1 KARAENG-KARAENG 14:30 - KITTA' MATANGKASA'

³⁰ Ri jammang pamarentahanna Rehabeam, tuli nia' kajariang pa'bundukang iamintu Rehabeam siagang Yerobeam.

1 KARAENG-KARAENG 14:30 ပူးပေါင်းရင်းမြစ်များ

2 SAMUEL 3:1

Anjo pa'bundukanga battu ri tumminawanga ri kaluargana Saul a'bali tau amminawanga ri Daud tena nammari-mari. Pila' kassaki Daud, nampa balinna pila' lammai.

1 KARAENG-KARAENG 12:21

Ri wattunna battu Karaeng Rehabeam mange ri Yerusalem, napa'rappungammi 180.000 tantarana kaminang bajika battu ri suku Yehuda siagang Benyamin untu' mange ambunduki Israel siagang napoterang kakoasanna mange ri suku-suku niaka ri bageang wara'na Israel.

1 KARAENG-KARAENG 12:24

angkanaya, “Teako bunduki anjo sari'battannu Israel. Ammotere' mako! Anjo apa le'baka kajariang, anjo erokKu.” Jari naturukimi ke'nanga parentaNa Batara, nampa massing ammotere'mo ke'nanga mae ri balla'na.

1 KARAENG-KARAENG 14:19

Riwaya' maraenga ri sesena Karaeng Yerobeam, iamintu pamarentahanna siagang sikamma pa'bundukang napimpinga, le'ba'mi nicata' lalang ri kitta' Riwaya'na sikamma karaeng Israel.

1 KARAENG-KARAENG 15:16

Ri wattu pamarentahanna Karaeng Asa battu ri Yehuda siagang Karaeng Baesa battu ri Israel, sarroi a'bundu' anjo ruaya karaeng.

2 PATTOTTORANG 12:15

Pau-pauanna pamarentahanna Rehabeam battu ri pakaramulanna sa'genna kala'busang kammayatompa pattottoranna niaki nicata' lalang ri kitta' Pau-pauanna Na'bi Semaya siagang lalang ri kitta' Pau-pauanna Na'bi Ido. Tuli nia'na pa'bundukang ri Rehabeam a'bali Yerobeam.