mingka nakanamo ra'yaka mae ri Saul, “Maka musti nihukkung matei Yonatan? Nampa ia angngerangi anne pammetang lompoa? Tena! A'janji ikambe lanri Batara attallasaka, angkanaya takkulleai tappela' uu'na Yonatan manna silawara'. Nasaba' lanri pannulunNa Batara, nanggappa pammetang anne alloa.” Kammaminjo nanipasalama'mo Yonatan battu ri hukkungang matea lanri ra'yaka.

1 SAMUEL 20:21

Nampa lakusuro atangku mange anrappungi anjo sikamma panaya. Na punna kukana ri ia, ‘E, anjo panaya la'bi ambani mae anrinni; allei,’ batuanna akkulleko assulu' nasaba' amangi. Assumpa' lanri Batara attallasaka, angkanaya ma'nassa tena sikali bahaya lantujuko.

1 SAMUEL 20:3

Appialimi Daud angkana, “Baji' naassenna manggenu angkanaya nungaia'. Jari tantu tena naero' ampauangko anjo passalaka sollanna tena nusi'na. Manna pole antekamma, lanri Batara attallasaka, sikontutojenna tallasakku sanrapangi bayao ta'dongkoka ri cappa' tanru'!”

1 SAMUEL 25:26

Napisangkaiki' Allata'ala untu' annuntu' pambalasang siagang ambunoi musu-musunta. Nampa kamma-kamma anne karaeng, lanri Batara mattallasaka, assumpai atanta, tapporo sarenna sikontu musunta siagang sikamma tau eroka ancilakaiki' sangkammai sarenna Nabal.

1 SAMUEL 26:10

Lanri Batara mattallasaka, kuassengi angkanaya sallang KalenNa Batara lambunoi Saul, punna narapi'mo a'jala'na, yareka punna matei lalang bundu'.