1 KARAENG-KARAENG 16:8 - KITTA' MATANGKASA'

⁸ Ri taung makaruampulona angngannang pamarentahanna Karaeng Asa ri Yehuda, Ela ana'na Baesa a'jari karaeng ri Israel. Ammarentai ri Tirza ruan taung sallona.

1 KARAENG-KARAENG 16:8 ပူးပေါင်းရင်းမြစ်များ

1 KARAENG-KARAENG 15:16

Ri wattu pamarentahanna Karaeng Asa battu ri Yehuda siagang Karaeng Baesa battu ri Israel, sarroi a'bundu' anjo ruaya karaeng.

1 KARAENG-KARAENG 15:33

Ri makatallung taunna pamarentahanna Karaeng Asa ri Yehuda, Baesa ana'na Ahia a'jari karaeng ri sikontu Israel. Ammarentai ri Tirza ruampulo angngappa' taung sallona.

1 KARAENG-KARAENG 16:15

Ri taung makaruampulona antuju pamarentahanna Karaeng Asa ri Yehuda, Zimri a'jari karaeng ri Israel naammarenta ri Tirza tuju allo sallona. Anjo wattua sitabangi tantara Israel nakurung Gibeton, kota tu Filistin.

1 KARAENG-KARAENG 16:21

Kajariammi passisala-salanga ri bansa Israel lanri nia' ero' sollanna Tibni, ana'na Ginat, a'jari karaeng, mingka nia' todong ero' sollanna Omri a'jari karaeng.

1 KARAENG-KARAENG 16:23

Anjo kajariangi ri taung makatallumpulona asse're ri pamarentahanna Karaeng Asa ri Yehuda. Sampuloi anrua taung sallona ammarenta Omri salaku karaeng ri Israel. Uru-uruna annang taungi ammarenta ri Tirza.

1 KARAENG-KARAENG 16:9

Zimri, sitau perwira a'jari komandanga ri bage ruana pasukang karetaya, assikongkoloki angngewai Ela. Ri se'reang allo ri Tirza, angnginung-nginungi Ela sa'genna nasa'ring ri balla'na Arza, kapala ruma tanggana balla' kakaraenganga.

2 KARAENG-KARAENG 15:14

lanri niaki Menahem ana'na Gadi battu ri Tirza mange ri Samaria ambunoi Salum, nampa Menahem ansambeangi a'jari karaeng.

2 KARAENG-KARAENG 15:23

Ri taung makalimampulo ammarentana Karaeng Uzia ri Yehuda, iatommi anjo wattua na'jari Karaeng Pekahya ana'na Menahem ri Israel siagang ammarentai ri Samaria ruan taung sallona.

2 KARAENG-KARAENG 21:19

Umuru'na Amon ri wattunna a'jari karaeng Yehuda iamintu 22 taung siagang ammarentai 2 taung sallona ri Yerusalem. Amma'na niarengi Mesulemet ana'na Harus, tu Yotba.

PANGNGEBARANG 28:2

Punna doraka bansaya, assisambe-sambeangi pamarentana; punna cara'de' pamimpinga, lattahangi anjo bansaya siagang latuli kassaki.