1 KARAENG-KARAENG 14:9 - KITTA' MATANGKASA'

⁹ Mingka ikau nugaukangi kaja'dallang la'bi lompoanganga naapa nagaukanga sikamma tau le'baka ammarenta rioloangnganna naikau. Ikau nubokoiA' siagang nupabattui larroKu lanri apparekko patung-patung battu ri bulaeng untu' nisomba.

1 KARAENG-KARAENG 14:9 ပူးပေါင်းရင်းမြစ်များ

1 KARAENG-KARAENG 12:28

Le'ba'na napikki'-pikkiri' anjo passalaka, appare'mi rua patung sapi bulaeng, nampa nakana mae ri ra'yaka, “Bansa Israel! Sallo mako tuli a'lampa mange ri Yerusalem untu' assambayang. Kamma-kamma anne, iaminne rewata-rewatanu, ia le'baka angngantarakko assulu' battu ri Mesir.”

1 KARAENG-KARAENG 14:16

Lanibokoi Israel ri Batara lanri dorakanamo Yerobeam siagang a'jaria passabakkang nadoraka todong tu Israel.”

1 KARAENG-KARAENG 14:22

Ja'dala'mi apa nagaukanga bansa Yehuda ri dallekanNa Batara. Anjo panggaukanna ke'nanga la'bi-la'bimi napakanassuna Batara nasikontu apa le'baka nagaukang boe-boena ke'nanga.

1 KARAENG-KARAENG 15:29

Tasalloai Baesa a'jari karaeng, nabunomi sikontu kaluargana Yerobeam. Situru' apa le'baka Napau Batara tete ri atanNa, Na'bi Ahia battu ri Silo, nanibuno ngasemmo sikontu kaluargana Yerobeam, manna sitau tania' lappasa'.

1 KARAENG-KARAENG 15:30

Dorakai Yerobeam siagang iami passabakkang nadoraka tommo tu Israel. Lanri kammana anjo napakanassumi Yerobeam Batara, Ia nasombaya tu Israel.

1 KARAENG-KARAENG 15:34

Sangkamma siagang Karaeng Yerobeam ammarentaya rioloanganna, Karaeng Baesa doraka tongi ri Batara siagang a'jari passabakkang nadoraka todong tu Israel.

1 KARAENG-KARAENG 16:25

Omri jai panggaukang dosa lompoangngang nanagaukanga karaeng-karaeng ammarentaya rioloanganna.

1 KARAENG-KARAENG 16:30

Nagaukammi dosa-dosa lompoanganga ri dallekanna Batara nadosa nagaukanga karaeng-karaeng ammarentaya rioloangannaya.

1 KARAENG-KARAENG 16:31

Tenapa nasukku' nasa'ring doraka sangkammaya nagaukanga Yerobeam, ia ba'lalo nabuntingi Izebel ana'na Karaeng Etbaal battu ri Sidon, siagang assambayangi mae ri Baal.

1 KARAENG-KARAENG 16:33

Appare' tongi patung rewata baine niarenga Asyera. Jaiangngangi dosa nagaukanga na dosa le'baka nagaukang sikontu karaeng Israel ammarentaya rioloangannaya. Lanri kammana anjo napakabattumi larroNa Batara, Allata'ala Ia mustia nisomba ri tu Israel.

2 KARAENG-KARAENG 21:3

Tampa'-tampa' panynyombanga mae ri rewataya iamintu le'baka naputta Hizkia manggena, nabangungi ammotere'. Ambangungi tampa'-tampa' pakkoro'bangngang untu' anynyomba mae ri Baal, kammayatompa appareki patung Dewi Asyera, sangkamma todong nagaukang Ahab karaeng Israel. Anynyomba tongi Manasye mae ri bintoeng-bintoenga.

2 KARAENG-KARAENG 23:26

Mingka panggaukanna Karaeng Manasye ampanaiki larroNa Batara mae ri tu Yehuda; nampa anjo larroNa tenapa nanaung.

2 KARAENG-KARAENG 3:3

Mingka, sangkamma Yerobeam ana'na Nebat ammarentaya rioloannaya, naerang tongi tu Israel mae ri dosaya siagang tena nammari anggaukangi anjo passalaka.

2 PATTOTTORANG 11:15

Angngangkaki Yerobeam imang-imang untu' kalenna, untu' allayani tampa'-tampa' panynyombang barhalaya siagang untu' anynyomba ri jing-jing kammayatompa patung-patung sapi napareka kalenna.

2 PATTOTTORANG 33:6

Ana'-ana' kalenna napassareang nipa'jari koro'bang nitunu ri Ka'bung Lappara' Hinom. Nagaukang tongi jama-jamang sanroa, pacinika, pangngissenganga, siagang appalaki pangngunju' mae ri roh-roh tanicinika. Teai sipato' dorakana mae ri Batara, sa'genna napakalarromo Batara.

NEHEMIA 9:25

Naallei ummatTa sikamma tembo' pattahanganga, butta copponga siagang balla' sangga kalumanynyanga. Sikamma bungung siagang timbuseng je'ne' narampasaki ke'nanga, koko anggoro', poko' zaitun na rappo-rappoang maraeng. Co'moki ke'nanga lanri angnganre ri ero'-ero' pa'mai'na. Sikontu passare bajitTa nakasiaki ke'nanga.

NEHEMIA 9:26

Mingka apparicui ummatTa na tamannurukia, nabawang-bawangngangi hukkunTa siagang paratoranTa, nabunoi na'bi-na'bi ampakaingakai ke'nanga, assuroai ke'nanga ammotere' ri Katte, Allata'alana. O, Batara, a'mole-mole tongKi' nihina ri ke'nanga.

PAMMUJI 106:29

Anjo panggaukanna ke'nanga napanaiki larroNa Batara, sa'genna nipitujui ke'nanga ri garring appakamallaka.

PAMMUJI 50:17

Saba' taerokako antarimai pappakaingakKu, siagang nutollaki parenta-parentaKu.

PAMMUJI 78:40

Tamaka ma'mole-molena ke'nanga angngewa ri Ia, siagang napa'risi pa'mai'Na ri wattunna ri parang lompoa.

PAMMUJI 78:56

Mingka angngewai ke'nanga siagang naso'ri Allata'ala Kaminang Tinggia, tanaturukiai ke'nanga parenta-parentaNa.

PAMMUJI 78:58

Napa'ngarai ke'nanga Allata'ala ri tampa' panynyombang barhalaya, napassereati Allata'ala siagang patung-patunna ke'nanga.

KALAPPASSANG 34:17

Teako appareki siagang anynyombai ri rewata-rewata de'dekanga.

YEREMIA 32:18

Kipappicinikangi pangngamaseang satunggu-tungguTa mae ri assa'bu-sa'bua tau, mingka Kihukkung tongi taua lanri dosana tau toana. IKattemi Allata'ala mala'birika siagang porea; arenTa iamintu Batara Kaminang Koasaya.

YEREMIA 7:18

Ana'-anaka appasse'rei kayu tunuang, tubura'-bura'nea apparinra pepe', siagang tubai'-bainea alleo' labu' untu' appare' kanrejawa lanapassareanga ke'nanga mae ri rewata baine, ia naarenga ke'nanga Ratu Suruga. Siagang untu' ampakapa'risiki atingKu assare tongi ke'nanga anggoro' mae ri rewata-rewata maraenga.

YEREMIA 7:26

Mingka tena ero' mappilangngeri siagang anjampangi. Ba'lalo pila' a'jari la'bi kapala batuko siagang la'bi ja'dalakko naboe-boenu.”

YEHEZKIEL 23:35

Batara Kaminang Tinggia Nakana, “Lanri takkaluppa mako siagang a'boko mako battu ri Nakke, lanupisa'ringimi pa'risika passabakkang balere'nu siagang passundallannu.”

YEHEZKIEL 8:17

Nakana Batara ri nakke, “He tau, nuciniki anjo mae? Anne tu Yehuda tenapa nasangga nasa'ring punna iaja anjo bawang apa appakaringi'-ringika nagaukang siagang panggaukang-panggaukang tenaya pangngamaseanna ri sikontu pa'rasanganga. Ba'lalo nagaukang tongi ke'nanga anrinni, lalang ri BallakKu siagang pila' natambai pole larroKu. Ciniki antekamma batena ke'nanga anghinA', ta'liwaka kodina.

YEHEZKIEL 8:3

Appajonjomi sangkamma kucini' lima tau, nampa nata'gala' poto' uukku; nampa niangka' kucini' kalengku tinggi nai' ri allaka ri RohNa Allata'ala siagang nierang mange ri Balla'na Batara ri Yerusalem, ri pakke'bu' antamakkanga ri paranglakkeng lalangngang bageang waraka. Anjoreng nia' patung barhala ampabattuai larroNa Allata'ala.

KAIMANGNGANG 19:4

Teako anynyombai barhala. Teako appareki patung battu ri bassi-bassiang nampa nusomba. INakke Karaeng Allata'alanu.

1 KORINTUS 10:22

Yareka erokki' ampa'jari Batara akkimburu'? Maka kassakangangki' na Batara?

PAOLE 32:21

Patung nasombaya ke'nanga a'jari saba' naKularro siagang akkimburuA' mae ri apa naarenga ke'nanga rewata. Kupanaiki larrona ummakKu ri bansa maraenga, sollanna akkimburu mae ri tau dongo'-dongoka.

PAOLE 9:24

Baku'nu kuasseng, tuli tenana numappilangngeri mae ri Batara.

HAKING-HAKING 5:8

Ri rewasa' pakaramulana Israel manynyomba ri rewata, reppe'mi bunduka ri pa'rasanganna, ri 40.000 pahlawanna bansaya manna se're tamangangka' sanjata.