1 KARAENG-KARAENG 15:20 - KITTA' MATANGKASA'

²⁰ Nasitujuimi Benhadad anjo pappala'na Asa. Nasuromi komandang-komandang tantarana siagang pasukanna ke'nanga mange ambunduki kota-kota Israel. Nabetami ke'nanga Iyon, Dan, Abel-Bet-Maakha, siagang Kinerot ri ampi'na Tamparang Galilea, kammayatompa sikontu daera Naftali.

1 KARAENG-KARAENG 15:20 ပူးပေါင်းရင်းမြစ်များ

PA'JARIANG 14:14

Nalangngere'na Abram angkanaya niallei kamanakanna, napasse'remi sikamma tau niaka ri kemana, iamintu sikamma tu cara'deka a'bundu', nia' 318 jaina tau. Nampa naondang ke'nanga anjo appaka karaeng sa'genna mange ri kota Dan.

1 KARAENG-KARAENG 12:29

Nampa naboli' Yerobeam kalase'renna anjo sapi bulaenga ri Betel, na maraengannaya ri Dan.

1 KARAENG-KARAENG 20:1

Ri se'reang allo, Benhadad, karaeng Siria, napa'rappungangi sikontu tantarana, siagang 32 karaeng maraeng siagang kareta pa'bundukang siagang jaranna ke'nanga, nakurungi siagang nabunduki kota Samaria.

1 KARAENG-KARAENG 20:34

Nampa nakanamo Benhadad ri ia, “Lakupoterangi mae ri katte kota-kota le'baka narampasa' manggeku battu ri manggeta. Akkulle tongki' ambangung tampa' pa'danggangang ri kota Damsyik sangkamma nagaukanga manggeku ri Samaria.” Appialimi Ahab angkana, “Battu ri anjo janjinta nakulappassangki'.” Le'baki anjo appare'mi Ahab parjanjiang siagang Benhadad, nampa nalappassang Benhadad.

2 KARAENG-KARAENG 15:29

Ri wattu ammarentana Pekah, naallei karaeng Asyur iamintu niarenga Tiglat-Pileser kota-kota Iyon, Abel-Bet-Maakha, Yanoah, Kedes, Hazor, daera Gilead, Galilea siagang Naftali. Pandudu'na niengkaki mange ri Asyur a'jari tunitahang.

YOSUA 11:2

mange ri karaeng-karaeng niaka ri pa'moncongang bageang wara', ri Ka'bunna Yordan ri bageang timboranna Galilea, ri daera pa'moncongang, siagang ri daera biring tamparanga ri ampi'na Dor.

YOSUA 12:3

kammayatompa antama' tongi daera Ka'bung Yordan bageang iraya, battu ri Tamparang Galilea a'lampa timboro' sa'genna mange ri Bet-Yesimot (ri rayanganna Tamparang Matea), tulusu' mange ri bangkenna Moncong Pisga.

YOSUA 19:39

Anjo kota-kotaya siagang desa-desaya niaki lalang ri daera nipassareanga mae ri kaluarga-kaluarga niaka lalang ri suku Naftali untu' a'jari butta pisakana ke'nanga.

HAKING-HAKING 18:29

Nasambeimi ke'nanga arenna anjo kotaya a'jari Dan, situru' arenna boena ke'nanga, iamintu Dan, ana'na Yakub.