1 KARAENG-KARAENG 16:32 - KITTA' MATANGKASA'

³² Ambangungi balla' passambayangang ri Samaria untu' Baal, nampa lalang ri anjo balla' passambayanganga appareki tampa' pakkoro'bangngang untu' anjo rewataya.

1 KARAENG-KARAENG 16:32 ပူးပေါင်းရင်းမြစ်များ

1 KARAENG-KARAENG 18:18

Appialimi Elia angkana, “Teai inakke tau apparicua, mingka kalenna karaenga. Ikattemi siagang kaluargata apparicu. Lanri anynyombata ri barhala-barhala Baal, kidakkaimi parenta-parentaNa Batara.

2 KARAENG-KARAENG 10:18

Nasuroi Yehu a'rappung panduduka ri Samaria nampa nakana, “Karaeng Ahab kurang attojeng-tojengi anynyomba mae ri Baal; inakke lala'bi attojeng-tojenga' naia.

2 KARAENG-KARAENG 10:21

nampa napa'la'bang Yehu mae ri sikontu Israel. Anjo alloa battu kabusu'mi sikontu tau anynyombaya ri Baal, tena manna sitau tabattu. Antama'mi ke'nanga ri balla' panynyombanga ri Baal, siagang napirassi kabusu'mi anjo pammantangnganga battu ri dallekang sa'genna mae ri boko.

2 KARAENG-KARAENG 3:2

Ja'dalaki panggaukanna ri paccini'Na Batara, mingka tena nasangkamma ja'dala'na Ahab siagang Izebel, tau toana. Patung napareka manggena untu' anynyomba Baal le'baki narumbang.