1 KARAENG-KARAENG 15:23 - KITTA' MATANGKASA'

²³ Riwaya' maraengannaya ri sesena Karaeng Asa, iamintu kabaranianna siagang kota-kota napakassakkia, le'ba'mi nicata' lalang ri kitta' Riwaya'na sikamma karaeng Yehuda. Ri wattunna toamo nitabai garring Karaeng Asa, iamintu bangkenna.

1 KARAENG-KARAENG 15:23 ပူးပေါင်းရင်းမြစ်များ

1 KARAENG-KARAENG 14:19

Riwaya' maraenga ri sesena Karaeng Yerobeam, iamintu pamarentahanna siagang sikamma pa'bundukang napimpinga, le'ba'mi nicata' lalang ri kitta' Riwaya'na sikamma karaeng Israel.

2 PATTOTTORANG 14:7

Nakanamo Asa ri ra'ya' Yehuda, “Bajiki punna nipakajarre' kota-kotaya nanibangungi tembo' ri tammulilina, nipaentengi menara-menara siagang nipapparekangi pakke'bu'-pakke'bu' lompo niaka balo'-balo' panjolina. Nikoasaimi anne pa'rasanganga lanri niturukimi ero'Na Karaeng Allata'alata. Ia amparakaiki' siagang anjagaiki' nakiamang ri sikontu pa'rasanganta.” Jari appakkaramulami ke'nanga ambangung nampa napa'jari anjo bangunanga siagang baji'.

PAMMUJI 90:10

Wattu tallasa'na ikambe poro tujupulo taunji bawang, punna gassing ikambe, sagantujupulo taung. Mingka kasukkarrang siagang kapa'risang bawang nagappa ikambe; le'baki attallasa' poro sinampe', allanynya'mi ikambe.