1 KARAENG-KARAENG 16:2 - KITTA' MATANGKASA'

² ‘Riolo teaiko apa-apa, mingka Kuangkakko a'jari pamimping ri ummakKu Israel. Kamma-kamma anne doraka mako sangkamma Yerobeam siagang ikaumi passabakkang nadoraka ummakKu Israel, sa'genna nupakabattu larroKu.

1 KARAENG-KARAENG 16:2 ပူးပေါင်းရင်းမြစ်များ

1 KARAENG-KARAENG 14:16

Lanibokoi Israel ri Batara lanri dorakanamo Yerobeam siagang a'jaria passabakkang nadoraka todong tu Israel.”

1 KARAENG-KARAENG 14:7

Ammotere' mako nanupauang Yerobeam angkanaya iaminne Napaua Batara, Allata'alana Israel, ‘Le'ba' mako Kupile battu ri alla'na ra'yaka siagang Kupa'jariko tau koasa ri ummakKu Israel.

1 KARAENG-KARAENG 15:26

Sangkamma manggena, ammarentayana rioloanganna, ja'dala' tommi panggaukanna ri dallekanNa Batara, sa'genna dorakamo tu Israel.

1 KARAENG-KARAENG 15:34

Sangkamma siagang Karaeng Yerobeam ammarentaya rioloanganna, Karaeng Baesa doraka tongi ri Batara siagang a'jari passabakkang nadoraka todong tu Israel.

KALAPPASSANG 32:21

Nakanamo ri Harun, “Apa nagaukang ke'nanga mae ri kau sa'genna nulappassang ke'nanga doraka lompo?”

YEREMIA 7:18

Ana'-anaka appasse'rei kayu tunuang, tubura'-bura'nea apparinra pepe', siagang tubai'-bainea alleo' labu' untu' appare' kanrejawa lanapassareanga ke'nanga mae ri rewata baine, ia naarenga ke'nanga Ratu Suruga. Siagang untu' ampakapa'risiki atingKu assare tongi ke'nanga anggoro' mae ri rewata-rewata maraenga.

MATIUS 5:19

Lanri kammana, inai-nai andakkai kalase'renna anjo parentaya, manna nakaminang ca'diaja, nampa naajara' todong paranna tau a'gau' kamma, iaminjo taua la'jari kaminang ca'di ri umma'Na Allata'ala. Mingka inai-nai anturuki anjo sikamma parentaya, nampa naajara' todong paranna tau anggaukangi, iaminjo taua sallang la'jari malompo ri umma'Na Allata'ala.

LUKAS 1:52

Napanaung ri empoanna sikontu tu nikaraengang napanai' ri tinggia, sikontua tu nihina.

1 SAMUEL 2:24

Teako appakammai pole anjo na'. Teai sipato' kodina anjo nabicaraya umma'Na Batara ri passala' panggaukannu.

1 SAMUEL 2:8

Battu ri pa'risi' Naangka' tu tenaya apa-apanna, battu ri sessa Nalappassang tu tunaya. Nipa'jari ke'nanga aganna tu mala'birika, na Nasare empoang kalompoang. Pa'lapara'na buttaya Batara pata, irateanganna Nabangung linoa.

1 SAMUEL 26:19

O, karaeng, kipilangngeri sai sombanna anne atanta. Ebara' angkana Batara assuroi karaengku angngewai atanta, akkullei passare koro'banga ampanaungi pangngalarroinNa mae ri atanta. Mingka ebara' angkana rupatau ansuroi karaengku, tapporo nihukkung laloi ke'nanga ri Batara! Nasaba' lanri panggaukanna anjo ke'nanga nanibongkamo atanta battu ri buttaNa Batara, siagang tarpassa musti a'lampai mange ri pa'rasangang maraeng namusti anynyomba anjoreng atanta mae ri rewata-rewata tenaya niassengi.