1 KARAENG-KARAENG 16:34 - KITTA' MATANGKASA'

³⁴ Lalang ri wattu pamarentahanna Ahab, nibangummi ammotere' kota Yerikho ri Hiel, iamintu tu battu ri Betel. Mingka sangkamma apa le'baka Napau la'bi riolo Batara tete ri Yosua ana'na Nun, taenami rua ana'na Hiel: Abiram ana' toana matei ri wattu napadongko'na pundasina kotaya, siagang Segub ana' bungkona matei ri wattu napasanna Hiel pakke'bu'-pakke'bu' lompona anjo kotaya.

1 KARAENG-KARAENG 16:34 ပူးပေါင်းရင်းမြစ်များ

2 SAMUEL 10:5

Mingka siri'-siriki ke'nanga ammotere' mange ri pa'rasanganna ke'nanga. Ri wattunna nipabattu mae ri Daud anjo passalaka, akkirimmi pasang sollanna ammantang anjo sikamma tunisuroa ri Yerikho sa'genna attimbo poleang janggo'na ke'nanga.

ZAKHARIA 1:5

Kemaemi boe-boenu siagang anjo na'bi-na'bia ri kamma-kammaya anne? Tena ngasemmi ke'nanga.

MATIUS 24:35

Lalanynyaki langika siagang linoa, mingka tuli lania'na kana-kanangKu satunggu-tungguna.”

YOSUA 6:26

Anjo wattua napasuluki Yosua pappisangka kammaya anne, “Inai-nai ero' angngusahakangi untu' ambangungi ammotere' anne kota Yerikho, lanitabai ri pattunraNa Batara. Inai-nai lantannangngi batu pondasi, latappelaki ana' toana; na inai-nai ampatabai sikamma pakke'bu' lompona, latappelaki ana' bungkona.”