1 KARAENG-KARAENG 16:31 - KITTA' MATANGKASA'

³¹ Tenapa nasukku' nasa'ring doraka sangkammaya nagaukanga Yerobeam, ia ba'lalo nabuntingi Izebel ana'na Karaeng Etbaal battu ri Sidon, siagang assambayangi mae ri Baal.

1 KARAENG-KARAENG 16:31 ပူးပေါင်းရင်းမြစ်များ

PA'JARIANG 30:15

Appialimi Lea angkana, “Tanggannakapika nuallena bura'nengku? Kamma-kamma anne ba'lalo erokko pole angngallei ruku' pa'balle nagappaya anakku.” Nakanamo Rahel, “Punna nusarea' anjo ruku' pa'ballena ana'nu, akkulleko sikatinroang siagang Yakub anne bangngia.”

PA'JARIANG 6:2

nicini'mi ri sikamma rewataya angkanaya ga'ga-ga'ga ngasengi anjo tuloloa. Jari nabuntingimi ke'nanga anjo tulolo massing nangaia ke'nanga.

1 KARAENG-KARAENG 18:18

Appialimi Elia angkana, “Teai inakke tau apparicua, mingka kalenna karaenga. Ikattemi siagang kaluargata apparicu. Lanri anynyombata ri barhala-barhala Baal, kidakkaimi parenta-parentaNa Batara.

1 KARAENG-KARAENG 18:19

Kamma-kamma anne parentakammi sikontu ra'ya' Israel untu' angngaganga' sibuntulu' ri Moncong Karmel. Erang tongi anjo 450 na'bi Baal siagang 400 na'bi rewata baine Asyera, ia niongkosia ri Izebel bainenna karaenga!”

1 KARAENG-KARAENG 18:4

Ri wattunna nabuno Izebel na'bi-na'biNa Batara, nia' 100 tau na'bi natulung Obaja na nacokko ke'nanga lalang ri kali'bong batua – 50 tau lalang se're kali'bong – kammayatompa nasare kanre siagang je'ne' inung ke'nanga.)

2 KARAENG-KARAENG 10:18

Nasuroi Yehu a'rappung panduduka ri Samaria nampa nakana, “Karaeng Ahab kurang attojeng-tojengi anynyomba mae ri Baal; inakke lala'bi attojeng-tojenga' naia.

2 KARAENG-KARAENG 17:16

Nadakkai kabusuki sikamma hukkunNa Batara, Allata'alana ke'nanga siagang appareki ke'nanga ruang kayu sapi tambaga untu' nasomba. Appareki ke'nanga patung Dewi Asyera, anynyombai bintoeng siagang mae ri Rewata Baal.

2 KARAENG-KARAENG 21:3

Tampa'-tampa' panynyombanga mae ri rewataya iamintu le'baka naputta Hizkia manggena, nabangungi ammotere'. Ambangungi tampa'-tampa' pakkoro'bangngang untu' anynyomba mae ri Baal, kammayatompa appareki patung Dewi Asyera, sangkamma todong nagaukang Ahab karaeng Israel. Anynyomba tongi Manasye mae ri bintoeng-bintoenga.

2 KARAENG-KARAENG 3:2

Ja'dalaki panggaukanna ri paccini'Na Batara, mingka tena nasangkamma ja'dala'na Ahab siagang Izebel, tau toana. Patung napareka manggena untu' anynyomba Baal le'baki narumbang.

2 PATTOTTORANG 17:4

passangalinna anynyombai mae ri Allata'ala. Mannuruki mae ri parenta-parentaNa Allata'ala, siagang tena nakamma karaeng-karaeng Israel batena attallasa'.

2 PATTOTTORANG 21:13

Kabalekanna, sangkammai karaeng-karaeng Israel maraenga bateta appanggaukang ri tallasatta, siagang kierangi ra'ya' Yehuda siagang Yerusalem mae ri gau' tenaya namajarre' tappa'na mae ri Allata'ala. Appanggaukang kammaki' Karaeng Ahab siagang sikamma tau ansambeangai. Ba'lalo kibunoi sikamma sari'battanta, nampa bajikangnganja anjo ke'nanga na ikatte.

YESAYA 7:13

Nampa nakanamo Na'bi Yesaya, “Punna kamma, pilangngeri he turunganna Daud! Tenaka nangganna' le'ba'na nuso'ri kasa'barranna rupataua, sa'genna nuso'ri todong kasa'barranNa Allata'alaku?

YEHEZKIEL 16:20

Nampa nupassareangi ana'-anatta, bura'ne siagang baine a'jari koro'bang mae ri barhala-barhalaya. Maka tanggannakkapi angkanaya tena namajarre' pa'mai'nu mae ri Nakke?

YEHEZKIEL 16:47

Sanggami pakkasia'nu ampinawangi ke'nanga siagang ampalembai anjo panggaukang appakaringi'-ringi'na ke'nanga? Tenapa! Tasalloami nula'bi panrakkangngang pole nake'nanga.

YEHEZKIEL 34:18

Battu ri kau nia' tena nasangga nasa'ring pa'mai'na punna poro ruku' kaminang bajika nacappu', mingka naonjo'-onjokang tompi ruku' tenaya nakanrei ke'nanga! Angnginungi ke'nanga je'ne' ci'nong nampa napuccakki je'ne' tenaya nainungi ke'nanga!

YEHEZKIEL 8:17

Nakana Batara ri nakke, “He tau, nuciniki anjo mae? Anne tu Yehuda tenapa nasangga nasa'ring punna iaja anjo bawang apa appakaringi'-ringika nagaukang siagang panggaukang-panggaukang tenaya pangngamaseanna ri sikontu pa'rasanganga. Ba'lalo nagaukang tongi ke'nanga anrinni, lalang ri BallakKu siagang pila' natambai pole larroKu. Ciniki antekamma batena ke'nanga anghinA', ta'liwaka kodina.

HOSEA 2:15

Koko-koko anggoro'na laKupoterangi mae ri ia, siagang Ka'bung Kasusaanga laKupinrai a'jari pakke'bu' panrannuang. Anjoreng lanaruppaiA' sangkamma ri wattu lolona, ri wattu beru assulu'na battu ri Mesir.

PAMMILANGNGANG 16:9

Nukanaka passala' ca'di-ca'di angkanaya laNapileko Allata'ala battu ri tangnga-tangngana tu Israel sollannu akkulle a'reppese' mae ri Ia, siagang anggaukangi tugasaka ri KemaNa, kammayatompa anjamaya untu' bansa Israel siagang allayani ke'nanga?

PAOLE 7:1

“LaNaerangko Karaeng Allata'alanu mange ri pa'rasangang lanupammantangngia, siagang jai bansa laNabongka battu anjoreng. LaNabongkai tujua bansa la'bi lompo siagang la'bi kassakkangngang na ikau ri dallekang matannu, iamintu: Tu Het, Girgasi, Amori, Kanaan, Feris, Hewi siagang Yebus.

PAPPICINI' 2:20

Mingka nia' Kukabattallang mae ri kau ngaseng: Nusarei pa'mai' Izebel, anjo baine nakanaya kalenna tunisuro ri Allata'ala. Jaimi atangKu le'ba' natipu siagang naajara' untu' a'gau' bawang siagang angkanrei kanre le'baka nipassareang mae ri barhalaya.

HAKING-HAKING 1:31

Tuniaka ammantang ri kota Ako, Sidon, Ahla, Akhzib, Helba, Afek siagang Rehob, tena todong nanibongkai ri suku Asyer.

HAKING-HAKING 10:6

Dorakami pole umma' Israel mae ri Batara. Tenamo namangngu'rangi ke'nanga ri Batara, siagang tenamo nanynyomba mae ri Ia. Rewata-rewata Baal siagang Asytoret a'giling nasomba ke'nanga. Kammayatompa rewata-rewata bansa Siria, Sidon, Moab, Amon siagang Filistin, yangasemminjo nasomba ke'nanga.

HAKING-HAKING 18:7

Le'baki anjo a'lampami anjo tau limaya nampa mange ri Lais. Anjoreng naparhatikammi ke'nanga pandudu'na. Ma'nassami angkanaya cara katallassanna anjo panduduka ri Lais sangkammai bansa Sidon. Manna nakasa'lakkang ke'nanga, siagang bellai ri bansa Sidon, amangi siagang sannangi katallassanna ke'nanga, tena musunna, bajiki pattallassanna siagang tena kakuranganna ke'nanga manna sike'de'.

HAKING-HAKING 2:11

Nampa dorakamo bansa Israel mae ri Batara. Tenamo nanynyomba ke'nanga mae ri Batara, Allata'alana boe-boena ke'nanga, iamintu Allata'ala le'baka angngerangi ke'nanga assulu' battu ri butta Mesir. Appakkaramulami ke'nanga anynyomba mae ri rewata niarenga Baal siagang Asytoret kammayatompa rewata-rewata maraengannaya, nasombaya bansa-bansa niaka ri tammulilina ke'nanga. Jari larromi Batara mae ri ke'nanga. Na Nalappassammo garombolanga ambunduki siagang anrampoki ke'nanga. Natena sikali pakkullena ke'nanga andallekangi anjo musu-musu battua ri tammulilina ke'nanga.

HAKING-HAKING 3:7

Dorakami umma' Israel mae ri Batara, Allata'alana ke'nanga. Takkaluppami ke'nanga mae ri Ia, sa'genna anynyombami ke'nanga mae ri berhala-berhala Baal siagang Asyera.