1 KARAENG-KARAENG 15:34 - KITTA' MATANGKASA'

³⁴ Sangkamma siagang Karaeng Yerobeam ammarentaya rioloanganna, Karaeng Baesa doraka tongi ri Batara siagang a'jari passabakkang nadoraka todong tu Israel.

1 KARAENG-KARAENG 15:34 ပူးပေါင်းရင်းမြစ်များ

1 KARAENG-KARAENG 14:16

Lanibokoi Israel ri Batara lanri dorakanamo Yerobeam siagang a'jaria passabakkang nadoraka todong tu Israel.”

1 KARAENG-KARAENG 15:26

Sangkamma manggena, ammarentayana rioloanganna, ja'dala' tommi panggaukanna ri dallekanNa Batara, sa'genna dorakamo tu Israel.

1 KARAENG-KARAENG 15:33

Ri makatallung taunna pamarentahanna Karaeng Asa ri Yehuda, Baesa ana'na Ahia a'jari karaeng ri sikontu Israel. Ammarentai ri Tirza ruampulo angngappa' taung sallona.

1 KARAENG-KARAENG 16:2

‘Riolo teaiko apa-apa, mingka Kuangkakko a'jari pamimping ri ummakKu Israel. Kamma-kamma anne doraka mako sangkamma Yerobeam siagang ikaumi passabakkang nadoraka ummakKu Israel, sa'genna nupakabattu larroKu.

YESAYA 1:4

Cilakako kau bansa dorakaya, tau panraka siagang ja'dalaka! Ta'loposo' ngaseng mako lanri dosa-dosanu. Nutollaki Batara siagang nubokoi Allata'ala Kaminang Matangkasaka, siratanga musti nusomba.