1 KARAENG-KARAENG 16:1 - KITTA' MATANGKASA'

¹ Jari a'bicarami Batara mae ri Na'bi Yehu ana'na Hanani, angkana, “Pabattui mae ri Baesa anne pappasangKu, angkanaya,

1 KARAENG-KARAENG 16:1 ပူးပေါင်းရင်းမြစ်များ

1 KARAENG-KARAENG 15:33

Ri makatallung taunna pamarentahanna Karaeng Asa ri Yehuda, Baesa ana'na Ahia a'jari karaeng ri sikontu Israel. Ammarentai ri Tirza ruampulo angngappa' taung sallona.

2 KARAENG-KARAENG 17:13

Akkiringi Batara siapa are tunisuro siagang na'bi-na'biNa mae ri umma' Israel siagang Yehuda untu' ampabattui anne pappakainga' kammaya: “Ammarimako a'gau' ja'dala' siagang turukimi parenta siagang hukkung le'baka Kupassareang mae ri boe-boenu siagang mae ri kau tete ri sikamma anjo atangKu, na'bi-na'bia.”

2 PATTOTTORANG 19:2

nia'mo sitau na'bi niareng Yehu ana'na Hanani battu mange andallekang ri karaenga. Nakanamo anjo na'bia ri ia, “Maka siratangki' ambantui tau ja'dalaka siagang agang mae ri tau birisika ri Batara? Larroi Batara lanri anjo panggaukang kammata.

2 PATTOTTORANG 20:34

Pau-pau maraengannaya ri passala'na Yosafat, battu ri pakaramulanna sa'genna kala'busang pamarentahanna, niaki nicata' lalang ri kitta' “Pau-pauanna Yehu ana'na Hanani”, niaka nitulisi' lalang ri kitta' “Pau-pauanna Sikamma Karaeng Israel.”

YEREMIA 32:18

Kipappicinikangi pangngamaseang satunggu-tungguTa mae ri assa'bu-sa'bua tau, mingka Kihukkung tongi taua lanri dosana tau toana. IKattemi Allata'ala mala'birika siagang porea; arenTa iamintu Batara Kaminang Koasaya.